Víkurfréttir - 21.09.2006, Page 18

18 VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!VÍKURFRÉTTIR I 38. TÖLUBLAÐ I 27. ÁRGANGUR
Nú í upphafi skólaárs eru að hefj-ast fyrstu foreldrafundir eða námsefniskynningar vetrarins
innan grunnskólanna. Foreldrafélög og
foreldraráð grunnskólanna vilja nota
tilefnið og hvetja alla foreldra til að
taka þátt í slíkum fundum, nota gott
tækifæri til að kynnast kennurum
barna sinna betur, fá yfirsýn yfir skóla-
starfið og ekki síst kynnast öðrum for-
eldrum bekkjarfélaga. En af hverju?
„Vil ekki mæta!“
Borið hefur á að foreldrar
veigri sér undan að mæta
á foreldrafundi, því þeir
eru hræddir um að vera
„dregnir“ inn í eitthvað
sjálfboðastarf. Hluti af
þeirri „fóbíu“ er sú stað-
reynd að margir foreldrar
sjái ekki ávinning af for-
eldrastarfi í grunnskóla.
Við höfum ekki vanist því
sjálf úr okkar eigin upp-
vexti. Ég persónulega efast
um að foreldrar mínir hafi
þekkt í sjón foreldra vinkvenna minna.
Einnig hittu þeir kennara mína kannski
einu sinni á ári, þar sem samskipti voru í
aðra áttina. Kennarinn gaf frá sér upplýs-
ingar en foreldri litlar á móti. Við erum
hvorki alin upp í að mikil samskipti séu
milli foreldra bekkjarfélaga, né á milli
kennara og foreldra. En hins vegar eru
mýmargar rannsóknir sem staðfesta að
þátttaka foreldra í námi barna sinna,
áhugi, stuðningur og jákvætt viðhorf
í garð skólans, hefur greinileg áhrif á
námsárangur og vellíðan barnanna í skól-
anum. Mikill vilji er fyrir hendi í skólum
bæjarins að auka og bæta þau samskipti
og verið er að leita hinna ýmsu leiða.
Þú sem foreldri ert að gera barninu þínu
ómetanlegan greiða, með því að sýna
vinnustað þess áhuga, kynnast vinum
þess og foreldrum þeirra, og í leiðinni
ertu að hafa jákvæð áhrif á önnur börn.
Allt þetta leiðir til öruggari barna sem
eru líklegri til að halda sig á beinu braut-
inni, betri líðan þeirra sem leiðir jafnan
til betri námsárangurs í skóla. Sá árangur
er mjög háður ýmsum aðstæðum utan
skóla. Þetta eru engin ný sannnindi og
í raun sáraeinfalt og augljóst, en það
tók mig t.d. svolítinn tíma að átta mig á
þessu samhengi, og ég geri ráð fyrir að
svo eigi einnig við um fleiri.
Einfaldasta forvörn sem til er
Það að foreldrar styrkji hvort annað í
foreldrahlutverkinu, séu óhræddir við
að hringja hvert í annað til að fá upplýs-
ingar, tali saman um t.d. útivistartíma,
afmæli, tölvunotkun, gsm síma, hjálma-
notkun, og geri jafnvel með
sér e.k. samkomulag um al-
mennar reglur fyrir börnin
sín er einfaldasta forvörn sem
til er. Til eru dæmi að slíkum
foreldrasamning á heimasíðu
Heimilis og skóla www.heim-
iliogskoli.is, og gefa foreldra-
félögin í samstarfi við FFGÍR
stuðning við að leggja slíkan
samning fyrir meðal foreldra
bekkja. Eins og vill vera taka
ekki alltaf allir þátt í slíkum
samskiptum og samkomu-
lagi. En ef slíkt tenglsanet
myndast meðal einhvers hóps,
þá hefur það einnig jákvæð áhrif á önnur
börn þó svo þeirra foreldrar standi fyrir
utan það af einhverjum ástæðum. Þegar
ég áttaði mig á þessu orsakasamhengi,
að til að stuðla að betri líðan og náms-
árangri barnanna okkar, halda þeim
frá hinum ýmsu slæmu áhrifum, er eitt
áhrifaríkasta tækið samvinna og samstarf
foreldra, þ.e. að „foreldrar tali saman,“ þá
fannst mér sjálfsagt að reyna að stuðla að
því. Ég trúi því að í því sé fólginn stuðn-
ingur fyrir mig og aðra í hinu flókna og
krefjandi foreldrahlutverki.
Bekkjarfulltrúar en ekki
bingóstjórar
Af þessum ástæðum er m.a. hlutverk
bekkjarfulltrúa mikilvægt, því þeir eiga
að stuðla að slíkum samskiptum og
kynnum meðal foreldra. Í sumum til-
fellum er á hinum fyrsta foreldrafundi
vetrarins þegar búið að kjósa eða velja
bekkjarfulltrúa en í öðrum tilfellum eru
þeir kosnir eða valdir á slíkum fundum.
Þó svo að kennarar hafi oft frumkvæði
að því að bekkjarfulltrúar séu valdir til
starfa, þá er mikilvægt að átta sig á því
að þeir starfa í umboði foreldra bekkjar-
ins, og á vegum foreldrafélags skólans.
Á foreldrafélagið á að starfa sem bak-
hjarl og stuðningur við bekkjarfulltrúa.
En skilningur, samskipti og stuðningur
kennara er einnig frumforsenda þess að
bekkjarfulltrúastarf verði að veruleika, og
mikilvægt að kennarar líti ekki á bekkjar-
fulltrúa sem bingóstjóra eða pizzuveislu-
stjóra. Margir bekkjarfulltrúar hafa svo-
lítið staðnað í því hlutverki og hvorki
foreldrar né kennarar hafa séð sér hag í
slíku starfi. Aðrir foreldrar mæta jafnvel
ekki á bekkjarsamkomur heldur líta á
þær sem barnaskemmtun og láta bekkj-
arfulltrúa bera ábyrgð á öllum krakka-
hópnum, sem er ekki þeirra hlutverk
heldur. Markmið bekkjarfulltrúa er að
stuðla að samskiptum og kynnum innan
foreldrahópsins, vera málsvari barnanna
okkar, styðja við skólastarfið, og dreifa
verkefnum meðal foreldra yfir veturinn
t.d. um félagsstarf bekkjarins,vinahópa
eða hvað sem hópurinn vill gera til að
stuðla að góðum starfs- og félagsum-
hverfi barna okkar.
Vettvangur foreldra til áhrifa
Skyldur foreldra til samstarfs við kennara
og skóla eru fyrst og fremst við sitt barn,
og bein samskipti foreldra og kennara
nauðsynleg. Foreldrar eru svo ótrúlega
fjölbreyttur hópur, og hreint ekki alltaf
sammála, en við þurfum að vera óhrædd
við að tala saman, skiptast á skoðunum
og láta rödd okkar heyrast innan skóla-
samfélagsins. Til þess eru foreldrafélögin
og foreldraráðin góður vettvangur. Oft
vill örla á ruglingi á ólíkum hlutverkum
þessara tveggja fyrirbæra, en foreldra-
ráð eru mikilvægur formlegur og lög-
boðinn vettvangur foreldra til að koma
skoðunum sínum á skólastarfi á fram-
færi við skólastjórnendur grunnskóla. Í
gegnum foreldraráð koma foreldrar skoð-
unum sínum og ábendingum á framfæri
við stjórn skólanna, varðandi innihald,
áherslur og skipulag skólahalds.
Hlutverk foreldrafélaga er ekki lögboðið
heldur líkara frjálsum félagasamtökum.
Helstu áherslur eru upplýsingamiðlun
og fræðslustarf, stuðningur við skóla-
starfið, efla tengsl heimila og skóla og
samstarf og tengsl foreldra innbyrðis.
Skilgreina má foreldrafélög sem skóla-
málafélög, og einnig sem uppeldis-eða
barnaræktarfélög. Foreldrar eru félags-
menn í foreldrafélagi þann tíma sem þeir
eiga börn í grunnskóla. Eitt af meginhlut-
verkum foreldrafélaga er að hafa umsjón
með bekkjarfulltrúum, veita þeim stuðn-
ing og handleiðslu.
Foreldrastarf er fjárfesting
Markmiðið með foreldrastarfi er að
stuðla að góðum uppeldisaðstæðum fyrir
börnin okkar, auka forvarnir í víðasta
skilningi gera góða hluti fyrir sitt eigið
barn, nú og svo þegar það kemur í ljós
að það hefur einnig jákvæð áhrif á öll
hin, hvernig getur maður þá tapað? Það
er ekki markmið í sjálfu sér að vera í
skipulögðu foreldrastarfi, en það er góð
leið til að ná þessum markmiðum því
saman getum við áorkað svo miklu. Það
kostar vissulega tíma, en það má líta á
þann tíma sem mikilvæga fjárfestingu.
Þú veist að þú ert að gera góða hluti,
sem hafa áhrif þó það sé stundum ekki
alveg greinilegt. Einnig hafa margir sem
hafa tekið þátt í slíku starfi, talið sig hafa
grætt mikið á því að kynnast skólanum
á annan hátt, bæði nánari og jákvæðari.
Maður „á“ miklu meira í honum en áður,
og er mun hæfari til að mynda sér skoð-
anir og taka afstöðu til ýmissa mála sem
þar eiga sér stað.
Við hjá FFGÍR hvetjum við alla foreldra
til að tala við hvort annað, stuðla að sam-
skiptum við kennara barna ykkar, skipta
ykkur af skólamálum, taka þátt í bekkjar-
fulltrúastarfi eða öðru foreldrastarfi sem
í boði er í skóla barnsins ykkar. Nánari
upplýsingar um starf okkar má finna á
www.ffgir.is eða heimasíðum skólanna
ykkar.
Með góðri kveðju og ósk um farsælt
skólaár.
Ingibjörg Ólafsdóttir
Verkefnastjóri FFGÍR, Foreldrafélög
og foreldraráð grunnskólanna í Reykja-
nesbæ
ffgir@ffgir.is
Í Heilsu m ið stöð inni að Hafnargötu 35 hafa þær Ragnhildur Ævarsdóttir
og Guðrún Eyjólfsdóttir hafið
störf sem Hómópatar. Þær út-
skrifuðust í júní á þessu ári úr
fjögurra ára námi við breskan
hómópataskóla; The College
of Practical Homoeopathy.
Þær Ragnhildur og Guðrún
segja hómópatíu mjög góða við
alls konar kvillum, t.d. eyrna-
bólgu, tennisolnboga, blöðrum
á eggjastokkum, þunglyndi og
mörg önnur mannanna mein.
„Þetta er allt náttúrulegt, við
notum jurtir úr náttúrunni
og blómadropa og svo okkar
frægu remedíur sem eru unnar
úr jurta,- dýra,- og steinarík-
inu. Rem ed íurn ar eru það
mikið þynntar að ekki er hægt
að tala um þær sem eiginlegt
efni heldur hvata. Þær eru með
öllu skaðlausar og valda ekki
aukaverkunum. Helsti kostir
hómópatíunnar er sá að hægt er
að stuðla að betri líðan jafnvel
þótt einkenni séu ekki vel skil-
greind eða falli ekki undir tiltek-
inn sjúkdóm. Hómopatar leitast
gjarnan við að koma lífsorkunni
í jafnvægi svo manneskjan sjálf
geti náð heilsu á sinn eigin hátt,”
sögðu þær Ragnhildur og Guð-
rún í samtali við VF.
Stofan er opin alla virka daga frá
kl. 16 og er hægt að panta tíma í
símum 661 9012 (Ragnhildur)
og 899 0533 (Guðrún).
Hómópatastofa opnuð
við Hafnargötuna
Hómópatarnir Ragnhildur og Guðrún leitast
gjarnan við að koma lífsorkunni í jafnvægi.
Foreldrar, tölum saman!