Víkurfréttir - 27.08.2015, Page 10
10 fimmtudagur 27. ágúst 2015 • VÍKURFRÉTTIR
Hafliði er einn af frumbyggj-unum á Ásbrú, hefur búið
í öllum hverfum utan við eitt og
tekið virkan þátt í því nýsköp-
unarsamfélagi sem þar hefur
skapast. Hann er 25 ára og ætt-
aður úr Leirá í Leirársveit en hann
kolféll fyrir náminu hjá Keili og
sótti um samdægurs þegar hann
sá það auglýst.
„Af einhverjum ástæðum hafði
ég haft áhuga því hvað yrði um
svæðið þar sem Kaninn hélt til
einu sinni. Þegar ég útskrifaðist
úr fjölbraut þá hélt ég í bakpoka-
ferðalag um heiminn og hafði enga
hugmynd um það hvað ég ætlaði
mér að verða þegar ég yrði stór.
Ég rakst á nemendatímarit frá há-
skólanum í Victoria þegar ég var að
ferðast um eyjarnar hjá Vancouver
í Kanada. Ein greinin þar fjallaði
um nýtingu á metani á fiskiskipum
og þá small eitthvað hjá mér. Ég
ákvað að leita mér að einhverju
raungreinatengdu námi í tengslum
við orkunýtingu þar sem ég hafði á
þeim tíma mikinn áhuga á stærstu
vandamálum nútímans: orkuskorti
og umhverfisvandamálum. Ég
fór því að skoða hvaða nám væri
mögulegt á Íslandi. Ég skoðaði
fyrst nám á Akureyri í orku- og
umhverfisfræði en þá kom í ljós að
því námi hafði verið hætt. Þá frétti
ég af því að Keilir væri að kenna
orku- og umhverfistæknifræði, ég
kolféll fyrir því og sótti um sam-
dægurs“.
Staðsetningin heillaði
Það sem heillaði Hafliða í upphafi
var staðsetning námsins á Ásbrú
og sú hugmyndafræði nýsköpunar
sem þar er unnið eftir.
„Staðsetningin er sérstaða tækni-
fræðinámsins í Keili. Þegar fólk
hefur ákveðið að flytja á Ásbrú og
stunda þar nám eða stofna fyrir-
tæki í kringum verkefni eða hugar-
fóstur – þá verður miklu meira
úr því. Ásbrú er frábært svæði ef
maður hefur rétta hugarfarið og
það er stutt í flest allt sem nem-
andi eða frumkvöðull þarf. Ég fékk
til að mynda tækifæri til þess að
láta hugmynd verða að veruleika
og það var bara vegna þess að ég
hafði með mér frábæra samnem-
endur, frábæra leiðbeinendur sem
tóku þátt eða veitti ráðgjöf og mót-
tækilega einstaklinga í samfélaginu
sem höfðu áhuga á því að láta hluti
gerast. Frumkvöðlasetrið í Eldey
hefur reynst algjör himnasending
og ég held að námið og búsetan
hefði ekki verið eins ánægjulegt ef
ekki hefði verið fyrir starfsemina
þar. Samfélagið allt virðist líka bara
vera mjög móttækilegt fyrir hug-
myndum og vill að þær verði að
veruleika.“
Námið var krefjandi og viður-
kennir Hafliði að hann hafi lítið
þekkt til tæknifræði þegar hann
byrjaði.
„Árin í Keili fóru töluvert fram úr
mínum björtustu vonum. Að sjálf-
sögðu var námið nýtt þegar ég
byrjaði, aðeins einn árgangur út-
skrifaður á þeim tímapunkti og
mikið sem hefði betur mátt fara.
Það góða er hinsvegar það að
deildin var mjög opin fyrir því að
nemendur tækju þátt í uppbygg-
ingu og mótun á sérstöðu skólans
og ég held að það hafi verið öllum
til bóta“.
Að sögn Hafliða var nemenda-
hópurinn þéttur enda hafi bekkjar-
félagar séð hvorn annan meira en
fjölskyldur sínar á námstímanum.
„En þetta var þó allt þess virði og
mikil reynsla sem hefur myndast
við að kljást við erfið verkefni og
koma með góðar lausnir á ýmis-
skonar vandamálum.“
Sáttur við það að
geta gengið í skólann
Hafliði hafði aðeins einu sinni
áður komið á Ásbrú áður en hann
settist þar á skólabekk og fékk þar
afhenta íbúð. Hann byrjaði í ein-
staklingsíbúð í 700 hverfinu og
leið að eigin sögn svoldið eins og
að gista á hóteli án þjónustunnar.
„Það var voða skrítið. Ég fílaði ekki
að búa einn þannig að ég flutti
um haustið í íbúð í 1100 hverfinu
ásamt bekkjarfélaga mínum og það
var mjög skemmtilegt, mikill gesta-
gangur og fjör. Ári seinna fluttum
við í 1200 hverfið í stærri íbúð og
tókum annan félaga með okkur.
Þannig að ég hef eiginlega búið í
öllum hverfunum á Ásbrú nema
900 hverfinu. Ég var rosalega sáttur
með að geta alltaf gengið í skólann,
það er eiginlega það sem stendur
upp úr. Þá bjuggu flestir bekkjar-
félagar mínir eiginlega í næstu götu
þar í kring og því mikill samgangur
á milli manna.“
Hafliði tók sæti í nemendafélaginu
á fyrsta ári og bauð sig strax fram í
formannssætið.
„Ég hafði bara svo margar hug-
myndir um það hvernig hægt væri
að bæta nemendalífið og mig
langaði rosalega mikið að taka
virkan þátt í samfélaginu. Ég held
að mér hafi tekist flest af því sem
mig langaði að gera í upphafi en ég
sat í nemendafélaginu eins lengi og
ég gat. Það gaf mér tækifæri á að
kynnast samfélaginu á virkan hátt,
og af einhverri ástæðu þá tekur fólk
mann meira alvarlega ef maður
kynnir sig sem einstakling í for-
svari fyrir einhvern hóp.“
Ein af hugmyndunum sem fæddust
í nemendafélaginu var að stofna
rými fyrir nemendur þar sem þeir
gætu unnið að hugmyndum utan
skóla. Félagið fékk aðstöðu í Eldey
frumkvöðlasetri og úr varð stafræn
smiðja sem fékk nafnið Hakkit.
„Hakkit hefur þróast svo ótrúlega
skemmtilega og aldrei stoppa hug-
myndirnar og tækifærin. Hakkit
hefur núna flest þau verkfæri og
þau tæki og tól sem fólk þarf til að
búa til nánast hvað sem er.
Stefnan er að bæta ennþá meira
þjónustuna þannig að frumkvöðlar
geti nýtt sem aðstöðuna sér til
framdráttar, hvort sem það er til að
kynnast öðrum í samfélaginu, til að
þróa frumtýpur af einhverri vöru
eða þá sem fyrsta vinnurými.“
Lokaverkefnið Hafliða var unnið í
samstarfi við nýsköpunarfyrirtæki
sem er staðsett í Reykjavík.
Fyrirtækið sérhæfir sig í því að
finna not fyrir hráefni sem er
venjulega urðað í dag og skoðaði
Hafliði það metanamgn sem hægt
er að vinna úr aukaafurðum sem
verða til við lýsisframleiðslu sem í
dag er borgað fyrir að urða. Haf-
liði vann við leiðsögn í sumar og
segir hann það góða reynslu að
meðhöndla hópa, hugsa fyrir þá og
stjórna þeim.
„Draumurinn er hins vegar að
taka virkan þátt í að þróa betur
starfsemina og hugmyndafræðina
á Ásbrú. Hvort sem það verður í
gegnum hakkið eða eitthvað annað
verður bara að koma í ljós. Ég
held að draumastarfið mitt væri
að vinna í hugmyndum og leiða
saman fólk með mismunandi bak-
grunn til þess að gera flotta hluti.
Tæknifræðigráða er ótrúlega víð-
tæk og gefur manni kost á því
að framkvæmda það sem maður
hugsar, hún hjálpar manni við að
búta niður hugmyndir í raunhæfari
einingar – og svo framkvæma þær“.
Nemendur á framhaldsskólastigi sem ekki njóta lána hjá LÍN geta sótt um styrk til
jöfnunar á námskostnaði. Styrkurinn ræðst af búsetu og er fyrir þá sem stunda nám
fjarri heimili sínu.
Dvalarstyrkur
(fyrir þá sem að dvelja fjarri lögheimili og fjölskyldu
sinni vegna náms).
Styrkur vegna skólaaksturs
(fyrir þá sem sækja nám frá lögheimili og
fjarri skóla).
Nemendur og aðstandendur þeirra eru hvattir til að
kynna sér reglur um styrkinn á vef LÍN (www.lin.is).
Lánasjóður íslenskra námsmanna
Námsstyrkjanefnd
Jöfnunarstyrkur til náms
Umsóknarfrestur á haustönn 2015 er til 15. október nk.
-viðtal pósturu dagny@vf.is
Frumbyggi á Ásbrú hefur búið í þremur hverfum og er mjög sáttur:
Samfélagið allt
mjög móttækilegt
fyrir hugmyndum
Hafliði Ásgeirsson útskrifaðist á dögunum sem tæknifræðingur frá Keili og
Háskóla Íslands eftir þriggja ára nám en lokaverkefni hans fjallaði um metan-
vinnslu úr ónýttum aukaafurðum lýsisframleiðslu í samblöndun við kúamykju.
ljosanott.is
Velkomin á björtustu fjölskylduhátíð landsins
Ljósanótt, menningar- og fjölskylduhátíð Reykjanesbæjar
verður haldin dagana 2.–6. september
Dagskrá á útisviði
Blönduð fjölskyldudagskrá á útisviðinu allan daginn
Ingó Veðurguð • Bæjarstjórnarbandið • Jóhanna Ruth • Leikhópurinn Lotta
Léttsveit Tónlistarskóla Reykjanesbæjar • Bestu vinir í bænum • Sígull
Bryn Ballett Akademían • Taekwondo • Danskompaní • Pakkið
Kolrassa Krókríðandi • Jónas Sig og ritvélar framtíðarinnar • Líf og friður
Sveitapiltsins draumur, tónleikar til heiðurs Rúnari Júlíussyni
Listsýningar um allan bæ og hin ómissandi Árgangaganga
Tónlistarveisla • Kjötsúpa • Heimatónleikar • Sagnakvöld • Lög unga fólksins
Bryggjusöngur • Bíla- og bifhjólasýning • Hátíð í Höfnum • Hjólbörutónleikar
Gospel og læti • Rokksafn Íslands • Leiktæki • Hoppukastalar
Brúðubíllinn • Skessulummur og dúndur Ljósanæturtilboð í verslunum
Sjá dagskrá á ljosanott.is
HS Orka lýsir upp Ljósanótt!
Landsbankinn er aðalstyrktaraðili Ljósanætur
Láttu sjá þig!
Reykjanesbær 2015