Víkurfréttir - 04.01.2018, Blaðsíða 6
6 FRÉTTIR Á SUÐURNESJUM f immtudagur 4. janúar 2018 // 1. tbl. // 39. árg.
94% FÉLAGSMANNA GREIDDU ATKVÆÐI MEÐ ÚRSÖGN
Mikill meirihluti félagsmanna Sjó-
manna og Vélstjórafélags Grinda-
víkur, eða 94%, greiddu atkvæði
með úrsögn bæði úr Sjómanna-
sambandi Íslands og Alþýðusam-
bandi Íslands. Allsherjarkosning
fór fram í desember um úrsögn
úr þessum tveimur samböndum.
Þetta kemur fram á heimasíðu fé-
lagsins, en þar kemur einnig fram
að nánari fréttir af kosningunni
komi á nýju ári.
SECURITAS REYKJANESI • IÐAVÖLLUM 13 • 230 REYKJANESBÆ • SÍMI 580 7200
Við óskum íbúum, fyrirtækjum og samstarfsaðilum
á Reykjanesi farsældar á nýju ári.
Þökkum frábært samstarf á nýliðnu ári
og vonum að allir fari öruggir inní það nýja.
Starfsfólk Securitas Reykjanesi
HÖ
NN
UN
: V
ÍK
UR
FR
ÉT
TIR
Jafnvel þótt við vitum að veröldin sé auðvitað full af
púkum, tröllum og kynjaverum af ýmsu tagi fara nú
flestir ósköp vel með það frá degi til dags. Einn er þó
sá dagur þar sem fólk getur óhikað hleypt púkanum
í sér út og það er auðvitað á þrettándanum. Eru því
allir laumupúkar hvattir til að sleppa fram af sér
beislinu og fjölmenna á stræti út og sýna sitt rétta
púkaandlit í árlegri þrettándagleði í Reykjanesbæ
n.k. laugardag.
Blysför að hátíðarsvæði og börn í búningum
Klukkan 17:00 verður gengið í fylgd álfakóngs og
drottningar og hirðar þeirra frá Myllubakkaskóla að
hátíðarsvæði við Hafnargötu 8. Eins og flestum er
kunnugt vita börn fátt skemmtilegra en að klæða sig
upp í búninga. Eru foreldrar því hvattir til að leyfa
börnunum að taka virkan þátt í gleðinni með því að
klæða sig upp í ýmis gervi, jafnvel púkagervi og ekki
væri verra ef þau hefðu heimagerðar luktir meðferðis
í blysförina. Á hátíðarsvæðinu verður það sjálf Grýla
gamla sem tekur á móti hersingunni, álfar munu hefja
upp raust sína og syngja þrettándasöngva og alls kyns
kynjaverur verða á sveimi á svæðinu.
Brenna, kakó og piparkökur
Þrettándabrennan verður á sínum stað á Bakkalág og
gestum verður boðið upp á heitt kakó og piparkökur
til að ylja sér.
Flugeldasýning Björgunarsveitarinnar
Suðurnes
Jólin verða svo kvödd að hætti Björgunarsveitarinnar
Suðurnes með glæsilegri flugeldasýningu eins og þeim
er einum lagið.
Karlakór Keflavíkur, Kvennakór Suðurnesja, Leik-
félag Keflavíkur, Skátafélagið Heiðabúar, Júdódeild
UMFN, Björgunarsveitin Suðurnes og Jólahljómsveit og
Trommusveit Tónlistarskólans taka þátt í dagskránni.
Bílastæði eru við Ægisgötu og Ráðhús, Tjarnargötu 12.
Þrumandi þrettándagleði
í Reykjanesbæ á laugardag
Í sveitarfélaginu Garði eru sem
stendur fjörtíu listamenn af tutt-
ugu og einu þjóðerni, þátttakendur
í alþjóðlegu listahátíðinni Ferskir
vindar.
Hátíðin fer nú fram í fimmta skiptið
og er mikill listaandi yfir bænum
sem stendur. Opnunarhátíð verður
laugardaginn 6. janúar nk. kl. 14, að
Sunnubraut 4 í Garði í sýningarsal
bæjarskrifstofu. Þema hátíðarinnar
er Draumar.
Að hátíðinni, eins og fyrri hátíðum,
stendur Mireya Samper, listrænn
stjórnandi og eigandi Ferskra vinda,
í samstarfi við Sveitarfélagið Garð og
fjölda styrktaraðila.
Í hópnum eru fimm íslenskir lista-
menn en þau eru Brynhildur Þorgeirs-
dóttir myndhöggvari, Bjarni Sigur-
björnsson málari, Ragnheiður Guð-
mundsdóttir þráðlistakona (textíl),
Arna Valsdóttir kvikmyndalistakona
(video) og Hrafn A. Harðarson ljóð-
skáld og íbúi í Garði.
Listamennirnir verða um allan bæ
að skapa listaverk sín sem verða svo
hluti af sýningu hátíðarinnar, en sum
þeirra munu væntanlega standa um
ókomna tíð í Garði, en fjöldi lista-
verka frá fyrri hátíðum Ferskra vinda
skreyta nú Sveitarfélagið Garð og
fjölgar þeim væntanlega enn á þess-
ari hátíð.
Boðið verður upp á rútuferðir helg-
arnar 6. og 7. og 13. og 14. janúar á
milli listaverka og sýninga hátíðar-
innar, þar sem listamenn taka á móti
gestum og segja frá verkum sínum.
Listunnendur og allir þeir sem að-
hyllast hugmyndaríki, sköpun og
opinn huga eru hvattir til að koma
og fylgjast með, taka þátt og njóta
skemmtilegs viðburðar.
Fjörtíu listamenn í Fersk-
um vindum í Garði
Bjarni Sigurbjörnsson málari er að skapa þetta
listaverk í íþróttamiðstöðinni í Garði.