Víkurfréttir - 22.03.2018, Blaðsíða 27
27ÍÞRÓTTIR Á SUÐURNESJUM f immtudagur 22. mars 2018 // 12. tbl. // 39. árg.
Við bjóðum fjölbreytileg og skemmtileg störf í spennandi umhverfi flugheimsins.
IGS leitar að öflugu fólki í fjölbreytileg og skemmtileg störf hjá fyrirtækinu.
Um er að ræða störf í Hlaðdeild og í eldhúsi Saga Lounge setustofunnar.
Mikil áhersla er lögð á þjónustulund, samskiptafærni, reglusemi, stundvísi,
sveigjanleika og árvekni. Unnið er á vöktum.
Störf hjá IGS 2018
HLAÐDEILD:
I Starfið felst m.a. í hleðslu og afhleðslu flugvéla á töskum og frakt.
Gerð er krafa um 19 ára lágmarksaldur og almenn ökuréttindi.
Vinnuvélaréttindi eru æskileg sem og enskukunnátta.
ELDHÚS SAGA LOUNGE:
I Starfið felst m.a. í framleiðslu og pökkun matvæla ásamt öðrum
verkum sem tilheyra matvælaframleiðslu. Lágmarksaldur er 19 ár
og krafist er íslensku- og/eða enskukunnáttu.
Umsóknum er skilað inn rafrænt á heimasíðu IGS,
sjá www.igs.is, fyrir 11. apríl 2018.
Umsækjendur þurfa í sumum tilfellum að vera reiðubúnir til þess að sækja
undirbúningsnámskeið og standast próf áður en til ráðningar kemur.
Ráðningartími er frá apríl til október 2018 og jafnvel lengur.
ÍS
L
E
N
S
K
A
S
IA
.I
S
I
C
E
8
79
0
6
03
/1
8
„Lykillinn að góðum
árangri er þolinmæði“
Hnefaleikakonan Margrét Guðrún Svavarsdóttir var kjörin íþróttamaður Sandgerðis fyrir árið 2017 á
dögunum en Margrét átti gott ár í hnefaleikum og hlaut meðal annars silfur á Norðurlandamóti í -75 kg
flokki kvenna gegn Svíþjóð og hún var einnig kjörin hnefaleikakona ársins hjá ÍSÍ.
Margrét segist vera afar stolt af þessari tilnefningu
og þegar hún er spurð að því hvað standi upp úr á
árinu, þá segir hún það vera heiðurinn að fá að keppa á
Norðurlandamótinu í Danmörku í apríl og að það hafi verið
alveg ný upplifun. „Sigurinn á Ljósanæturmótinu var sá
sætasti á síðasta ári, aðallega vegna þess hversu tæpur
hann var.“ Hnefaleikasamfélagið á Íslandi er nokkuð lítið
að sögn Margrétar. „Það er mjög gaman að æfa hnefaleika,
þetta er líka nokkuð lítið samfélag hérna á Íslandi þannig
að allir þekkja alla eða þekkja til hvors annars.“ Margrét
stefnir að því halda áfram á sömu braut og á síðasta ári
og ætlar að reyna enn betur. „Ég er til í það sem næstu
ár bjóða upp á, þó að ég viti ekki nákvæmlega hvað það
er sem býðst.“ Lykillinn að góðum árangri er að sögn
Margrétar, áhugi, metnaður og þolinmæði. „Það sem heillar
mig mest við hnefaleikana er hversu mikla útrás maður fær
út úr þeim.
Holtaskóli vann sinn
riðil í Skólahreysti
Holtaskóli varð í efsta sæti þegar
Skólahreysti fór fram í gær í
TM höllinni í Reykjanesbæ,
Heiðarskóli varð í öðru sæti og
Stóru-Vogaskóli í því þriðja. Það
voru skólar úr Hafnarfirði og
af Reykjanesinu sem mættust í
keppninni í gær.
Alls voru það þrettán skólar sem
mættu til leiks en þetta var fyrsta
riðlakeppni ársins í Skólahreysti.
Nánari upplýsingar og myndir má
finna á heimasíðu Skólahreystis
og Facebook.
Samúel Kári í
tveimur landsliðs-
hópum
Samúel Kári Friðjónsson, leik-
maður Vålerenga og fyrrum leik-
maður Keflavíkur hefur verið
valinn bæði í A- landsliðshóp Ís-
lands og U- 21 árs landsliðshóp
Íslands.
A- landslið Íslands mætir Mexíkó
þann 23. mars og Perú þann 27.
mars og mun Samúel taka þátt í
leiknum gegn Perú.
U-21 árs landslið Íslands mætir
Írlandi þann 22. mars á Írlandi og
Norður Írlandi þann 26. mars en
Samúel mun einungis leika gegn
Norður Írlandi vegna leiksins gegn
Perú með A- landsliðinu.
Arnór Ingvi Traustason, leik-
maður Malmö FF og fyrrverandi
leikmaður Keflavíkur er einnig í A-
landsliðshópi Íslands og er Sindri
Kristinn Ólafsson, markmaður og
leikmaður Keflavíkur með Samúel
í U-21 árs landsliðshópnum.
Leikir A-landsliðs Íslands eru
æfingaleikir og eru þetta síðustu
leikir liðsins áður en lokahópur
fyrir Heimsmeistaramótið í knatt-
spyrnu í Rússlandi verður valinn
þann 11. maí nk. Leikur U-21 árs
landsliðsins gegn Írlandi er vin-
áttuleikur og er leikurinn gegn
Norður-Írlandi liður í undan-
keppni EM 2019.
Keflavík með fjórtán mörk
Keflavík mætti Sindra í Lengjubikar kvenna um síðustu helgi í Reykja-
neshöllinni. Keflavík gerði sér lítið fyrir og sigraði leikinn með fjórtán
mörkum gegn einu.
Í hálfleik var staðan 6-1 fyrir Keflavík en
Sveindís Jane Jónsdóttir skoraði fyrstu
tvö mörk Keflavíkur á fyrstu átta mínútum
leiksins og Marín Rún Guðmundsdóttir
gerði þrennu í seinni hálfleik. Hægt er að
nálgast nánari upplýsingar um riðilinn og
leiki Keflavíkur á heimasíðu KSÍ.
Keflavík 14 - 1 Sindri,
markaskorarar leiksins:
1-0 Sveindís Jane Jónsdóttir ('6)
2-0 Sveindís Jane Jónsdóttir ('8)
3-0 Katla María Þórðardóttir ('30)
3-1 Guðrún Ása Aðalsteinsdóttir ('34)
4-1 Sveindís Jane Jónsdóttir ('34)
5-1 Anita Lind Daníelsdóttir ('44)
6-1 Sophie Groff ('45)
7-1 Anita Lind Daníelsdóttir ('50)
8-1 Eva Lind Daníelsdóttir ('51)
9-1 Marín Rún Guðmundsdóttir ('53)
10-1 Marín Rún Guðmundsdóttir ('54)
11-1 Mairead Clare Fulton ('62)
12-1 Freyja Sól Kristinsdóttir ('71,
sjálfsmark)
13-1 Marín Rún Guðmundsdóttir ('84)
14-1 Mairead Clare Fulton ('87)
ÁTTA LIÐA ÚRSLIT DOMINO’S-DEILDAR KARLA ERU HAFIN
Öll úrslit og umfjöllun
um leikina á vf.is