Morgunblaðið - 25.09.2017, Blaðsíða 8
8 ÍÞRÓTTIR
MORGUNBLAÐIÐ MÁNUDAGUR 25. SEPTEMBER 2017
Ekki eru öll kurl komin til graf-
ar á Íslandsmótinu í knatt-
spyrnu. Sem betur fer verður
einhver spenna í lokaumferðinni
í úrvalsdeild karla á laugardaginn
þótt heldur hafi dregið úr henni
með úrslitum leikjanna sem fram
fóru í gær.
Víkingur Ólafsvík og ÍBV
eiga enn á hættu að húrra niður í
deildina fyrir neðan ásamt Akur-
nesingum, sem geta ekki flúið
örlög sín héðan af. Skagamenn
taka einmitt á móti Víkingum
Ólafsvík í lokaumferðinni. Eyja-
menn, sem eru stigi á undan
Ólafsvíkingum, fá harðsnúna KA-
menn í heimsókn á Hásteinsvöll.
Stjarnan og FH öðlast eftir-
sóttan keppnisrétt í Evrópu-
keppni félagsliða í fótbolta, þar
sem peningarnir vaxa á trjánum.
KR-ingar sitja eftir með sárt enn-
ið.
Þjálfari KR-inga, Willum Þór
Þórsson, er óviss um framhaldið
hjá vesturbæjarveldinu. Hann
tók við KR-liðinu á langtíma-
samningi seint á síðasta ári eftir
að hafa fallið út af þingi. Reyndar
hafði hann hlaupið í skarðið um
mitt sumar á tímabundnum
samningi þegar illa áraði hjá KR-
ingum. Kannski hættir Willum
með KR og fer á ný inn á þing
eftir rúman mánuð? Hver segir
svo að lífið geti ekki farið í hringi.
Valur er verðskuldaður Ís-
landsmeistari að þessu sinni.
Rétt eins og þegar liðið vann Ís-
landsmót karla fyrir tíu árum.
Sama ár vann karlalið Vals einnig
Íslandsmót karla í handknattleik
og einnig í vor sem leið. Haustið
2007 féll ÍA úr úrvalsdeildinni í
knattspyrnu og á ný 2017. Árið
2007 var einnig kosið til þings,
reyndar að vori.
Ég vona að árið 2018 verði Ís-
lendingum happadrýgra á öllum
sviðum en 2008.
BAKVÖRÐUR
Ívar Benediktsson
iben@mbl.is
1. DEILD
Stefán Stefánsson
Víðir Sigurðsson
Fylkir tryggði sér sigur í 1. deild
karla í knattspyrnu, Inkasso-
deildinni, á laugardaginn með því að
leggja ÍR, 2:1, á Árbæjarvelli. Emil
Ásmundsson innsiglaði sigur Fylk-
ismanna á 88. mínútu leiksins. Fylkir
fékk 48 stig í deildinni, tveimur meira
en Keflavík. Bæði lið leika í úrvals-
deildinni á næstu leiktíð.
„Það var eitthvert hik á liðinu því
þetta var síðasti leikur sumarsins og
mikið undir. Við vorum búnir að
tryggja okkur sæti á meðal þeirra
bestu en við vildum meira, vildum
vinna deildina og það varð smá
taugatitringur í okkur til að byrja
með og við spiluðum ekki okkar eig-
inlega leik, gerðum það reyndar aldr-
ei í leiknum en sýndum í dag hversu
mikill karakter er í liðinu og það hef-
ur verið að byggjast upp,“ sagði
Helgi Sigurðsson, þjálfari Fylkis,
glaður í bragði í samtali við Morg-
unblaðið þegar niðurstaðan lá fyrir.
„Þegar karakterinn er fyrir hendi
og maður á ekki sinn besta leik þá
skiptir máli að vilja vinna og ætla sér
vinna, það er alveg geggjað ásamt
svona dramatík. Það verður nú sig-
urhátíð í Árbænum í viku, þetta ger-
ist ekki á hverjum degi og strákarnir
eiga þetta svo sannarlega skilið fyrir
að leggja svona mikið á sig í vetur og
allt sumar.
Okkar markmið var alltaf að
komst upp í efstu deild á afmæl-
isárinu, þegar Fylkir er fimmtíu ára
og við ætluðum að gefa góða afmæl-
isgjöf og það tókst síðustu helgi en
síðan var þessi vika byggð upp þann-
ig að við ætluðum að vinna þessa
deild. Vissum að það var ekki alveg í
okkar höndum en ætluðum að vinna
okkar leik og treysta á að HK ynni
Keflavík enda hefur HK verið besta
liðið í seinni umferð deildarinnar. Við
ætluðum ekki vera þeir sem klikka á
sínu og horfa síðan uppá að Keflavík
klikki líka, heldur klára okkar verk-
efni.
Við erum ekkert farnir að spá í
næsta ár en það er ljóst að við byggj-
um liðið að langmestu á Fylk-
isstrákum. Þeir sýndu í sumar að
þeir hafa staðið sig en þeir, eins og
allir í kringum liðið, þurfa að bæta í
því efsta deild er allt önnur deild og
það bíða okkar verðug verkefni þar,“
sagði Helgi Sigurðsson, þjálfari
Fylkis.
Sanngjarnt í Kórnum
Keflavík hefði unnið deildina með
því að leggja HK að velli í Kórnum í
Kópavogi. HK sigraði hinsvegar
mjög sanngjarnt, 2:1, og Kópavogs-
liðið vann þar með 10 af 11 leikjum
sínum í seinni umferðinni og endaði í
4. sæti með 42 stig. Bjarni Gunn-
arsson skoraði sigurmark HK með
glæsilegri hjólhestaspyrnu en áður
hafði Eiður Gauti Sæbjörnsson jafn-
að metin. Leonard Sigurðsson kom
Keflavík yfir eftir skyndisókn
snemma í leiknum.
Markmið á afmælisárinu
Emil tryggði Fylki sigur í lokaleiknum og öruggan sigur í deildinni
HK kom í veg fyrir að Keflvíkingar færu með sigur af hólmi
Morgunblaðið/Golli
Gleði Ósvikin gleði braust út meðal Fylkismanna þegar Ásgeir Börkur Ásgeirsson tók við sigurlaunum 1. deildar.
HANDBOLTI
Stefán Stefánsson
Skúli Unnar Sveinsson
Markverðir voru í aðalhlutverki
þegar Stjarnan sótti Haukakonur
heim í Hafnarfjörðinn í gærkvöldi
þegar fram fór 3. umferð efstu
deildar kvenna í handbolta, Olís-
deildarinnar, og það var ekki fyrr
en stórskyttan Ramune Pekarskyte
tók við sér að leiðir skildi og Stjarn-
an vann 25:21.
„Ég var rosalega stressuð í byrj-
un leiks og hinar í Stjörnunni líka
en svo komst ég í gang,“ sagði Ram-
une eftir leikinn en hún skoraði 10
mörk. „Við ætluðum að ná upp
hraðanum og halda honum en ég sá
að Haukarnir voru þreyttir eftir
fyrstu tuttugu og fimm mín-
úturnar.“
Ramune sem lék með Haukum í
samtals 9 ár færði sig yfir til Stjörn-
unnar fyrir tímabilið og er að venj-
ast því. „Mér fannst auðvitað skrýt-
ið að koma hingað, sem var að segja
má heimili mitt og það er alltaf
skrýtið að spila á móti liði, sem þú
spilaðir með í fyrra,“ bætti Ramune
við.
Haukakonur náðu 14:8 forystu í
byrjun seinni hálfleiks þegar Elín
Jóna, sem alls varði 21 skot, hafði
farið á kostum í marki Hauka en
Hafnfirðingar náðu ekki að fylgja
því eftir, Garðbæingar komust hægt
og bítandi inní leikinn og tvö hraða-
upphlaup Stefaníu Theodórsdóttur í
röð dugðu til að snúa taflinu við
þegar tíu mínútur voru eftir af
leiknum og Stjarnan réð lögum og
lofum á vellinum, eins og Halldór
Harri Kristjánsson, þjálfari Stjörn-
unnar, lagði upp með. „Í fyrri hálf-
leik er Elín Jóna í marki Hauka að
halda okkur frá leiknum þó við höf-
um fengið fullt af vítum og hraða-
upphlaupum en við fórum inn í klef-
ann í hálfleik og vissum að við
þyrftum að ná tökum á skotunum
og þá myndi þetta koma hjá okkur
en það var óþarfi að klúðra þessum
færum,“ sagði Harri eftir leikinn.
Óþarflega tæpt hjá Val
Valur lagði Gróttu 24:22 þegar
liðin mættust í gærkvöldi og var sig-
ur Hlíðarendaliðsins óþarflega tæp-
ur, en staðan í hálfleik var 12:10.
Það má segja að Valur hafi ekki
byrjað vel í sínum fyrsta heimaleik
því Grótta gerði fyrstu tvö mörkin,
en það var í eina sinnið sem gest-
irnir voru yfir í leiknum. Einhvern
veginn fannst manni Valsliðið tals-
vert sterkara og það kom því ekkert
á óvart þegar það náði fimm marka
forystu um miðjan hálfleikinn.
Grótta gafst þó ekki upp og minnk-
aði muninn í tvö mörk fyrir hlé.
Valur komst í 22:14 þegar tíu
mínútur voru til leiksloka, Grótta
var því aðeins með fjögur mörk á
fyrstu 20 mínútum síðari hálfleiks.
Alfreð þjálfari tók leikhlé og liðið
náði að laga stöðuna verulega fyrir
lokaflautið.
Diana Satkauskaité var með 10
mörk fyrir Val og hjá Gróttu skor-
aði Lovísa Thompson 9. Chantel Pa-
gel, markvörður Vals, átti flottan
leik og varði 18 skot í leiknum, mörg
hver gríðarlega vel.
Á laugardaginn lagði ÍBV lið Sel-
foss 32:25 og Fram lagði Fjölni
31:21.
Morgunblaðið/Golli
Sterk Ramune Pekarskyte lék vel með Stjörnunni í gærkvöldi.
Ramune skaut
fyrri félaga í kaf
Afturelding er
meistari meist-
aranna í blaki
kvenna og HK í
blaki karla, en
meistarakeppni
Blaksambands
Íslands var haldin
í fyrsta skipti á
laugardaginn í
Keflavík. Bikar-
meistarar Aftur-
eldingar höfðu betur gegn Íslands-
meisturum HK í kvennaflokki og
HK hafði betur gegn Aftureldingu í
karlaflokki.
Bikarmeistarar Aftureldingar
unnu 3:0-sigur á Íslandsmeisturum
HK í kvennaflokki, 25:12, 25:21 og
25:19. María Rún Karlsdóttir var
stigahæst hjá Aftureldingu með 18
stig og Matthildur Einarsdóttir
skoraði 12 fyrir HK.
Íslandsmeistararnir í karlaflokki,
HK, unnu bikarmeistara Aftureld-
ingar, 3:0. Stigahæstur í liði HK var
Gary House með 14 stig, en stiga-
hæstur í leiknum var Alexander
Stefánsson, leikmaður Aftureld-
ingar, með 15 stig. HK vann hrin-
urnar 25:23, 26:24 og 25:18.
Íslandsmótið í blaki, Mizuno-
deildin, hefst annað kvöld með við-
ureign Aftureldingar og Þróttar
Reykjavík í Varmá í Mosfellsbæ.
sport@mbl.is
Afturelding
og HK unnu
í Keflavík
Alexander
Stefánsson