Feykir - 24.01.2014, Blaðsíða 2
2 Feykir 03/2014
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176
Blaðamenn:
Kristín Sigurrós Einarsdóttir – kristin@feykir.is & 867 3164
Guðrún Sif Gísladóttir – gudrun@feykir.is
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 450 kr. hvert tölublað með vsk. Lausasöluverð: 490 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Súrt og sætt
Veikindi eru nú ekkert til að hæðast að, alla vega ekki fyrr en
þau eru yfirstaðin og reynast læknanleg. Það ætti þó að vera
leyfilegt að gera grín að eigin veikindum og sumir vilja raunar
meina að húmorinn hjálpi manni að takast á við veikindi.
Þannig hefur maður séð jafnvel fárveikt fólk með hörmulega
ólæknandi sjúkdóma henda gaman að sjálfu sér og sínu ástandi
og sýna ótrúlega lífsgleði og æðruleysi gagnvart sjálfu sér og
sínum veikindum.
Ekki segi ég nú að mér hafi verið hlátur í huga í byrjun vikunnar
þegar heimilismeðlimir börðust um að faðma þá hvítklæddu
félaga Gustavsberg sem staðsettir eru sinn hvoru megin í
húsinu. Sú ágæta pest Gullfoss og Geysir lætur ekki að sér hæða
og hlífir engum. Og þá gildir keppnisskapið, að vera fyrstur á
staðinn!
En fljótlega fóru nú að renna upp fyrir manni ákveðnir kostir.
Er það ekki þetta sem menn kalla detox og greiða gjarnan dýru
verði? Það verður þá alla vega ekki ég sem fjármagna
umferðarlagabrot ónefndrar konu sem rekur slíka starfsemi á
Suðurlandi. Svo eru matarinnkaupin sennilega óvenju hagstæð
þessa vikuna, meðan menn lifa á bláum orkudrykk og barna-
mauki. Þar sem ég lá og vorkenndi sjálfri mér komst ég líka að
því að þarna hefði ég jafnvel tapað uppáhaldsaukakílóinu mínu
og kæmist þá hugsanlega í kjólinn fyrir blótið. Slepp þá við að
kaupa mér númeri stærra á útsölunni í Skaffó.
Og ekki var nú verra að klára pestina af fyrir blótið! Því nú er að
renna upp ein af mínum uppáhaldsvertíðum, nefnilega þorra-
blótin. Að vísu var nú stefnan bara tekin á eitt blót þetta árið, en
þess þá heldur að það megi ekki klikka. Þegar búið er að losa allt
magainnihald og meira til, er rétt að fara strax í að byggja það
aftur upp. Súr matur, já og súr kynfæri skepna ef út í það er
farið, hlýtur að vera vel til þess fallin að jafna sýrustigið í
maganum á nýjan leik, að maður tali nú ekki um kalt freyðivín,
sem er einnig frekar súrt á bragðið, og ætti því að fara vel með
þorramatnum.
Ég hef því þá staðföstu trú að vikan endi jafn vel og hún byrjaði
illa, í góðri gleði með Fljótamönnum á blóti!
Kristín S. Einarsdóttir
Breytingar á skilyrðum
um byggðakvóta
Sveitarfélagið Skagafjörður Norðurland vestra
Lögreglu-
mönnum
fjölgað um
þrjá
Á vef innanríkisráðuneytis-
ins kemur fram að til
stendur að fjölga lögreglu-
mönnum um 52 á lands-
vísu. Af þeim fjölgar um
þrjá á NLV, einn á Blöndu-
ósi og tvo á Sauðárkróki.
Einnig koma aukin framlög
vegna aksturs á NLV.
Í fréttinni kom einnig
fram að nokkur embætti fá
aukið framlag til rannsókna á
kynferðisafbrotamálum, en
það á ekki við um NLV, enda
ekki rannsóknardeildir þar.
Fjölgun lögreglumanna er
eitt af því sem nefnd um
forgangsröðun á 500 milljón
króna viðbótarframlagi til
eflingar löggæslu lagði til og
hefur innanríkisráðherra
samþykkt tillögurnar. Fljót-
lega verða störfin auglýst og
reiknað er með að ráðið verði
í þau frá og með 1. mars. /KSE
Atvinnuvega- og nýsköpunar-
ráðuneytið hefur birt
auglýsingu í Stjórnartíðindum
þar sem staðfest eru sérstök
skilyrði vegna úthlutunar
byggðakvóta í Sveitarfélaginu
Skagafirði. Nokkrar breyt-
ingar hafa verið gerðar frá
fyrra ári og er umsóknar-
frestur um byggðakvóta til
24. janúar næstkomandi.
Ákvæði reglugerðar nr. 665
frá 10. júlí 2013 gilda um
úthlutun byggðakvóta Sauðár-
króks og Hofsóss með eftir-
farandi viðauka/breytingum:
a) Nýtt ákvæði í 4. gr.
reglugerðarinnar breytist og
verður 5. mgr. svohljóðandi:
Hámarksúthlutun til fiskiskipa
yfir 50 brúttótonnum, af því
aflamarki sem fallið hefur
innan viðkomandi byggðar-
lags, verður 6 þorskígildistonn.
b) Ákvæði 1. og 2. málsl. 1.
mgr. 6. gr. breytist og verður:
Fiskiskipum er skylt að landa,
þeim afla sem telja á til
byggðakvóta, í því byggðarlagi
sem byggðakvótinn tilheyrir,
til vinnslu innan sveitarfélags-
ins á tímabilinu frá 1. sept-
ember 2012 til 31. ágúst 2013.
Aflinn skal nema, í þorsk-
ígildum talið, að lágmarki 88%
af magni þess aflamarks sem
þau fá úthlutað samkvæmt
reglugerð þessari.
Í kjölfarið hefur Fiskistofa
auglýst eftir umsóknum um
byggðakvóta til fiskiskipa fyrir
Sveitarfélagið Skagafjörð. Um-
sóknir, tilheyrandi samninga
og frekari upplýsingar má
finna á vef Fiskistofu . /KSE
Styttist í KS-deildina
Meistaradeild Norðurlands í
hestaíþróttum 2014, öðru
nafni KS-deildin, hefst 29.
janúar nk. og fer þá fram
úrtaka um þau sæti sem laus
eru í deildinni.
Mótadagarnir verða fimm í
heildina og mun keppnin fara að
venju fram í Reiðhöllinni
Svaðastöðum á miðvikudags-
kvöldum og hefst klukkan 20:00
hvert kvöld.
Keppnisdagar eru þessir:
• 29. janúar úrtaka um þau sæti
sem laus eru í deildinni.
• 26. febrúar fjórgangur
• 12. mars fimmgangur
• 26. mars Tölt
• 9. apríl slaktaumatölt og skeið
Á Svadastadir.is kemur fram að
fyrirhugað sé að brydda upp á
nýjungum þetta árið en fram til
þessa hefur keppnin að mestu
verið einstaklingskeppni en nú
mun liðakeppni fara fram
samhliða einstaklingskeppn-
inni.
Rætt var um eftirtalda aðila sem
fyrirliða í liðakeppninni:
• Ísólfur Líndal, Lækjamóti
• Mette Mannseth, Þúfum
• Bjarni Jónasson, Narfastöðum
• Þórarinn Eymundsson, Saurbæ
• Elvar Einarsson, Syðra-
Skörðugili
• Viðar Bragason, Björgum.
Gert er ráð fyrir að sex lið munu
keppa sín á milli og munu
stigahæstu knapar KS-deildar-
innar 2013 verða fyrirliðar. /BÞ
Reiðhöllin Svaðastaðir
Í minningu Önnu Jónu
Þéttskipaður
rúntur
Vegfarendur töldu á annað
hundrað þéttsetna bíla á
rúntinum á Sauðárkróki á
laugardagskvöldið en þá
stóðu ættingjar og vinir
Önnu Jónu Sigurbjörns-
dóttur, sem lést í bílslysi í
Norðurárdal 12. janúar sl.,
fyrir fjölmennum rúnti í
minningu hennar.
Anna Jóna hefði orðið 17
ára á laugardaginn og fengið
bílpróf sama dag. Ákveðið var
að minnast þess með því að
fjölmenna á rúntinn “því það
hefði hún sennilega gert sjálf,
eins og flestir gera þegar þeir
fá bílpróf“ eins og sagði í
tilkynningu sem dreift var
um netið til að hvetja sem
flesta til að mæta. /KSE
Morðbrennan og síð-
asta aftakan á Íslandi
Morðbrennan á Illugastöðum
1828 og síðasta aftakan á
Íslandi 1830 er erindi sem
haldið verður á vegum
Byggðasafns Húnvetninga og
Strandamanna í Safnaðar-
heimili Hvammstangakirkju
sunnudaginn 26. janúar kl.14.
Í erindinu fjallar Eggert Þór
Bernharðsson sagnfræðingur
og prófessor við Háskóla Íslands
um eitt frægasta og umtalaðasta
sakamál Íslandssögunnar,
morðbrennuna á Illugastöðum
á Vatnsnesi 14. mars 1828.
Að loknu erindinu svarar
Eggert Þór spurningum og
tekur þátt í umræðum. Aðgang-
ur er ókeypis og allir velkomnir
meðan húsrúm leyfir. /KSE
Fyrirlestur á Hvammstanga
10 milljóna styrkur
Forsætisráðuneytið hefur
ákveðið að veita styrk að
upphæð tíu milljónum króna í
endurbætur á hinu sögu-
fræga Góðtemplarahúsi á
Sauðárkróki, sem í daglegu
tali er kallað Gúttó.
Þetta kom fram í bréfi sem
lagt var fram til kynningar á
síðasta fundi byggðaráðs
Sveitarfélagsins Skagafjarðar
sem haldinn var 16. janúar sl.
Skal styrkurinn nýttur til að
skipta um glugga og klæðningu
að utanverðu. Á fundinum
fagnaði byggðarráð styrkveit-
ingunni, sem veitt er í endur-
bætur á þessu sögufræga húsi.
Sigurjón Þórðarson fulltrúi
Frjálslyndra og óháðra lagði
ennfremur fram svohljóðandi
bókun: „Það er gleðilegt að sjá
að forsætisráðherra hafi tekið
upp merki fyrrverandi borgar-
stjóra Ólafs F. Magnússonar
með því að standa vörð um og
hvetja til endurbóta á gömlum
húsum sem hafa menningar-
sögulegt gildi.“ /KSE
Endurbætur á Góðtemlparahúsinu á Sauðárkróki
Um 120 bílar fóru rúntinn.