Feykir - 24.01.2014, Blaðsíða 4
4 Feykir 03/2014
Smá í Feyki ::
Síminn er 455 7171
smá
AUGLÝSINGAR
Skrúðgarðyrkja í
Garðyrkjuskólanum
Frábært nám á góðum stað!
Allt sem viðkemur nýbygg-
ingu, viðhaldi og endurgerð
lóða. Undirstöðuatriði
garðyrkjunnar. Nám á fram-
haldsskólastigi. Sveinspróf.
Nánar á www.lbhi.is
Landbúnaðarháskóli Íslands
Aukin löggæsla á landsbyggðinni
VILHJÁLMUR ÁRNASON SKRIFARAÐSENT
Alþingi samþykkti, að
frumkvæði Hönnu Birnu
Kristjánsdóttur innan-
ríkisráðherra, að verja 500
milljónum til eflingar
löggæslu á landsbyggðinni.
Innanríkisráðherra fól
undirrituðum þá ábyrgð að
fara fyrir nefndinni ásamt
fulltrúum allra flokka á
Alþingi. Nefndin skilaði til
ráðherra tillögum sínum í
síðustu viku.
Verkefni nefndarinnar var að
koma með tillögur að því
hvernig fjármagni þessu yrði
best varið. Líkt og allir vita er
fjármagn af skornum skammti.
Því var ljóst frá upphafi að ekki
yrði hægt verða við öllum
óskum með 500 milljónum,
sem eru engu að síður talsverðir
fjármunir. Því þurfti að for-
gangsraða og var lögð áhersla á
að auka viðbragðsgetu, sýni-
leika og eftirlit lögreglunnar á
landsbyggðinni.
Þessum markmiðum verður
náð með fjölgun lögreglu-
manna- og kvenna; auknum
akstri ökutækja lögreglu á
þjóðvegum landsins; aukinni
þjálfun og menntun; auknum
búnaði og að endingu bættum
mannauðsmálum. Þá verða
rannsóknardeildirnar enn
fremur efldar.
Öryggis- og þjónustustig
lögreglunnar mun aukast þegar
tillögurnar komast til fram-
kvæmda, en innanríkisráð-
herra hefur nú þegar samþykkt
þær. Tillögurnar miða að því að
lögregluembættin geti strax
hafist handa við að auglýsa
lausar stöður svo að ráðningar
geti hafist frá og með 1. mars.
Þá mun öryggi lögreglumanna
aukast og starfsaðstæður verða
bættar.
Það er jákvætt og ekki síður
mikilvægt eftir tíma niður-
skurðar og aðhalds að geta
snúið vörn í sókn og eflt
lögregluna til muna. Þetta er
aðeins fyrsta framfaraskrefið af
mörgum en verkefninu er alls
ekki lokið. Og mun ég leggja
mitt af mörkum til að svo megi
verða!
Góðar stundir.
Vilhjálmur Árnason,
alþingismaður.
Skiptar skoðanir um
ágæti staðsetningarinnar
Ákvörðun ráðuneytis um vistun ungra fanga í Háholti
Félags- og húsnæðismála-
ráðherra hefur ákveðið að
meðferðarheimilið Háholt i
Skagafirði verði sá staður þar
sem fangar undir aldri sem
dæmdir hafa verið til
óskilorðsbundinnar refsingar
verði vistaðir næstu þrjú ár.
Ákvörðun ráðherra er umdeild
og er það þá einkum
staðsetningin sem hefur verið
gagnrýnd.
Eins og Feykir hefur greint
frá hafa hugmyndir þessa efnis
verið lengi á döfinni en sam-
komulag um málið var undir-
ritað 6. desember sl. Unnið er
að gerð þjónustusamnings til
að landa málinu og er áætlað
að kostnaður við hann nemi
um 4-500 milljónum króna.
Í umfjöllun veftímaritsins
Kjarnans í síðustu viku er haft
eftir sérfræðingum sem starfa
með ungum brotamönnum að
Háholt sé ekki hentugur staður
undir starfsemina, þar sem
heimilið þyki of fjarri þeirri
stoðþjónustu sem brotaþola-
rnir þurfa á að halda, þjónustu
sérfræðinga og geðlækna, sem
eru langflestir staðsettir á
höfuðborgarsvæðinu. Auk
þess séu fjölskyldur og rætur
brotamannanna nánast
undantekningarlítið þar.
Ari Jóhann Sigurðsson,
annar af forsvarsmönnum
Hádranga ehf, sem reka
Háholt, sagði í samtali við
Feyki í vikunni að margt mælti
einmitt með því að vista unga
afbrotamenn í Háholti. „Ég tel
raunar að við séum afar vel í
sveit sett gagnvart þessu. En
þetta gengur svolítið í bylgjum,
einu sinni voru öll úrræði á
höfuðborgarsvæðinu en uppúr
1990 var farið að dreifa þeim
aftur um landið og á þeim tíma
hófst starfsemin hér í Háholti.
Nú vilja menn aftur hafa þetta
sem mest á höfuðborgar-
svæðinu. Það hljómar fallega í
fjölmiðlum þegar sagt er að
það eigi að vinna með þessi
börn í „nærumhverfi“ þeirra.
Því miður er það svo í of
mörgum tilfellum að „nær-
umhverfi“ barnanna er þeim
beinlínis lífshættulegt og það
eina sem hægt er að gera er að
taka barnið a.m.k. tímabundið
úr þessu umhverfi.“
„Það er búið að reka þetta
heimili í fimmtán ár og alltaf er
einhver hluti sem getur ekki
nýtt sér meðferðarúræði á
höfuðborgarsvæðinu, af því sú
staðsetning hentar ekki.
Barnaverndarnefndir hafa sótt
um pláss hérna einmitt vegna
staðsetningarinnar. Brotthlaup
er t.a.m. algengara ef meðferð-
in á sér stað nær Reykjavík,“
sagði Ari.
„Öryggislega erum við
heldur ekki verr sett hér,
lögreglan er fljótari að koma
hingað frá Sauðárkróki, heldur
en t.d. frá Reykjavík á Stuðla.
Varðandi sérfræðiþjónustu þá
eru sálfræðingar hér á svæðinu.
Að vísu er ekki geðlæknir
lengur eftir að sú staða var lögð
niður á Sauðárkróki fyrir
fáeinum árum. En t.d. í öðrum
fangelsum koma geðlæknar
reglulega á staðinn og það ætti
alveg eins að vera gerlegt hér.
Það er líka einstaklingsbundið
hvort skjólstæðingar vilja nýta
sér slíka þjónustu,“ sagði Ari
ennfremur.
Vel mannað
meðferðarheimili
Í Háholti eru í dag tæplega níu
stöðugildi og þrjú meðferðar-
pláss. Kennsla fer fram á
staðnum og eðli málsins sam-
kvæmt er þar sólarhringsgæsla.
Ari segir það afar jákvætt að á
Háholti sé lítil starfsmannavelta.
„Heimilið er vel mannað og við
höfum starfsfólk sem sækir sér
reglulega endurmenntun og
bætir við þekkingu sína.“
Ari sagði nýjan þjónustu-
samning ekki tilbúinn og
reiknaði með að tæki einhverjar
vikur í viðbót að ganga frá
honum. „Þá bíða afgreiðslu
reglugerðir um breyttar vald-
heimildir starfsmanna og síðan
þarf að fara í gegnum ákveðna
skipulagningu, t.d. á húsnæð-
inu, áður en þetta getur orðið
að veruleika.“
Samkvæmt Barnaverndar-
sáttmála sameinuðu þjóðanna
ber ríkinu að framfylgja laga-
ákvæði um vistun ungra
afbrotamanna, en til þessa
hefur ekki verið stofnun
hérlendis sem hægt hefur verið
að nýta til þess. Innan-
ríkisráðuneytið hafnaði á
sínum tíma Háholti sem lausn í
þessu máli og var öllu starfsfólki
þar sagt upp í september sl.
Síðan hefur það hins vegar
gerst að innanríkisráðuneyt-
inu, nú undir stjórn Hönnu
Birnu Kristjánsdóttur, hefur
snúist hugur og Háholt varð
fyrir valinu, a.m.k. næstu þrjú
árin. Páll Winkel fangelsis-
málastjóri segir Háholt ganga
upp að því tilskildu að aðgengi
að sérfræðiþjónustu verði
tryggt og í sama streng virðast
barnaverndarnefndir landsins
taka, að því er fram kemur í
greininni í Kjarnanum.
Á þeim tíma þegar til stóð
að loka Háholti hafði eftirspurn
eftir stofnanameðferð dregist
saman og umsóknir um vistun
á Háholti voru hættar að berast,
að sögn Braga Guðbrandssonar
hjá Barnaverndarstofu, sem
segir minnkandi eftirspurn
ástæðuna fyrir því að til stóð að
loka Háholti. Telur hann að
Háholt hljóti að vera bráða-
birgðalausn og í framtíðinni
verði byggð upp stofnun á
höfuðborgarsvæðinu sem geti
vistað unga afbrotamenn.
Eitthvað virðist kerfið vera að
taka við sér og eru núna aftur
farnar berast umsóknir um
vistun í Háholti. /KSE
Kvikmyndaviðburði í
Gúttó frestað um viku
Kvikmyndaviðburður verður
haldin í menningarhúsinu
Gúttó á Sauðárkróki
föstudaginn, 31. janúar kl.
19, í stað 24. janúar eins og
til stóð upprunalega.
Þá munu kvikmyndagerð-
amenn frá ýmsum löndum,
sem starfa í Nes listamiðstöð á
Skagaströnd um þessar mundir,
sýna úrval stuttmynda sem þeir
hafa unnið fyrir komu sína til
Íslands.
Kvikmyndagerðamennirnir
eru tíu talsins og munu dvelja í
Nes listamiðstöð í þrjá mánuði
vegna þátttöku sinnar í verkefni
sem kallast „The Weight of
Mountains film development
program and festival“, sem er
kvikmyndaþróunarverkefni og
–hátíð.
En samkvæmt fréttatilkynn-
ingu frá Nes listamiðstöð
The Weight of Mountains film
development program and festival
stendur til að halda kvik-
myndahátíð á Skagaströnd
dagana 20. – 22. febrúar nk.
Nánari upplýsingar um
verkefnið má finna á vefsíðunni:
www.twom.is./BÞ
Til stendur að ungir fangar verði vistaðar í Háholti.