Feykir - 27.03.2014, Qupperneq 2

2 Feykir 12/2014
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 450 kr. hvert tbl með vsk. Lausasöluverð: 490 kr. með vsk.
Áskrift og dreifing: Nýprent ehf. & 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Kaflaskil
Það eru nokkrir viðburðir sem marka kaflaskil í lífi einstakl-
ings og flokkast ferming sem einn þessara viðburða. Þá kveður
viðkomandi barndóminn á táknrænan hátt og kemur í tölu
fullorðinna, eins og sagt er. Flest samfélög hafa sína útgáfu af
manndómsvígslum og eru þær jafn misjafnar og þær eru
margar, í sumum samfélögum er hlutverk manndómsvígsl-
unnar meira til að styrkja viðtekin
kynjahlutverk í samfélaginu og marka þær jafnvel þau skil að
þá sé einstaklingurinn reiðubúinn í hjónaband. Í okkar
heimshluta er manndómsvígslan fyrst og fremst táknræn,
sem betur fer, fermingarbarnið fær fræðslu, undirbýr sig fyrir
stóra daginn og fjölskylda og vinir samgleðjast með barninu á
fermingardeginum. Fermingarbarnið fær samt áfram að vera
barn, hitta vini sína og fara í skólann. Lífið heldur áfram og
smátt og smátt vex barnið úr grasi – einn kafli er tekinn fyrir í
einu – útskriftir, giftingar barneignir og svo framvegis.
Mér verður óhjákvæmilega hugsað til fermingardags
míns, þann 12. apríl 1993. Þetta var stór dagur og ég full
eftirvæntingar. Við fjölskyldan vorum búin að standa í
miklum undirbúningi fyrir daginn, ættingjum var boðið
heim til veislu, servíettur áletraðar og bleikt þema. Þegar stóri
dagurinn rann upp gerðist náttúrulega ekki allt eftir skipu-
laginu, ég svaf aðeins yfir mig og þegar ég var komin til kirkju
uppgötvaðist að gleymst hafði að setja blómin í hárið, hvítu
hanskarnir urðu eftir heima og þar fram eftir götunum. En
þrátt fyrir ófarirnar átti fermingin sér stað, ég átti góðan dag í
faðmi fjölskyldunnar, sólin skein og vor var í lofti í Reykjavík.
Auðvitað upplifði ég það svo, að þar sem ég var nú fermd
að þá væri ég nánast orðinn fullorðin. Ég gleymi seint þeirri
hneykslan sem ég upplifði þegar ég var spurð síðar um
sumarið hvort væri nokkuð búið að ferma mig. Ég átti ekki til
eitt aukatekið orð - hvernig spurði manneskjan eiginlega!
Berglind Þorsteinsdóttir
ritstjóri
FJÖLBRAUTASKÓLI NORÐURLANDS VESTRA
Á SAUÐÁRKRÓKI
Margverðlaunað
verk- og tækninám
þar sem lögð er áhersla
á
nútímalegt nám,
tölvustýrðar iðnvélar
og þú ert klár í atvinnul
ífið
Aðrar brautir
• Starfsbraut
• Dreifnám
Boðið er upp á tveggja ára nám
í bóklegum áföngum
í gegnum fjarfundabúnað á
- Hólmavík
- Hvammstanga
- Blönduósi
• Fjarnám
Skólinn býður upp á fjarnám í flestum
áföngum sem í boði eru í dagskóla.
Stuðst er við námsumhverfið Moodle.
Námsbrautir sem bíða
samþykktar Mennta- og
menningarmálaráðuneytis
• Fisktæknibraut
• Námsbraut í hestamennsku
• Plastiðnir – trefjaplast
• Slátraraiðn
Starfsnámsbrautir
• Kvikmyndagerðarbraut
• Meistaranám til iðnmeistaraprófs
• Nám til fimm knapamerkja
í hestamennsku.
• Nýsköpunar- og tæknibraut
-Lista- hönnunar- og nýsköpunarlína
-Kvikmyndalína
• Sjúkraliðabraut
• Skrifstofubraut
• Vélstjórnarnám A og B
• Viðskiptabraut
Fab Lab stofa í Hátækni-
menntasetri FNV
Fab Lab stofa er starfrækt í
Hátæknimenntasetri skólans,
en þar er hægt að gera hugmynd að
veruleika á einfaldan og
fljótvirkan hátt.
Nám við Fjölbrautaskóla Norðurlands vestra miðar að því að búa nemendur undir háskólanám og atvinnulíf auk þess að veita almennan
undirbúning undir líf og starf í nútíma lýðræðissamfélagi. Skólinn býður upp á dreifnám á þremur stöðum utan Skagafjarðar og
fjarnám fyrir þá nemendur sem það hentar. Nemendur geta lokið stúdentsprófi á þremur til fjórum árum.
Flott nám í boði
Sími: 455 8000 :: www.fnv.is :: fnv@fnv.is
Iðnnámsbrautir
• Hársnyrtiiðn
• Grunndeild rafiðna
– Rafvirkjun
• Grunndeild málmiðna
– Bifvélavirkjun
– Vélvirkjun / Rennismíði
• Grunnnám bygginga-
og mannvirkjagreina
– Húsasmíðabraut
– Húsgagnasmíði
Bóknámsbrautir til
stúdentsprófs
• Félagsfræðabraut
- Hagfræðistígur
- Félagsfræðastígur
- Íþróttastígur
- Sálfræðistígur
• Málabraut
• Náttúrufræðibraut
- Náttúrufræðistígur
- Eðlisfræðistígur
- Íþróttastígur
• Viðskipta- og hagfræðibraut
Sigurjón og Gréta Sjöfn með
sameiginlegt framboð
Sigurjón Þórðarson og Gréta
Sjöfn Guðmundsdóttir,
sveitarstjórnarfulltrúar Svf.
Skagafjarðar, hafa ákveðið
að bjóða fram sameiginlegt
framboð fyrir komandi
sveitarstjórnarkosningar,
þann 31. maí.
„Við höfum veitt meirihluta
Framsóknarflokks og Vinstri
hreyfingunni grænu framboði
málefnalegt aðhald og lagt
sameiginlega fram fjölda til-
lagna sem varða íbúana miklu
og nú nýlega um að gerð verði
könnun á þætti lágra launa í
búsetuvali, trygging hitaveitu-
réttinda Skagafjarðarveitna,
frelsi til grásleppuveiða og að
undið verði ofan af biðlistum
við leikskólann Birkilund í
Varmahlíð fyrir komandi
haust,“ segir í grein frá Sigurjóni
og Grétu Sjöfn sem birt var á
Feyki.is. „Í framhaldi af góðu og
skemmtilegu samstarfi höfum
við ákveðið, ásamt áhugasömum
hópi fólks, að bjóða fram
sameiginlegan framfaralista
fyrir komandi sveitarstjórnar-
kosningar.“
Fram kemur að framboðið
mun beita sér fyrir bættum og
opnari vinnubrögðum í nefnd-
um, ráðum og í sveitarstjórn
Sveitarfélagsins Skagafjarðar.
„Staðan sem uppi er í Sveitar-
félaginu hrópar á gerbreytt
vinnubrögð innan sveitarstjórn-
ar og til sóknar í öllum þeim
málum sem skipta okkur íbúana
máli og þó einkum málum sem
varða búsetuval ungs fólks og
fjölskyldna.“
Í greininni er áhugasamt fólk
hvatt til að taka þátt í samstarfinu
og láta að sér kveða. /BÞ
Sveitarstjórnakosningar 2014
Húnvetningur í undanúrslit
Ísland Got Talent
Elvar Kristinn Gapunay og
Sara Lind Guðnadóttir eru
komin áfram í undanúrslit í
þættinum Ísland Got Talent
sem sýndur er á Stöð 2.
Dansparið hefur æft
samkvæmisdansa í 8 ár hjá
Dansskóla Sigurðar
Hákonarsonar í Kópavogi
en þau eru einungis 12 ára
gömul. Elvar Kristinn er
barnabarn Björns Hannes-
sonar og Kristínar Sigfús-
dóttur frá Laugarbakka.
Dansparið kom fram og
sýndi á Unglist á Hvammstanga sl. sumar og
vöktu mikla athygli en að sögn Ellenar Drafnar,
móðir Elvars eru þau Elvar og Sara Lind
metnaðarfull og stunda æfingar af krafti. „Þau
ætla sér langt í dansíþróttinni
og eru nú þegar fyrirmynd
margra ungra danspara. Þau
hafa sýnt það undanfarin ár
að þau hafa alla burði í að
vera á meðal þeirra bestu í
heiminum ef þau halda
áfram sínu striki og munu
halda áfram á fara á keppnir
erlendis. Þrátt fyrir ungan
aldur hafa þau unnið til 69
gullverðlauna á sínum ferli
og unnið allar danskeppnir
hér á landi í sínum aldurs-
flokki frá árinu 2010,“ segir
Ellen Dröfn í samtali við Feyki.
Ísland got Talent verður sýndur á Stöð 2 þann
30. mars nk. og eru allir hvattir til að kjósa unga
Húnvetninginn í úrslit. /BÞ
Unnu myndbandakeppni
Ævars vísindamanns
Grunnskóli Húnaþings vestra
Á föstudagskvöldið var
lokaþáttur Ævars vísinda-
manns sýndur á RÚV og voru
úrslit í myndbandakeppni
þáttarins kunngerð. Mynd-
bandakeppnin var í samstarfi
við Marel og verða verðlaun
veitt bæði í bekkjar- og
einstaklingskeppni. Nemend-
ur í 2. bekk Grunnskóla
Húnaþings vestra unnu til
verðalauna í keppninni.
Kennarar bekkjarins eru þau
Sólrún Guðfinna Rafnsdóttir
og Aðalsteinn Grétar Guð-
mundsson. Tilraun þeirra sner-
ist um að gera hraunlampa með
því að nota vatn, matarlit,
matarolíu og freyðitöflur. Með
þessari stórskemmtilegu tilraun
gerðu þau sér lítið fyrir og stóðu
uppi sem sigurvegarar í bekkja-
keppninni. Fyrir það hljóta þau
í verðlaun vísindapakka frá
Marel ásamt sérgerðu slím-
kennslusetti og Forlagið gefur
eintök af bókinni Umhverfis
Ísland í 30 tilraunum eftir Ævar
vísindamann. Verðlaunin verða
afhent síðar í vor við hátíðlega
athöfn. Frá þessu er sagt á
Norðanátt.is og þar er einnig að
finna myndband af tilrauninni.
Í dómnefnd keppninnar
voru Ævar vísindamaður,
Eggert Gunnarsson sem leik-
stýrir þáttunum, Katrín Lilja
Sigurðardóttir efnafræðingur,
Kristín Anna Þórarinsdóttir
doktor í matvælafræði og
Kristín Ingólfsdóttir rektor
Háskóla Íslands. /KSE
Fannfergi á Öxnadalsheiði
Ætluðu yfir
á Yaris
Öxnadalsheiði var lokuð í
þrjá daga í síðustu viku en
mikill snjór var á heiðinni og
þurftu björgunar-sveitarmenn
ítrekað að koma fólki til
aðstoðar þrátt fyrir lokanir.
Tveir vegfarendur reyndu að
komast yfir Öxnadalsheiði á
Yaris, þrátt fyrir að lokunarslá
með blikkandi ljósum væri
fyrir veginum.
Flugbjörgunarsveitin í
Varmahlíð kom fólkinu til að-
stoðar en samkvæmt Facebook
síðu björgunarsveitarinnnar
komust ofurhugarnir aðeins 10
m upp fyrir lokunarslána og
sátu þar fastir. Samkvæmt frétt á
Mbl.is sátu um 250 manns fastir
í Varmahlíð vegna lokunarinnar
þegar mest var. /BÞ
Fermingarmyndin af ritstjóra Feykis.