Feykir - 22.05.2014, Side 7
19/2014 Feykir 7
SVEITARSTJÓRNARKOSNINGAR 2014x 14
Gerum gott samfélag enn betra
Það er krefjandi en fyrst og
fremst áhugavert viðfangsefni
að vera sveitarstjórnarfulltrúi
í Húnaþingi vestra. Í
sveitarfélagi sem er fámennt
en landmikið er búsetan eðli
málsins samkvæmt dreifð og
verkefni margbreytileg.
Mikilvægt er að stjórnsýsla
sveitarfélagsins og þjónusta
við íbúa taki mið af þessum
aðstæðum svo sem
kostur er.
Atvinnumálin eru sú lífæð sem
samfélagið byggir á. Forsenda
núverandi búsetu og lykillinn
að því að ungt fólk flytji aftur
heim er fjölþætt atvinna. Við
viljum hrinda af stað átaks-
verkefni til að auka fjárfestingar
í atvinnulífinu, jafnframt því að
leita leiða til eflingar þeim
atvinnurekstri sem fyrir er. Til
þess að svo megi verða þarf að
ráða starfsmann til a.m.k.
þriggja til fjögurra ára sem hafi
það hlutverk að kynna
sveitarfélagið útávið í samráði
við hagsmunaaðila og leita
nýrra tækifæra í atvinnumálum.
Í sveitarfélagi þar sem
foreldrar eiga ekki kost á
þjónustu dagmæðra er áríðandi
að leikskólinn taki mið af því.
Við viljum að leikskólinn
þjónusti foreldra að afloknu
fæðingarorlofi, þ.e. sé opinn
börnum frá 9 mánaða aldri.
Jafnframt leggjum við
áherslu á öflugan stuðning við
foreldra/forráðamenn með
frístundakortum og aksturs-
B-LISTI FRAMSÓKNAR OG ANNARRA FRAMFARASINNA Í HÚNAÞINGI VESTRA
Elín R. Líndal oddviti listans skrifar
styrkjum á lengri leiðum til að
börn og ungmenni geti sem
best nýtt sér framboð íþrótta-
tómstunda og dreifnám. Við
viljum hrinda í framkvæmd
viðbyggingu við íþróttamið-
stöðina sem bæta mun aðgengi
og notkunarmöguleika allra
sem vilja nýta sér þá þjónustu.
Við viljum stofna Öldunga-
ráð, í samvinnu við félag eldri
borgara í Húnaþingi vestra.
Ráðið hafi það hlutverk að vera
umræðu og samstarfsvett-
vangur eldri borgara auk þess
að vera ráðgefandi um sín
málefni gagnvart sveitarstjórn.
Við viljum leita allra leiða til
að bæta búsetuskilyrðin í
Húnaþingi vestra þ.e. að auka
lífsgæði íbúanna. Við viljum að
á kjörtímabilinu sem í hönd fer
verði lögð hitaveita út um sveitir
eins og talið er gerlegt að mati
sérfróðra á því sviði. Samhliða
lagningu hitaveitunnar verði
lagður ljósleiðari. Aðgangur að
háhraða nettengingu er eitt af
þeim atriðum sem mikilvægt er
að sé til staðar bæði hvað varðar
lífsgæði og samkeppnishæfni
atvinnulífsins.
Áríðandi er að knýja á um
aukið fjármagn til ríkisins
vegna viðhalds héraðs- og
tengivega og sækja á varðandi
lagningu bundins slitlags á
tengivegi.
Fjárhagsleg staða sveitar-
sjóðs er góð. Fyrir því liggja
nokkrar ástæður. Núverandi
meirihluti tók við góðu búi og
sameining Húnaþings vestra og
Bæjarhrepps styrkti söðu
sveitarsjóðs. Skatttekjur hafa
aukist og framkvæmdir hafa
verið í sögulegu lágmarki allt
kjörtímabilið. B-listinn hefur
ítrekað bent á að á samdráttar-
og fólksfækkunartímum ber
hinu opinbera að auka fram-
kvæmdir þar sem fjárhagslegt
svigrúm er til staðar og gera
sveitarfélagið enn eftirsóknar-
verðara til búsetu. Við viljum
ábyrga fjármálastjórn, hag-
kvæman og skilvirkan rekstur.
Húnaþing vestra hefur gott
starfsfólk og ábyrga forstöðu-
menn sem halda vel utanum þá
fjármuni sem þeir hafa til
ráðstöfunar.
Samráð við íbúana ætti að
vera sjálfsagt í nútíma sam-
félagi. Núverandi meirihluti
ákvað að hætta þeirri hefð sem
hafði skapast að halda íbúafundi
þegar ársreikningur lá fyrir þar
sem jafnframt var gerð grein
fyrir fjárhagsáætlun og fram-
kvæmdum ársins. Við leggjum
áherslu á að íbúafundir eru góð
leið til að virkja íbúa Húnaþings
vestra samfélaginu til góðs.
Elín R. Líndal
oddviti B-lista Framsóknar og
annarra framfarasinna
Sumarkveðja úr Húnavatnshreppi
A-lista, Lista framtíðar í
Húnavatnshreppi, skipar
samhentur hópur fólks sem
með bjartsýni og jákvæðni að
leiðarljósi vill leggja sitt að
mörkum til eflingar
samfélagsins.
Húnavatnshreppur hefur eins
og stærstur hluti landsbyggðar-
innar búið við viðvarandi
fólksfækkun sem veikir allar
grunnstoðir samfélagsins,
skekkir aldurssamsetningu og
myndi með óbreyttri þróun
valda hruni á byggð.
Við sem að A-lista, Lista
framtíðar, stöndum höfum
fulla trú á að snúa megi vörn í
sókn. Við búum að víðfeðmustu
gróðursvæðum landsins og
landrými er óvíða meira. Sú
auðlind gerir ekkert annað en
að vaxa. Ferðamenn bruna
flestir gegnum Húnavatnssýslur
án þess að vita hvað svæðið
hefur uppá að bjóða. Því þarf að
breyta og markaðssetja svæðið
og þá mun ferðamannaþjón-
usta verða vaxandi atvinnugrein
hér sem annarsstaðar. Þá er
atvinnusköpun sem byggir á
orku Blönduvirkjunar vonandi
ekki langt undan.
Ótalin er sú auðlind sem
felst í samfélaginu og fólkinu
sem í því býr. Góðir skólar,
traust félagsleg þjónusta og
öflug menningar- og æskulýðs-
starfsemi verða aldrei metin til
fjár.
Listi framtíðar leggur megin
áherslu á eflingu atvinnulífs í
A-LISTI LISTI FRAMTÍÐAR Í HÚNAVATNSHREPPI
Þorleifur Ingvarsson oddviti listans skrifar
sveitarfélaginu. Öflugt atvinnu-
líf er undirstaðan sem aðrir
þættir samfélagsins hvíla á.
Grunnatvinnuvegur sveitar-
félagsins er hefðbundinn land-
búnaður og ræður afkoma hans
miklu um framtíð héraðsins.
Ferðaþjónusta er vaxtarbrodd-
urinn hér sem annarsstaðar og
þar finnast veruleg sóknarfæri
fyrir héraðið. Ekki síst bindur
Listi framtíðar vonir við upp-
byggingu ferðaþjónustu á
Hveravöllum. Nýta þarf þau
tækifæri sem í boði eru
varðandi nýsköpun í atvinnulífi
og má í því sambandi nefna
mögulega atvinnustarfsemi á
Húnavallasvæðinu, í Dals-
mynni og Húnaveri.
Traust fjárhagsstjórn og
skilvirkni í rekstri sveitar-
félagsins eru nauðsynlegir
þættir til að árangur náist. Ef
fjárhagsleg afkoma sveitarfél-
agsins leyfir þá verður leitast við
að létta álögum á íbúanna. Má í
því sambandi nefna sérstaklega
fasteignagjöld á íbúðarhúsnæði.
Vel rekinn skóli og öflugt
skólastarf er ein af grunn-
stoðum hvers sveitarfélags.
Húnavallaskóli og leikskólinn
Vallaból eru og verða
þungamiðjan í sveitarfélaginu
og þar mun unga kynslóðin
stíga sín fyrstu spor á náms-
brautinni.
Ástand tengi-og héraðsvega
í Húnavatnshreppi eru víðast
algjörlega ófullnægjandi. Tengi-
vegirnir flestir slæmir malar-
vegir og héraðsvegirnir margir
að breytast í moldarslóða.
Viðhald og endurbætur á
vegakerfinu hefur verið í
algjöru lágmarki og verður ekki
við svo unað mikið lengur.
Fjarskipti þ.e. sími, útvarp,
sjónvarp og netsamband eru
nauðsynlegur þáttur í tilveru
hvers manns. Enn er töluvert í
land að þessi mál séu í við-
unandi horfi í Húnavatns-
hreppi. Ástand vega, og ekki
síður fjarskiptamálin, eru orðin
hamlandi fyrir eðlilegri byggða-
þróun í sveitarfélaginu því
verður það forgangsmál á næsta
kjörtímabili að ná fram úr-
bótum.
Við sem að A-lista, Lista
framtíðar í Húnavatnshreppi,
stöndum höfum reynslu,
metnað og kraft til að fylgja
fram baráttumálum listans og
vonumst eftir góðum stuðningi
í kosningunum 31. maí næst-
komandi.
Fyrir hönd A-lista,
Lista framtíðar.
Þorleifur Ingvarsson