Feykir - 22.05.2014, Síða 16
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
19
TBL
22. maí 2014 34. árgangur
Frétta- og dægurmálablað á Norðurlandi vestra : Stofnað 1981
Kerla í Kína
Heimshornaflakk Ingu Heiðu
heimshornaflakkarans og brottflutta
Skagfirðingsins Ingu Heiðu. Við ljúkum nú
glefsum úr ferðasögu hennar þar sem hún er
komin til Kína og við það að týnast í
mannfjöldanum þar. En áreiðanlegar
heimildir herma að Inga Heiða sé komin
heim heilu og höldnu og þökkum við henni
fyrir að leyfa okkur að birta brot úr sinni
skemmtilegu og kómísku ferðasögu.
-Síðasti áfangastaðurinn minn í Kína er höfuðborgin
sjálf en þar búa um 25 milljónir! Ég hefði sennilega ekki
getað valið verri tíma til að ferðast þangað því um
þessar mundir eru frídagar og þá eru margir (sko,
margir sinnum sjö!) Kínverjar á faraldsfæti. Það
útskýrir líka hvers vegna mér gekk hálf illa að bóka
gistingu, ég gisti 5 nætur á 3 hótelum. Ég hafði nánast
ekkert undirbúið mig fyrir Beijing og áttaði mig ekki á
hvað það færi mikill tími í að átta sig á borginni, ferðast
á milli staða, skipta um hótel, bíða og labba á eftir
milljónum kínverja sem ganga mjöööög hægt. En ég
hafði rúman tíma og náði að gera flest sem ég hafði
ætlað mér...
The Orchid bauð líka upp á dumplings námskeið
sem ég skellti mér á. Þetta var mjög kósý og skemmtilegt
kvöld, það voru 4 nemendur og frábær kennari. Góður
matur og nóg af víni. Nú er ég útlærð í gerð dumplinga,
mmmm þeir eru svo góðir. Mér finnst þó soðnir betri
en þeir sem eru steiktir á pönnu. Ég veit ekki hvort það
sé til nafn fyrir þá á íslensku en ef þið skiljið ekki hvað
ég á við þá er mynd hér að neðan...
Fyrsta daginn fór ég að skoða Forboðnu borgina
ásamt hundruð þúsunda annarra. Ég stóð hjá
miðasölunni og var að reyna að ná áttum þegar það
kemur stelpa til mín og við förum að spjalla saman,
þetta var hin norska Amalía. Stuttu seinna kemur
kínversk stelpa til okkar og býður upp á leiðsögn, öllum
svona tilboðum á maður víst að taka með vara en við
SAMANTEKT
Kristín Sigurrós Einarsdóttir
slógum til og það var bara mjög fínt. Forboðna borgin er
mjög stór og við náðum ekki að skoða öll 9.999 herberg-
in! Forboðna borgin var byggð á árunum 1406 til 1420
og var höll keisarans í tæp 500 ár. Hún hefur verið á
heimsminjalista UNESCO frá árinu 1987...
Toppurinn á tilverunni var þó að stíga fæti á sjálfan
Kínamúrinn. Ég bókaði ferð til Jin Shan Ling og gekk yfir
til Si Ma Tai. Þetta var rúmlega 7 km ganga og við
gengum í gengum 22 turna. Fyrstu 9 turnarnir, minnir
mig, voru á svæði sem hafði verið endurgert en restin var
gengin á upprunalega múrnum. Þetta var mögnuð
lífsreynsla og erfitt að ímynda sér vinnuna við að gera
múrinn og hvað hefur gerst á honum í aldanna rás.
Algjörlega ógleymanlegur dagur!
- - - - -
Við segjum nú skilið við Ingu Heiðu eftir skemmtilega
samfylgd. Í næstu viku hefst nýr og spennandi ferðaþáttur
þar sem við fáum að fylgjast með ferðum Fríðar Finnu
Sigurðardóttur, sem m.a. hefur klifið Kilmanjaro.
Í undanförnum
tveimur tölublöðum
höfum við fylgst
með ferðum
Þessir munkar voru allir með iPhone 5s og ég sem hætti við að ganga
í Karmel klaustrið í Hafnarfirði því ég hélt að ég mætti ekki taka Æfón
Inguson með mér!
Inga Heiða við Kínamúrinn.
Ingað Heiða á námskeiði í gerð dumplinga.