Feykir - 17.08.2016, Blaðsíða 4

4 30/2016
AÐSENT ALÞINGISKOSNINGAR 29. OKTÓBER 2016
Jónína Erna gefur kost á sér í 2.-3.
sæti í forvali Sjálfstæðisflokksins
Ég hef ákveðið að gefa kost á mér í
annað til þriðja sæti í prófkjöri
Sjálfstæðismanna í NV-kjördæmi fyrir
kosningarnar í
haust. Ég hef
undanfarin sex ár
setið í sveitarstjórn
Borgarbyggðar,
komið þar að
ýmsum málum sem
snerta sveitarfél-
agið og öðlast
talsverða reynslu.
Auk þess hef ég gegnt ýmsum trúnaðar-
störfum fyrir Sjálfstæðisflokkinn og sit
nú í stjórn Sambands Íslenskra
sveitarfélaga.
Þessi reynsla ætti að nýtast mér vel við
störf á Alþingi og þau málefni sem ég vil
leggja áherslu á eins og t.d. vegamál, en
vegir innan kjördæmisins eru víða í
slæmu ástandi og þarf að gera mun betur
þar. Einnig þarf að hraða ljósleiðara-
væðingu kjördæmisins og reyndar
landsins alls. Mikilvægt er líka að hlúa að
grunnþjónustu eins og heilbrigðisþjón-
ustu og menntakerfinu. Ég tel að þetta
og ótal margt annað getum við gert án
þess að skattar séu í hæstu hæðum ef
atvinnulíf fær að blómstra og þar með
hagur allra. Ég hlakka til að hitta sem
flesta á næstu vikum til að kynna mig og
heyra hvað er kjósendum í kjördæminu
efst í huga.
Jónína Erna Arnardóttir
Aðalsteinn Orri gefur kost á sér í
fjórða sæti á lista Sjálfstæðisflokksins
Ég, Aðalsteinn Orri Arason tilkynni hér með
framboð mitt til prófkjörs Sjálfstæðisflokksins í
Norðvesturkjördæmi og mun sækjast eftir 4.
sæti listans.
Ég er 25 ára gamall, frá
Varmahlíð í Skagafirði. Stúdent
og húsasmiður frá Fjölbrauta-
skóla Norðlands vestra, bú-
fræðingur frá Landbúnaðar-
háskóla Íslands og starfa sem
landbúnaðar- og bygginga-
verktaki.
Ég hef brennandi áhuga á stjórnmálum og
málefnum líðandi stundar.
Mín markmið eru skýr: Huga þarf að jaðarsvæðum
þar sem byggð stendur höllum fæti. Bættar sam-
göngur, öflugar tengingar og dreifikerfi. Grunnþjón-
usta s.s. menntun og heilbrigðisþjónusta þarf að vera
góð. Jöfn tækifæri allra til náms, starfa og athafna.
Stöðuleiki atvinnulífs í kjördæminu. Frelsi
fólks til nýsköpunar. Nýting lands og sjávar
samhliða verndun. Skapandi greinar að
ógleymdum vaxandi tækifærum í ferðaþjónustu.
Svona mætti lengi telja. Ég vona að ég hitti sem
flesta og fái að heyra mismunandi sjónarmið sem
brenna á fólki svo farsæla niðurstöðu sé hægt að
fá í sem flestum málum.
Aðalsteinn Orri Arason
Lilja Rafney gefur kost á sér
til forystu í forvali VG
Ég býð mig fram í forvali VG
og gef kost á mér til að leiða
áfram lista VG í
Norðvesturkjördæmi. Þau sjö
ár sem ég
hef setið á
Alþingi
hafa verið
miklir og
lærdóms-
ríkir
umbrota-
tímar í lífi
þjóðarinn-
ar. Sú reynsla sem ég hef hlotið
á þessum tíma hefur nýst mér
vel og mun ég nota hana áfram
eins og hingað til á uppbyggi-
legan hátt í baráttunni fyrir
réttlátara samfélagi fyrir alla.
Ég er landsbyggðar- og alþýðu-
kona, sprottin úr jarðvegi verka-
lýðsbaráttu og baráttu fyrir
hagsmunamálum landsbyggð-
arinnar. Ég gjörþekki lífsbaráttu
fólksins til sjávar og sveita.
Landsbyggðin er minn staður
og ég hef búið áfram í mínu
byggðarlagi – Suðureyri við
Súgandafjörð – eftir að ég varð
þingmaður þótt vinnan fari að
mestu fram í Reykjavík. Bak-
grunnur minn úr verkalýðs-
málum og sveitarstjórnarmálum
hefur nýst mér vel í störfum
mínum sem þingmaður.
Ég hef alltaf tekið og mun
alltaf taka slaginn fyrir þá sem
minna mega sín í samfélaginu.
Barátta mín á Alþingi hefur
einkum snúist um að koma fram
breytingum á fiskveiðistjórnar-
kerfinu, stuðla að innviðaupp-
byggingu á landsbyggðinni, öfl-
ugum landbúnaði, jafnrétti til
náms, náttúruvernd og endur-
reisn heilbrigðis- og velferðar-
kerfisins þar sem hagsmunir
aldraðra, öryrkja og unga
fólksins eru tryggðir. Það er
vissulega mikilvægt að hafa
góðar hugsjónir en það er ekki
síður mikilvægt að fylgja þeim
eftir og tala fyrir þeim við hvert
tækifæri. Aukinn jöfnuður er
lykilatriði í þeim breytingum
sem ég vil gera á samfélagi okkar.
Við eigum öll að hafa sömu
tækifæri til lífs og þroska, við
berum öll ábyrgð og skyldur
gagnvart samfélagi okkar og
okkur ber að hafna sérhags-
munagæslu og spillingu af-
dráttarlaust.
Ég þekki hinn pólitíska slag
og er reiðubúin til að berjast
áfram með Vinstri grænum
hinni góðu baráttu fyrir jöfnuði
og velmegun um land allt. Ég
leita því stuðnings kjósenda til
að leiða áfram framboðslista VG
í Norðvesturkjördæmi í kom-
andi Alþingiskosningum.
Með góðri kveðju.
Lilja Rafney Magnúsdóttir,
alþingismaður.
Hafdís sækist eftir að skipa þriðja sæti
á lista Sjálfstæðisflokssins
Ég, Hafdís Gunnarsdóttir, gef kost á mér í
prófkjör Sjálfstæðisflokksins í norðvestur
kjördæmi sem haldið verður þann 3. september
2016 og sækist eftir 3. sæti á
listanum. Ástæðan fyrir því
að ég býð mig fram er að ég
sé ótal tækifæri til að efla
svæðin í þessum víðfeðma
kjördæmi og vil með þessum
hætti ganga beint til verka.
Ég tók nýverið við starfi
forstöðumanns liðveislu hjá
Ísafjarðarbæ, en hef síðastliðin þrjú ár gegnt starfi
ráðgjafa hjá barnavernd á norðanverðum
Vestfjörðum. Þar áður vann ég sem kennari frá
árinu 2004.
Ég hef verið virkur félagi í Sjálfstæðisflokknum
í Ísafjarðarbæ í mörg ár og gegnt margvíslegum
trúnaðarstörfum fyrir flokkinn. Ég er formaður
fulltrúaráðs Sjálfstæðisfélaganna í Ísafjarðarbæ og
varaformaður umhverfis- og samgöngunefndar
Sjálfstæðisflokksins.
Ég er 36 ára gömul, gift Shiran Þórissyni
fjármálastjóra og eigum við tvo syni. Ég er fædd og
uppalin á Ísafirði en bjó í Reykjavík á árunum
2000-2004 á meðan ég nam iðnrekstrarfræði við
Tækniháskóla Íslands. Að því loknu flutti ég aftur
til Ísafjarðar og lagði stund á fjarnám frá
Háskólanum á Akureyri. Ég útskrifaðist þaðan árið
2008 með B.Ed. í grunnskólakennarafræði. Mér
finnst það vera forréttindi að búa með fjölskylduna
mína út á landi og er tilbúin til að vinna fyrir
kjördæmið mitt.
Hafdís Gunnarsdóttir
x 2016
Lárus Ástmar gefur kost á sér í
1.-2. sæti í forvali Vinstri grænna
Ég undirritaður Lárus Ástmar
Hannesson, í Stykkishólmi, býð mig
fram í 1. – 2. sætið á lista í forvali
Vinstri hreyfing-
arinnar græns
framboðs í
Norðvesturkjör-
dæmi, fyrir
komandi
Alþingiskosn-
ingar. Ég hef tekið
virkan þátt í starfi
VG um árabil,
verið varaþingmaður frá 2013. Ég hef
setið í bæjarstjórn Stykkishólms í tíu ár,
verið forseti bæjarstjórnar í 4 ár, um
tíma formaður bæjarráðs og bæjarstjóri
í lok síðasta kjörtímabils. Ég er
búfræðingur og kennari að mennt.
Ég er formaður Landssambands hesta-
mannafélaga frá 2014 og formaður
Landsmóts ehf. einnig frá 2014.
Ég er fæddur í Stykkishólmi 1966 og
hef búið þar mestan part ævinnar. Ég er
giftur Maríu Ölmu Valdimarsdóttur
rekstrarfræðingi hjá Sæferðum. María er
frá Akranesi og eigum við fjögur börn
Hrefnu Rós (1994), Halldóru Kristínu
(1997), Önnu Soffíu (1999) og Valdimar
Hannes (2003).
Ég hef mikinn áhuga á samfélags-
málum og þá ekki síst málefnum lands-
byggðarinnar og að hún fái tækifæri að
nýta þá möguleika til uppbyggingar sem á
hverju svæði eru og þjónusta við íbúana
sé eins og best verður á kosið.
Lárus Ástmar Hannesson, Stykkishólmi
Lumarðu á frétt?
Hafðu samband við Feyki
í síma 455 7176 eða sendu póst
á feykir@feykir.is