Feykir - 17.08.2016, Síða 10

10 30/2016
„Rífandi gangur
og hellingur að gera“
Mikil aukning gesta á Skagaströnd í sumar
Nú er sumarið smám saman
að renna sitt skeið og
fyrirtæki og einstaklingar
farnir að huga að haustinu
með öllum sínum
jarðarlitum og
veðratilbrigðum.
Blaðamaður Feykis átti leið
til Skagastrandar og ákvað
að kíkja við í tveimur mest
áberandi fyrirtækjunum á
svæðinu er snerta á ferða-
mannabransanum;
veitingastaðnum Borginni
og Spákonuhofi.
Samkvæmt Þórarni Br. Ingv-
arssyni, vert á Borginni, var
sumarið í fyrra hreint út sagt
ömurlegt og veðrið spilaði þar
aðalhlutverk. „Veðrið í ár er
búið að vera dásamlegt og það
hefur skilað sér í fullum sal á
hverju einasta kvöldi. Það er
bara rífandi gangur og hellingur
að gera.” Segir hann ennfremur
að í meirihluta séu þetta
erlendir ferðamenn sem eru að
sækja veitingastaðinn heim.
„En veðrið er að gera það að
verkum að Íslendingar eru að
koma líka. Fólk er ekki að víla
það fyrir sér lengur að keyra
þennan litla spotta frá þjóð-
veginum og hingað á Skaga-
strönd.“ Þar spili internetið
stóran þátt, því fólk sem hefur
borðað að Borginni, sé að skrifa
athugasemdir og gefa stjörnur á
Facebook-síðu Borgarinnar og
á ferðasíðum á borð við Trip
Advisor.
Aukning í spánum
Sigrún Lárusdóttir, spákona hjá
Spákonuhofinu segir að það
hafi orðið nokkur aukning á
gestum. „En mjög mikil
aukning á spám.“ Um er að
ræða erlenda ferða-menn og
íslenska í bland. „Í júní voru
þetta nær eingöngu erlendir
gestir en þegar það fór að líða á
sumarið og Íslendingar fóru í
sumarfrí þá fóru þeir að skila
sér til okkar.“ Sigrún segir
ennfremur að sumir komi til
þeirra ár eftir ár, nær eingöngu
aðkomufólk. „Jú, það skila sér
inn nokkrir heimamenn auð-
vitað en þeir setjast frekar niður
og fá sér kaffi með okkur og
spjalla, enda er enginn spá-
maður í sínu föðurlandi.“
UMFJÖLLUN
Björgvin Gunnarsson
28
Þórarinn á Borginni. MYND: BG
Úr Spákonuhofi.. MYND: BG
„Vil sjá meira af trausti
og virðingu á Alþingi“
Bjarni Jónsson fiskifræðingur og
sveitarstjórnarmaður í
Sveitarfélaginu Skagafirði hefur
lýst því yfir að hann gefi kost á
sér til að leiða lista Vinstri
grænna í Norðvesturkjördæmi
fyrir komandi Alþingiskosningar.
Bjarni hefur setið lengst allra
núverandi í sveitarstjórn Svf.
Skagafjarðar, eða síðan árið
2002. Feykir hitti Bjarna að máli
í vikunni og spurði út í bakgrunn
hans og helstu baráttumál og
hversvegna hann ákvað að gefa
kost á sér í landsmálin.
Bjarni er uppalinn í Bjarnarhöfn á
Snæfellsnesi en faðir hans, Jón
Bjarnason fv. alþingismaður er
fæddur í Asparvík á Ströndum og
móðir hans, Ingibjörg Sólveig Kolka
er Húnvetningur, fædd á Blönduósi.
Fjölskylda Bjarna bjó í Bjarnarhöfn
uns hún flutti í Skagafjörð 1981 er
faðir hans gerðist skólameistari á
Hólum í Hjaltadal. Bjarni er stúdent
frá FNV en lærði síðan sagnfræði
við Háskóla Íslands og lauk
meistaraprófi í fiskifræði og stærð-
fræðilegri tölfræði frá Oregon State
University í Bandaríkjunum.
Eiginkona Bjarna er Izati Zahra, og á
hann eina dóttur af fyrra sambandi,
Kristínu Kolku. Í dag stundar Bjarni
meistaranám, með áherslu á
sjálfbæra stjórnun, við Háskólann á
Bifröst samhliða öðrum störfum.
Bjarni tók virkan þátt í öllu
íþróttastarfi. „Meðan ég bjó í
Bjarnarhöfn, en einnig hér, eftir að
ég kom í Skagafjörðinn og keppti ég
einkum í spretthlaupum. Hápunkt-
urinn á þeim vettvangi var for-
mennska Landsmótsnefndar UMFÍ
2004 á Sauðárkróki.“
„Ég kenndi um tíma við
ferðamáladeild og fiskieldisdeild
Hólaskóla. Eftir að námi lauk kom
ég hingað og var forstöðumaður
Norðurlandsdeildar Veiðimálastofn-
unar í 12 ár. Síðan vann ég um tíma
við sjávarrannsóknir hjá Biopol á
Skagaströnd og í dag veiti ég
forstöðu Náttúrustofu Norðurlands
vestra, sem verið er að koma af stað
aftur,“ segir Bjarni, aðspurður um
fyrri störf. „Í vísinda- og rannsókna-
starfi skiptir ekki máli hvort sam-
starfsverkefni, svo sem við erlenda
aðila, eru unnin í Reykjavík eða úti á
landi,“ segir hann. „Það hefur sýnt
sig að þarna eru tækifæri sem þarf
að nýta betur. Sömuleiðis í ýmis
konar þróunar- og nýsköpunar-
verkefnum. Það er margt spennandi
að gerast út um land allt, þó það fari
ekki endilega mikið fyrir því og það
þarf að hlúa betur að slíku.“
Bjarni segist í störfum sínum að
sveitarstjórnarmálum hafa kynnst
hinu pólitíska landslagi vel „Þetta
eru búin að vera spennandi verkefni
og maður er búinn að vinna með
mörgum,“ segir hann. Á undan-
förnum fjórtán árum hefur hann
m.a. verið forseti sveitarstjórnar,
formaður skólanefndar Fjölbrauta-
skóla Norðurlands vestra og
formaður landshlutasamtakanna
SSNV. „Þar voru mörg og spennandi
verkefni sem kröfðust samstarfs við
fleiri aðila. Ég hef lagt áherslu á að
mynda góð tengsl við sveitar-
stjórnarfólk á öllu landinu og tel það
mjög verðmætt. Við áttum t.d. mjög
gott samstarf við Vestlendinga og
Vestfirðinga um að koma á Strætó,
þar sem við lögðum áherslu á að
þetta væru samgöngur innan
svæðis og fyrir svæðið en ekki bara
í gegnum það,“ nefnir hann sem
dæmi um þau verkefni sem hann
hefur komið að. Verkefnin segir
Bjarni gjarnan hafa snúið að því að
berjast fyrir hagsmunum lands-
byggðarinnar. „Þar hefur maður
bæði verið að verja og sækja, það
Bjarni Jónsson vill leiða lista Vg í Norðvesturkjördæmi
VIÐTAL
Kristín Sigurrós Einarsdóttir
hefur þurft að verja það sem við
höfum líka.“
Tilbúinn að
stíga þetta skref
Bjarni segir það raunar vera eðlilegt
framhald af þátttöku sinni sveitar-
stjórnarmálum að bjóða sig fram til
Alþingis. „Það er ákveðin ástríða
sem fylgir pólitík og margir kannast
við sem vilja hafa áhrif á eigið
samfélag; að fylgja málum eftir og
koma góðum hlutum til leiðar. Ég er
verkefnamiðaður og málafylgju-
maður þegar kemur að því að koma
þeim í framkvæmd. Hins vegar
liggur fyrir að mörgum hlutum í
héraði kemur maður ekki áfram
nema með því að vinna að
stjórnmálum á landsvísu og hafa
áhrif á löggjöf og fjárveitingar fyrir
landið allt. Mér finnst þetta vera
rétti tímapunkturinn og ég tel að ég
gæti ekki verið tilbúnari til að stíga
þetta skref.“
Aðspurður um helstu baráttumál
sín segist Bjarni vera einlægur
baráttumaður fyrir byggðajafnrétti
og réttindum fólks til að geta notið
þjónustu, óháð búsetu, og nefndir
hann þar sem dæmi aðgengi að
heilbrigðisþjónustu. Þá séu sam-
göngur, fjölbreytt atvinna og
menntun og skólastarf á
landsbyggðinni honum hugleikin
málefni. „Í kjördæminu eru þrír
háskólar og öflugir framhaldsskólar
og framhaldsdeildir sem eru lykill
að því að halda í fólkið og fá nýtt
fólk í byggðirnar. Ferðaþjónustan
er í vexti og ekki má gleyma tæki-
færunum sem eru í öflugum
landbúnaði og sjávarútvegi, t.d. í
þróunarstarfi í matvælavinnslu,
sem eru einkennisgreinar lands-
hlutans,“ segir hann. Í sjávar-
útveginum er hvað mikilvægast að
bæði veiðar og vinnsla haldist
heima í byggðarlögunum og veiti
þar örugga atvinnu og verðmæta-
sköpun.
Bjarni nefnir einnig að mikilvægt
sé að viðhalda þjónustu á lands-
byggðinni og leggja áherslu á að
fjölga tækifærum fyrir ungt fólk til
að búa sér líf á landsbyggðinni.
„Annars hef ég tekið þátt í flokks-
starfi Vinstri grænna frá upphafi og
fylgt þeim grunnstefum sem þar
voru lögð og höfð að leiðarljósi;
jafnrétti, náttúruvernd, fjölbreyti-
leika og sjálfstæði.
„Ég legg mikla áherslu á
þverpólitískt samstarf og ef stefnan
er ljós tel ég að oft sé jafnvel
auðveldara að semja um það sem
greinir á milli og virða það og
einhenda sér í sameiginleg við-
fangsefni. Traust og virðing eru
grundvallaratriði í pólitík og ég vil
sjá meira af því á Alþingi, þvert á
flokka,“ segir Bjarni Jónsson að
lokum.
Bjarni að vitja um álagildrur í Áshildarholtsvatni. MYND: ÚR EINKASAFNI