Feykir - 16.05.2012, Blaðsíða 2
2 Feykir 19/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Hrafnagusa
Ærin Alva á Sporði í
Húnaþingi Vestra bar
risastórum botnóttum hrúti
þann 7. maí með aðstoð
húsráðenda en hrúturinn
reyndist vera 7,3 kg.
Alva sem er þriggja vetra
bar tveimur lömbum sem
gemlingur, þremur lömbum
tveggja vetra og þessum risa
hrúti núna. Eigandi Ölvu er
Rakel Alva Friðbjörnsdóttir 3
ára. /PF
Húnaþing vestra
Risalamb á
Sporði
Skerpla, áttundi mánuður ársins samkvæmt gamla norræna
tímatalinu, hefst þetta árið nk. laugardag 19. maí eða
þvottadag í fimmtu viku sumars. Samkvæmt gregoríanska
tímatalinu getur dagurinn lent á 19. til 25. maí eftir
reikningskúnstum almanaksins. Norræna tímatalið er,
samkvæmt Wikipedia, það tímatal sem notað var af
Norðurlandabúum þar til júlíska tímatalið tók við sem
almennt tímatal, og raunar lengur. Tímatalið og
mánaðaheitin miðast við árstíðir sveitasamfélagsins og
skiptast í sex vetrarmánuði og sex sumarmánuði. Það miðast
annars vegar við vikur, fremur en daga, og hins vegar við
mánuði, sem hver um sig taldi 30 nætur. Með þessum hætti
hefjast mánuðirnir þannig á ákveðnum vikudegi, fremur en
á föstum degi ársins. Árið var talið 52 vikur eða 364 dagar og
til þess að jafna út skekkjuna sem varð til vegna of stutts árs
var skotið inn einni aukaviku, svokölluðum sumarauka,
sjöunda hvert ár. Þannig var sumarið talið 27 vikur þau ár
sem höfðu sumarauka, en 26 vikur annars.
Ég er viss um að nýr mánuður boði betri tíð og blóm í haga
en hretið sem gengið hefur yfir undanfarna daga getur borið
eftirfarandi nöfn samkvæmt gömlum fræðum: hrafnagusa,
uppstigningardagshvina, krossmessuhret og kríuhríð.
Efalaust eru fleiri viðurnefni til, en þetta ætti að duga núna.
Páll Friðriksson
ritstjóri
Íslandsmót 2012 í
hestaíþróttum verður
haldið á Vindheimamelum í
Skagafirði dagana 19. til
22. júlí. Framkvæmda-
nefnd Íslandsmóts hvetur
ferðaþjónustuaðila í
Skagafirði til samstarfs um
að gera þessa daga að
stórviðburði í Skagafirði.
Þeir aðilar sem hafa áhuga
á að nýta sér samstarf við
Íslandsmót 2012 á Vind-
heimamelum geta haft sam-
band við Eyþór Einarsson í
síma 455-7115/862-6627 eða
tölvupósti á ee@bondi.is. Þá er
óskað eftir sjálfboðaliðum,
bæði við undirbúning og til
starfa á mótinu. /PF
Vindheimamelar
Íslandsmót
í sumar
Rekstrartekjur
476 milljónir
Jákvæður rekstur Skagastrandar
Sveitarstjórn Skagastrandar
tók fyrir á síðasta fundi sínum
endurskoðunarbréf Davíðs
Búa Halldórssonar, endur-
skoðanda sveitarfélagsins sem
m.a. innihélt samantektir á
helstu niðurstöðum ársreikn-
ings. Í bréfinu koma ekki
fram neinar athugasemdir
sem sveitarstjórn þarf að
bregðast við.
Þá lá fyrir fundinum árs-
reikningur sveitarsjóðs og
stofnana sem var til fyrri
umfjöllunar 11. apríl 2012. Í
honum kemur fram að
rekstrartekjur samstæðunnar
voru 476 m.kr. og rekstrargjöld
457 m.kr. Rekstrarniðurstaða
samstæðunnar fyrir afskriftir
og fjármagnsliði var jákvæð um
18 m.kr. en rekstrarniðurstaða
eftir afskriftir og fjármagnsliði
var jákvæð um 17,5 m.kr. Eigið
fé samstæðu í árslok 2011 nam
1.268 millj.kr. samkvæmt efna-
hagsreikningi. Eiginfjárhlutfall
samstæðu var 75,4% í lok árs
2011 en var 75,0% árið 2010.
Veltufjárhlutfall samstæðunnar
nam 23,19 en var 20,0 árslok
2010.
Samkvæmt yfirliti um
sjóðstreymi nam veltufé frá
rekstri samstæðunnar 68,9 m.
kr. og handbært fé frá rekstri
64,7 m.kr. Engin ný lán voru
tekin á árinu. Handbært fé
samstæðunnar nam 568 m.kr. í
árslok en var 543 m. kr. í árslok
2010. Auk þess kemur fram í
efnahagsreikningi að eign í
ríkisverðbréfum nam 194 m.
kr. í fundargerð segir að sveitar-
stjórn hafi rætt ársreikninginn
og samþykkt hann að lokinni
umræðu. /PF
Skagafjörður
Sláttur hafinn
Það urðu margir undrandi í
síðustu viku er sást til
bóndans á Hlíðarenda í
Óslandshlíð í Skagafirði
byrja heyskap óvenju
snemma þetta árið þar sem
hann fór um sinumikið
túnið, sló í lítinn flekk og
rúllaði.
Þegar betur var að gáð var
það ekki heyleysi sem hrjáði
bóndann þetta vorið heldur var
Allir undir 18 ára fá
vinnu í sumar
Skagafjörður
Í Vinnuskóla Skagafjarðar
verður öllum yngri en 18 ára
tryggð vinna í sumar en
skólinn er fyrir krakka í
7.- 10. bekk í sveitarfélag-
inu.
Þeir sem fæddir eru árin
1994 og 1995 stendur til boða
vinna í gegnum VIT- verkefni
(atvinnuátak) en þau skilyrði
eru þó sett að viðkomandi hafi
fengið neitun um aðra vinnu
en markmið skólans er að
enginn í þessum árgöngum
verði atvinnulaus í sumar.
María Björk Ingvadóttir
frístundastjóri sveitarfélagsins
segir ekkert annað sveitarfélag
á Íslandi hafa tekið jafn
afgerandi forystu í atvinnu-
málum ungmenna og Sveitar-
félagið Skagafjörður. -Ég
kynnti þetta á fundi í
Menntamálaráðuneytinu á
föstudag og kom þar fram
mikil ánægja og aðdáun á
þessari stefnu. Það er engum
blöðum um það að fletta að
það að tryggja öllum atvinnu er
ein besta forvörn sem hugsast
getur yfir sumarið, segir María
Björk.
Hún segir að margar
fyrirspurnir hafi borist frá
unglingum annarsstaðar að af
landinu sem eiga hér ættingja
eða vini og eru að óska eftir
vinnu í Skagafirði. Mikil að-
sókn er í Vinnuskólann og
hefur hún aukist um meira en
helming á síðustu 5 árum. /PF
þarna á ferðinni prófun á nýrri
rúllubindivél.
Fulltrúar frá Vélaborg land-
búnaði, Bifreiðaverkstæðinu
Pardus á Hofsósi ásamt tækni-
manni frá Leley verksmiðjunum
voru þarna að prófa nýja
rúllubindivél við mjög krefjandi
íslenskar aðstæður. Að sögn
Njáls H. Sigurðssonar, Þor-
steinssonar frá Skúfsstöðum og
sölumanns hjá Vélaborg
landbúnaði, er hér um mjög
byltingarkennda vél að ræða
hvað varðar afköst og heymagns
í rúllum. Eins og meðfylgjandi
mynd sýnir voru bændur mjög
áhugasamir um vélina sem
reyndist vel og vakti afköst
hennar mikla athygli sem og
auðveld stjórnun á stærð
rúllubagganna. /PF
Bændur voru áhugasamir um vélina sem reyndist vel.
Betri niðurstaða
en ráðgerð var
Húnaþing vestra
Síðari umræða um ársreikn-
inga Húnaþings vestra og
fyrirtækja árið 2011 fór fram
á fundi sveitarstjórnar í
síðustu viku og voru þeir
samþykktir með öllum
greiddum atkvæðum.
Í bókun sem oddviti sveitar-
stjórnar lagði fram segir að
afkoma sveitarfélagsins, bæði
aðalsjóðs og samstæðu, fyrir
árið 2011 valdi áhyggjum þrátt
fyrir að niðurstaðan sé mun
betri en fjárhagsáætlun ársins
hafði gert ráð fyrir.
Niðurstaða aðalsjóðs er
neikvæð um kr. 21,0 millj. en
hafði verið áætluð neikvæð um
32,6 millj. kr. Niðurstaða
samstæðu A og B hluta er
neikvæð um kr. 56,3 millj. en
hafði verið áætluð neikvæð um
kr. 80,7 millj. Rekstrartekjur
voru rúmum 50,0 millj. kr.
hærri en ráð var fyrir gert en
rekstargjöld rúmlega 41,0 millj.
kr. hærri.
Í því sambandi vega breyt-
ingar á kjarasamningum vegna
launa- og launatengdra gjalda
um kr. 20,0 millj. Varðandi
tekjuaukninguna munar mestu
um hækkun á framlagi
Jöfnunarsjóðs sveitarfélaga en
það var rúmum kr. 30 millj.
hærra en ráð var fyrir gert. /PF