Feykir - 21.06.2012, Blaðsíða 8

8 Feykir 24/2012
Mikil starfsemi er hjá
Farskólanum ár hvert og
mörg námskeið í boði
fyrir fólk á Norðurlandi
vestra. Aðalfundur skólans
var haldinn mánudaginn
14. maí sl. og kemur
margt forvitnilegt í ljós
um umfang hans þegar
afraksturinn er tekinn
saman.
Árið 2011 voru haldin 64
námskeið hjá Farskólanum
samanborið við 54 námskeið
árið 2010. Kenndar voru
2302 kennslustundir og
nemendastundir, sem
eru fundnar með því að
margfalda saman fjölda
þátttakenda með fjölda
kennslustunda voru 25.842.
Samanlagður fjöldi þátt-
takenda var 671 en árið
2010 voru þátttakendur
465 að tölu. Þetta eru um
13% íbúa, eldri en 20 ára,
á Norðurlandi vestra. Af
þeim sem sóttu námskeið
árið 2011 voru konur 30%
og karlar 70%. Meðalaldur
þátttakenda árið 2011 var
45 ár; yngsti þátttakandinn
var 9 ára og sá elsti var 81
árs. Flestir voru á aldrinum
56 ára.
Námskeiðin voru haldin í
þremur sveitarfélögum árið
2011. Í Húnaþingi vestra
voru haldin 22 námskeið,
á Blönduósi voru haldin 8
námskeið og í Skagafirði
voru haldin 34 námskeið. Ef
þátttaka eftir póstnúmerum
á Norðurlandi vestra er
skoðuð kemur í ljós að
þátttakendur koma frá öllum
póstnúmerum á svæðinu.
Náms- og starfsráðgjafar
Farskólans tóku 129 viðtöl á
árinu.
Helstu verkefni fyrir utan
hefðbundin námskeið voru
fræðsluverkefnið Eflum
Byggð í Húnaþingi vestra
en þar voru 48 námsmenn
á haustönn 2011. Samtals
voru kennd í Eflum Byggð
6 tölvunámskeið og 2
enskunámskeið.
Rekstrartekjur Farskólans
árið 2011, fyrir fjármagnsliði,
voru um 55 milljónir króna.
Rekstrargjöld voru um 61
milljónir. Tekjur skiptust
þannig að frá mennta- og
menningarmálaráðuneytinu
í gegnum fjárlög
komu um 50% tekna,
frá Fræðslumiðstöð
atvinnulífsins vegna
verkefnasamninga komu
rúmlega 20%, rúmlega 3%
tekna komu frá aðilum
Farskólans og um 27% tekna
voru þátttökugjöld og aðrar
tekjur.
Hjá Farskólanum störf-
uðu fimm starfsmenn í
fjórum stöðugildum auk
verkefnaráðinna náms- og
starfsráðgjafa. Auk þess
kenndu tugir leiðbeinanda
hjá Farskólanum árið 2011.
Farskólinn hefur einnig
yfirumsjón með háskólanámi
í fjarnámi á Norðurlandi
vestra. Í námsverunum á
Norðurlandi vestra voru
tekin um 300 háskólapróf
árið 2011, langflest á
Sauðárkróki eða 230. Þetta
eru lágmarkstölur því ekki
eru öll háskólapróf skráð hjá
Farskólanum. Námsver eru
á Hvammstanga, Blönduósi,
Skagaströnd og Sauðárkróki
og sjá sveitarfélögin um
rekstur þeirra.
Farskólinn – miðstöð
símenntunar á Norðurlandi
vestra er sjálfseignarstofnun
og standa að henni 16
aðilar sem eru sveitarfélög,
stéttarfélög, skólar og
fyrirtæki og stofnanir.
Farskólinn er aðili að Kvasi
– samtökum fræðslu- og
símenntunarmiðstöðva á
Íslandi og Leikn – samtökum
fullorðinsfræðsluaðila á
Íslandi.
/PF
Farskólinn
– miðstöð símenntunar á Norðurlandi vestra
Vinsæll skóli
Aðsent: Kristín Halla Bergsdóttir skrifar
Dansað á Hólum
Já, það verður sko dansað
og spilað á Barokkhátíðinni
á Hólum en hátíðin er
orðin árlegur viðburður
á Hólum í Hjaltadal og
er haldin þar í fjórða
sinn. Hátíðin er haldin af
Barokksmiðju Hólastiftis
og er eitt af markmiðum
hennar að efla áhuga
og þekkingu Íslendinga
á barokktímanum
en sérstaklega þó á
barokktónlist.
Hátíðin stendur yfir frá
21. júní – 24. júní og á því
tímabili verður boðið upp
á fjölbreytta afþreyingu í
barokkstíl. Á dagskrá eru
m.a. tónleikar, fræðsla,
barokkmessa, dansnámskeið
og söngnámskeið. Barokk-
hátíðinni er um leið ætlað
að sameina menningu og
arfleifð fornra tíma en einnig
að sýna okkur hvernig þróun
tónlistar og annarra lista hefur
orðið frá tímum barokksins.
Barokkhátíðin sameinar því
m.a. þann hóp tónlistarfólks
sem áhuga hefur á því að
spila tónlist frá þessum
tíma og öllum gefst kostur
á að fræðast um tónlist og
hljóðfæri frá þessum tíma.
Á barokktímanum var mikið
dansað og á hátíðinni gefst
fólki tækifæri á að dusta
rykið af dansskónum og læra
barokkdans. Allt þetta er
fólki að kostnaðarlausu en
þátttakendur þurfa að greiða
sjálfir fyrir uppihald. Hérna er
á ferð vegleg hátíð til heiðurs
barokktímanum.
Á undan hátíðinni sjálfri er
Hildigunnur Halldórsdóttir
fiðluleikari með námskeið
fyrir tónlistarfólk á Akureyri.
Vilhjálmur Ingi Sigurðarson
trompetleikari og Eyþór Ingi
Jónsson orgelleikari opna
Barokkhátíðina 2012 á Hólum
með hádegistónleikum í
Hóladómkirkju fimmtudag-
inn 21. júní kl. 12:30. Síðar
sama dag heldur Vilhjálmur
Ingi erindi í Auðunarstofu kl. 15:30.
Þau Eyþór Ingi Jónsson,
Lára Sóley Jóhannsdóttir
og Sigurður Halldórsson
eru með hádegistónleika
föstudaginn 22. júní kl 12:30
en síðar sama dag halda
þeir Sigurður Halldórsson
sellóleikari og Japp Schröder
fiðluleikarar tónleika kl. 15:30
Blokkflautukvartettinn Q
Consort frá Finnlandi leikur
á tónleikum í Hóladómkirkju
laugardaginn 23. júní kl.
17. Kvartettinn er skipaður
fjórum ungum Finnum
sem stunduðu ýmist nám
við Síbelíusarakademíuna í
Helsinki, tónlistarháskólann
í Amsterdam eða tónlistar-
háskólann í Haag. Á tónleik-
unum leika þau blandaða
efnisskrá, allt frá fransk-
flæmskri endurreisnartónlist
yfir í ítalska barokktónlist í
ferðalagi þar sem snert er á
þróun og hefðum flæmsku
tónskáldanna, frönskum
tónlistarformum og áhrif
heyrast frá Róm og Feneyjum
í aldanna rás. Kvartettinn
skipa þau Petri Arvo, Riikka
Holopainen, Milja Tiainen
og Reetta Varjonen-Ollus
og öll leika þau á ýmis
af þeim um það bil tíu
hljóðfærum sem tilheyra
blokkflautufjölskyldunni.
Fyrr þennan sama dag, kl.
14:30, heldur Petri Arvo, einn
félaginn í Q Consort, erindi í
Auðunarstofu þar sem hann
kynnir sögu flautunnar.
Hefurðu dansað
menúett eða sungið
á söngvöku í
Auðunarstofu?
Við njótum krafta Ingibjargar
Björnsdóttur listdansara til
kennslu barokkdansa þar sem
tilvalið er fyrir þig að koma
og dansa Menúett og fleiri
dansa. Dansinn er ómissandi
hluti af Barokkhátíð á Hólum.
Ingibjörg hefur rannsakað
sögu dansins og er flestum
fróðari um þau efni. Í ár er
áætlað að hafa danssýningu
en það eru systkinin Kristín
og Ástbjörn Haraldsbörn
sem ætla að sýna okkur réttu
sporin í barokkdansinum.
Dansnámskeiðin eru ókeypis
og því fleiri sem mæta því
skemmtilegra. Söngvaka
verður í Auðunarstofu
föstudags-kvöldið 22. júní
kl. 20. Þar verður dreift
söngverkefnum en einnig geta
nemendur af námskeiðinu
komið fram að vild.
Má bjóða þér í dans. Þátttakendur Barokkhátíðarinnar í fyrra í barokkklæðnaði. ljósmyndari: Eyþór Ingi Jónsson
BORGARFLÖT 7, SKR. - 4557171- NYPRENT@NYPRENT.IS
ÞEGAR ÞÚ ÞARFT HÖNNUN - PRENTUN
SKILTI - STRIGAMYND