Feykir - 27.09.2012, Blaðsíða 9

36/2012 Feykir 9
( RABB-A-BABB ) oli@feykir.is
Valgerður Erlings
NAFN: Valgerður Erlingsdóttir.
ÁRGANGUR: Sá stóri 1977.
FJÖLSKYLDUHAGIR: Í sambúð með Guðmundi
Gylfasyni, eigum 3 börn; Hafþór Bjarka 11 ára,
Fanneyju Rún 7 ára og Atla Heiðar 4 ára.
BÚSETA: Heimsborgin hún Reykjavík.
HVERRA MANNA ERTU: Erlings Péturssonar Pippa
Imbu í Tindastól og Sigrúnar Skúladóttur frá
Borgarfirði eystri.
STARF / NÁM: Leikskólaliði, Bowentæknir frá
E.C.B.S og er nú í Ljósheimaskólanum.
BIFREIÐ: Volvo ´98 og Ottó seldi mér Pajero um
daginn og færi ég honum bestu þakkir fyrir.
HESTÖFL: Já allavega í Pajeronum, Wolfgang
gengur á náttúruöflum.
HVAÐ ER Í DEIGLUNNI: Reyna að framkvæma
eitthvað af því sem að mér dettur í hug, og það
er margt, koma börnunum til manns og sjálfri
mér til vits.
Hvernig hefurðu það? Bara
þokkalegt, þakka ykkur pent.
Hvernig nemandi varstu? Mig
grunar að kennararnir muni
alveg eftir mér. Mín er sennilega
ekki minnst sem náms- eða
fróðleiksfúsri? Nema í einhverju
sem ekki var ritað í skóla-
bækurnar.
Hvað er eftirminnilegast frá
fermingardeginum? Það er tví-
mælalaust bráðaofnæmið sem
ég fékk úr ljósabekknum hjá
Eddu, ég var algjörlega búin á
því á fermingardaginn og sofnaði
áður en síðustu gestir yfirgáfu
Birkihlíðina.
Hvað ætlaðir þú að verða þegar
þú yrðir stór? Það fór alveg eftir
því hvaða dagur var en ég var
alltaf ákveðin í því að vinna við
umönnun og verða mamma og
það tókst. En ég á eftir að verða
tónlistarmaður, rithöfundur og
leikari, en það kemur.
Hvað hræðistu mest? Hákarla,
stend föst á því að ef ég fer í
sjósund, laumar sér einn inn að
strönd og ræðst á mig.
ABBA eða Rolling Stones?
Abba er hópband en Stones
er einstaklings. Hlusta frekar á
Stones.
Hver var fyrsta platan sem
þú keyptir (eða besta)? Sú
fyrsta sem ég keypti mér var að
mig minnir The Greatest Rock
Album Of All Times, sem ég á
enn. Annaðhvort fengin í Rafsjá
eða Hegra. Annars gaf Frímann
mér á undan því eina plötu með
Paul Simon og aðra með Donnu
Summer sem við Arndís Berndsen
ákváðum að eiga saman og deila
forræðinu jafnt. Arndís ef þú lest
þetta þá held ég að þú eigir að
hafa þær núna, getur sótt þær til
mín.
Hvaða lag er líklegast að þú
takir í Kareókí? Hey Jude, ef ég
væri á Króknum. Lag sem virðist
hafa gróið fast við raddböndin á
unglingsárunum.
Hverju missirðu helst ekki af í
sjónvarpinu (fyrir utan fréttir)?
Heimildarmyndum.
Besta bíómyndin? Nei, nú fórstu
alveg með´ða. Segjum bara Hárið
því ég er búin að sjá hana 100
sinnum. Horfði mikið á hana sem
barn á Króknum. Tónlistin heillaði
mig svo rosalega og það kann að
koma einhverjum á óvart en ég hef
alltaf verið pínu hippi.
Hvað gerir þú betur en allir aðrir
á þínu heimili? Selinn (var áður
kallað ormurinn meðal okkar sem
vorum í Breikinu).
Hvert er snilldarverkið þitt í eld-
húsinu? Ætli það sé ekki gufusoðnar
laxabreiður með pótötum de la
crèm´ á grænmetisbeði og annar
hvunndagsmatur.
Hvað fer helst í innkaupakörfuna
sem ekki er skrifað á tossa-
miðann? Suðusúkkulaði þessa
dagana.
Hvað er í morgunmatinn? Hafra-
grautur eða Múslí.
Hvernig er eggið best? Spælt.
Uppáhalds málsháttur? Ef þú
smælar framan í heiminn, smælar
heimurinn framan í þig.
Hvaða teiknimyndapersóna höfð-
ar mest til þín? Hann Júlli kóngur í
Madagaskar er dásamlegur.
Hver er uppáhalds bókin þín?
Gömul barnabók sem heitir Berin
á lynginu, hef aðallega lesið barna-
bækur síðustu árin. En var að klára
Rokland, sem mér fannst mjög góð.
Langar mikið að sjá myndina sem
virðist ófáanleg. Veit það einhver?
Ef þú gætir hoppað upp í flugvél
og réðir hvert hún færi, þá
færirðu... bara austur á land, þar
líður mér og mínum best.
Hvað fer mest í taugarnar á þér
í fari þínu? Óskipulag og frest-
unarárátta.
Hvað fer mest í taugarnar á þér
í fari annarra? Hroki og sýndar-
mennska.
Enski boltinn - hvaða lið og af
hverju? Arsenal, fyrir strákana
mína. En ég er algjörlega dottin út
úr enska boltanum.
Hvaða íþróttamanni hefurðu
mestar mætur á? Börnunum
mínum og Jóni Margeiri sundkappa.
Svo er Birna Valgarðs alltaf flott
Hvaða fræga manneskja mundir
þú helst vilja vera og af hverju?
Ég er allt of meðvirk í þessa, en Tina
Turner kæmi vel til greina, flott kona
í alla staði, ef rétt er með farið.
Hver var mikilvægasta persóna
síðustu 100 ára að þínu mati?
Ætli það sé ekki Nelson Mandela
eða Dalai Lama.
Ef þú ættir að dvelja alein/n á
eyðieyju, hvaða þrjá hluti tækirðu
með þér? Ætli það yrði ekki bátur,
pottur og vasahnífur.
Hver væri titillinn á ævisögu
þinni? „Ég er eins og ég er“ eða
„Við hliðina á sjálfri mér.“
Viltu taka þátt
í Rabb-a-babbi?
Langar þig að vera með eða
þekkirðu einhvern sem þér finnst að ætti að vera í Rabb-a-babbi?
Sendu okkur póst á feykir@feykir.is
Ferðasumarið hjá Glaðheimum á Blönduósi
Aldrei meira
að gera í
sumarhúsunum
Á Glaðheimum á Blönduósi
er rekið tjaldstæði, sumarhús
og upplýsingarmiðstöð í
alfaraleið sem hefur verið
vinsæll viðkomustaður hjá
ferðamönnum, innlendum
sem erlendum. Feykir
hafði samband við Lárus B.
Jónsson hjá Glaðheimum og
spurði út í ferðasumarið.
„Sumarhúsin fóru seint á
stað en seinni hlutinn hefur
verið mjög góður og er enn,“
segir Lárus en sumarhúsin
eru til leigu allt árið. Lárus
segir ekki enn búið að taka
saman endanlegar tölur yfir
gestakomur þó segir hann gesti
á tjaldstæðinu hafa verið færri
en í fyrra en traffíkin var svipuð
á upplýsingamiðstöðinni.
„Mest var að gera í sumarhús-
unum í ágúst og hefur aldrei
verið meira,“ segir Lárus. Hvað
þjóðerni gestanna varðar segir
Lárus fjölda útlendinga hafa
verið jafn mikinn og Íslendinga
í sumar.
Aðspurður um hvort hann
hafi orðið vitni að einhverju
skondnu atviki í starfi segir
hann ýmislegt ske í þessari
vinnu. „Sumt getur maður ekki
sagt frá en mér finnst stundum
skrýtið þegar útlendingar
koma á flottum húsbílum og
biðja um hús til leigu. Það
gerist nokkrum sinnum á ári,“
segir hann. Þá hefur sú nýlund
verið að færast í aukanna
hjá Lárusi að honum berist
hjálparbeiðnir vegna fastra
ökutækja á fjallvegum í kring
um Blönduós, bæði í snjó og
aurbleytu. /BÞ
Glaðheimar á Blönduósi.
Geiturnar komu fyrr en venjulega
sem reknar voru á fjall komu
einnig heim en það er fyrr en
vanalegt er.
Fé kemur ágætt af fjalli en
heldur rýrara en oft áður.
Greinilegt er að veðurfar spilar
þar inní og mátti sjá skepnur
sem ekki höfðu fengið nóg að
éta í einhvern tíma vegna
snjóa. Ekki er enn ljóst hvað
vantar af fé hjá bændum en þó
er það vitað að töluvert vantar
enn hjá sumum. /KH