Feykir - 15.11.2012, Blaðsíða 4

4 Feykir 43/2012
Sigurlaug Vordís Eysteinsdóttir
Stolt og hamingjusöm
með afraksturinn
Leikhópur Fjölbrautaskóla
Norðurlands vestra
frumsýndi síðasta mánudag
leikrit um hina einu sönnu
Stellu í orlofi eftir Guðnýju
Halldórsdóttur í leikgerð og
leikstjórn Sigurlaugar
Vordísar Eysteinsdóttur.
Sigurlaug eða Silla eins og
hún er oftast kölluð er ekki
alveg ókunnug leiklistinni,
hefur leikið mörg hlutverk hjá
Leikfélagi Sauðárkróks og
áður leikstýrt Sódóma
Reykjavík hjá FNV og Jón
Oddur og Jón Bjarni hjá LS
ásamt Stefáni Friðriki Frið-
rikssyni. Feykir sendi Sillu
póst og forvitnaðist um gang
mála.
Það þekkja allir Stellu í orlofi
en hvernig er leikritið frá-
brugðið myndinni? -Já, Stella
í orlofi er algjör klassík og er
ég búin að vera með þá
hugmynd í mallakútnum frá
því að við settum upp Sódómu
að koma Stellu einhvern
tímann á svið. Nemó talaði
við Guðnýju Halldórs um
hvort að það væri til eitthvert
handrit en því miður þá var
það ekki til. En hún var svo
yndisleg að leyfa okkur að
setja Stellu samt á svið, þannig
að ég lá bara yfir myndinni í
viku og skrifaði leikgerð. Við
reynum að hafa þetta eins líkt
og hægt er komist, maður
messar ekkert upp legend.
Hvernig farið þið að því að
sviðssetja laxveiðiatriðið?
-HAHAHA Laxa atriðið...
sjón er sögu ríkari, bara mæta
á sýningu og berja þetta
augum.
Hversu margir taka þátt í
uppsetningunni? -WOW að
mér finnst óteljandi. Eins og
allir vita sem hafa unnið við
leikhús, þá þarf ansi margar
hendur í að setja upp eitt
leikrit. Ég held samt að þau
séu um 80-100 í heildina og
öll að vinna sína vinnu
stórkostlega. Við eigum bara
glæsileg ungmenni hérna,
það er nú bara þannig.
Hverjir fara með aðalhlut-
verk? -Stórar rullur, litlar
rullur, puttar sem ýta á ljósa-
kjú, hendur sem koma inn
sviðsmunum, hljómsveitin,
það eru allir í aðalhlutverki og
spila allir jafn mikilvæg hlut-
verk. En ef þú ert að spyrja
hverjir leika Stellu, Georg og
Salomon, þá eru það þau
Árný Dögg Kristjánsdóttir,
Halldór Ingólfsson og Ingi
Sveinn Jóhannesson.
Hvernig hefur gengið? -Ég
væri að plata ef ég myndi
segja að allt hafi gengið eins
og í sögu. En eins og Stella
segir sjálf - "vandamálin eru
til að takast á við þau" - og ég
er stolt og hamingjusöm með
afraksturinn hjá öllum þeim
sem tóku þátt í að koma þessu
á koppinn.
Hversu margar sýningar eru
áætlaðar? -Það eru áætlaðar
átta sýningar og svo auka-
sýningar ef miðasölu síminn
hringir látlaust.
Eitthvað sem þú vilt koma á
framfæri? -Já, Sigfús Arnar,
Eysteinn Ívar og Emelíana
Lillý! Við skulum drífa okkur
heim, boðið er búið, Bára
lögst í bleyti og majonesan
orðin gul... ég held ég þurfi að
leggja mann, má mann það???
/PF
( LIÐIÐ MITT ) palli@feykir.is
Nafn: Óli Barðdal Reynisson.
Heimili: Salamarmandervænget í Árósum
Starf: PGA Golfkennari í Norddjurs Golfklúb
Hvert er uppáhalds liðið þitt í enska boltanum og af
hverju? -Liverpool í dag en var í raun áður Aston Villa
fan. Þegar ég fluttist fyrst til Árósa þá bjó ég hjá Selmu
systur og Róberti mági mínum í hálft ár. Róbert var og
er harður Liverpool aðdáandi og fylgdist grannt með
öllu sem var að gerast í herbúðum félagsins. Þannig að
ég smitaðist smá saman af öllum þessum sögum sem
bakarinn sagði mér, á hverjum degi í hálft ár, og byrjaði
að halda með félaginu.
Hvernig spáir þú gengi liðsins á tímabilinu? -Ég var
rosalega bjartsýnn fyrir tímabilið, nýr þjálfari og einn
sóknarmaður. Þetta hefur kannski ekki verið drauma-
byrjunin en ég er nokkuð bjartsýnn og geri passlega ráð
fyrir að við náum fjórða sætinu í ár. Ég er í veðmáli við
góðan vin minn Hjört Jónsson, hann fær tvo kassa af öli
ef Liverpool nær ekki fjórða sætinu, ég fæ hins vegar sex
kassa af því sama ef Man. United vinna EKKI deildina,
þannig að það sér hver heilvita maður að það verður vel
hægt að bjóða uppá einn kaldan á mínu heimili.
Ertu sáttur við stöðu liðsins í dag? -Nei, eins og maður
sagði þá er þetta búið að vera hrikalega óheppileg
byrjun og dómaraskandall leik eftir leik. En ég er viss
um að þetta fer allt að koma, verðum að gefa Brendan
Rodgers tvö ár til að byggja liðið upp.
Hefur þú einhvern tímann lent í deilum vegna aðdá-
unar þinnar á umræddu liði? -Já, finnst ég endalaust
vera í deilum við fólk sem hefur ekkert vit á fótbolta. En
ég man þegar ég var að kenna íþróttir í Árskóla. Þá hafði
ég gaman af að hrista aðeins upp í tímunum með smá
sprelli. Bjó til nokkrar reglur sem féllu drengjunum mis
vel, sem dæmi þá máttu Liverpool og Aston Villa menn
fara fyrstir inn í salinn, Man United síðastir að sjálfsögðu.
Þetta fór oft svakalega í taugarnar á drengjunum, sumir
voru reyndar klókir og skiptu um lið í íþróttatímunum,
held að Pálmi Geir hafi verið einn af þeim!
Hver er uppáhaldsleikmaðurinn fyrr og síðar? -Get
ekki nefnt neinn einn uppáhaldsleikmann fyrr og síðar,
en það eru fjórir sem alltaf hafa staðið upp úr, Eyjólfur
Sverris, Sverrir Sverris, Maradona og af sjálfsögðu Ian
Rush, þeir voru legend á þeim tíma þegar maður var á
fullu í boltanum. Ég vildi óska að við gætum fundið einn
Rushara sem gæti skorað nokkur mörk fyrir okkur.
Hefur þú farið á leik með liðinu þínu? -Nei, því miður,
en langar rosalega, er bara að bíða eftir að Róbert mágur
hringi og segist vera búinn að finna ferð, þá er ég klár.
Áttu einhvern hlut sem tengist liðinu? -Nei, ekki í
dag, en þegar Liverpool var með Carlsberg auglýsingu
á treyjunni, þá átti ég alltaf Carlsberg í ísskápnum. Eftir
að Carlsberg hætti að styrkja þá fylli ég einungis à með
Tuborg.
Hvernig gengur að ala aðra fjölskyldumeðlimi upp
í stuðningi við liðið? -Það gengur ágætlega við erum
í stórum meirihluta í fjölskyldunni sem höldum með
Liverpool. Það er aðallega Svavar bróðir sem við þurfum
að snúa í rétta átt, hann er alltaf Everton fan og ég held
meira að segja sá eini á Króknum.
Hefur þú einhvern tímann skipt um uppáhalds félag?
-Já, eins og Pálmi kom inn á, þá var ég Aston Villa
maður og er það að sumu leyti enn, þó svo Liverpool
sé orðið uppáhalds liðið. Ég er sammála Alla Munda
félaga mínum með það að því fylgja ákv. kostir að halda
með tveimur til þremur liðum, sérstaklega þegar að illa
gengur.
Uppáhalds málsháttur? -Ég geri ekki neitt fyrir neinn
sem gerir ekki neitt fyrir neinn!
Einhver góð saga úr boltanum? -Ein ágæt frá
þeim tíma er við vorum að spila á Króknum
í 3. flokki og Pálmi Sighvats að dæma.
Boltinn fór útaf í fyrsta skiptið og við
áttum innkastið. Við tökum innkastið
og Pálmi dæmdi ógilt innkast
þar sem boltinn hafði ekki réttan
snúning. Svo tóku gestirnir innkast og
aftur dæmdi Pálmi vitlaust innkast,
ekki réttur snúningur á boltanum
kallaði hann. Þannig hélt þetta áfram
og voru tekinn átján vitlaus innköst í
röð. Þetta lagaðist aðeins þegar dró á
leikinn, ekki nema annað hvert innkast dæmt ógilt. Þessi
leikur ætti að fara í sögubækurnar yfir flest misheppnuð
innköst í einum leik. Minnir að Þráinn Björnsson hafi
verið sá eini í liðinu sem gat tekið rétt innkast og varð
það hans hlutverk hér eftir að taka öll innköstinn fyrir
liðið.
Einhver góður hrekkur sem þú hefur framkvæmt
eða orðið fyrir? -Það var eitt árið sem við stofnuðum
hljómsveit fyrir uppskeruhátíðina í körfuboltanum.
Við ætluðum að frumflytja lag eftir Val Ingimundarson
„Darkness Is Your Friend“. Bandið var skipað Vali
Ingimundar gítarista og söngvara, Kára Mar gítarista og
söngvara, Ragnari Má Magnúsar gítarista og söngvara,
svo fékk ég að raula með. Þegar ég og Valur mættum á
fyrstu æfingu þá voru Raggi og Kári búnir að æfa lagið
saman á gítarnum. Þannig að við þurftum að finna
eitthvað fyrir Val til að spila á. Það var því tekið á það
ráð að fá lánaðar bongótrommur í tónlistarskólanum og
Valur settur á trommurnar. Valur var reyndar aldrei alveg
sáttur, honum fannst ekki heyrast neitt í honum. Svo kom
að stóra deginum og var ákveðið að taka lokaæfingu
enda í fyrsta skiptið sem við vorum með hljóðkerfi. Við
vorum því miður bara með tvo míkrófóna þannig að
Valur gat ekkert tjúnnað upp bongótrommurnar. Æfingin
gekk vel og allir sáttir eða það héldum við, drifum okkur
heim til gera okkur klára fyrir kvöldið, allir nema Valur
hann sagðist ætla að æfa sig aðeins lengur. Þegar
við komum svo aftur síðar um kvöldið þá var búið að
breyta allri uppsetningunni, bongótrommurnar komnar
fremst á sviðið og báðir míkrófónarnir stilltir upp við
trommurnar. Við höfðum engan tíma til að stilla upp
aftur þannig við urðum bara að taka lagið. Þetta tókst allt
vel eða það héldum við alla vegana, Valur fór á kostum
á trommunum, enda heyrðist bara í þeim og ekkert í
okkur. Við áttuðum okkur á því að þarna var maður á
ferð sem ekki var vanur að vera á hliðarlínunni!
Spurning frá Pálma Geir: Hvaða átti þessi Júdasar-
háttur að þýða að skipta um lið? Já, Pálmi mér þykir
þetta leitt, en þetta er kannski svipuð tilfinning og að
spila fyrir Tindastól allt sitt líf, skipta svo í annað lið eins
og Breiðablik, maður mun alltaf hafa tilfinningar fyrir
gamla félaginu þrátt fyrir að spila fyrir annað lið. En aldrei
að vita nema maður komi einhvern tímann til baka.
Ég verð bara að viðurkenna að ég féll algjörlega fyrir
Liverpool þegar þeir urðu meistarar í champions
league 2005 enda besti leikur fyrr og síðar.
Hvern myndir þú vilja sjá svara þessum
spurningum? -Hjört Jónsson
Hvaða spurningu viltu lauma að
viðkomandi? -Ætlar þú ekki að skipta
um lið áður en Alex Ferguson hættir.
Eða ætlar þú að horfa upp á Man
United sökkva eins Titanic. Ég veit ekki
hvað þið ætlið að gera þegar kappinn
hættir. Úff það verður ekki gaman. En
þú ert „ábyggilega“ alltaf velkominn í
klúbbinn til okkar. www.Liverpool.is
Átján vitlaus innköst í röð
Óli Barðdal Reynisson heldur með Liverpool