Feykir - 15.11.2012, Blaðsíða 10
10 Feykir 43/2012
Fjölskylduskemmtun í Félagsheimilinu á Blönduósi
Mögnuð stemning
Mögnuð stemning var í Félagsheimilinu á
Blönduósi sl. laugardag en þá var haldin
fjölskylduskemmtun til stuðnings Guðjóni
Óla Jónssyni og fjölskyldu hans en hann
veiktist alvarlega fyrr á þessu ári aðeins
nokkurra vikna gamall.
Rúmlega 500 manns mættu í félagsheimilið og
troðfylltu danssalinn og urðu margir að standa
þar sem ekki voru sæti fyrir alla í salnum. Gísli
Einarsson, Landamaður með meiru, stjórnaði
skemmtuninni en mörg tónlistaratriði voru
flutt auk þess sem Gísli stjórnaði treyjuuppboði
sem tókst með ólíkindum vel og safnaði veruleg
upphæð á uppboðinu. Þá var boðið upp á
rosalegt kökuhlaðborð þannig að enginn fór
svangur heim af góðri skemmtun.
Myndir og texti: Húnahornið
Jólabasar og opið kaffihús
á Heilbrigðisstofnuninni á Hvammstanga
Notaleg stund
á Kaffi Kandís
Þann 22. nóvember nk.
kl. 14-17, verður árlegur
jólabasar haldinn á
Heilbrigðisstofnuninni
Hvammstanga. Á sama
tíma verður kaffihúsið
„Kaffi Kandís“ opið og
verður þar boðið upp á
kaffi og smákökur og að
sjálfsögðu verður til kandís
með kaffinu.
Jólabasarinn var fyrst
haldinn árið 2006 og er þetta
því í sjötta skipti sem hann
er haldinn. Til sölu verða
ýmsar prjónavörur, trévörur,
dúkar, kerti og kertaglös
ásamt ýmsu fleiru. Frá upp-
hafi hefur basarinn verið
haldinn m.a. til að fjármagna
félagsstarfið, seldir hafa
verið munir sem voru unnir
á staðnum af heimilisfólki
og dagþjónustugestum.
Einnig voru konur, búsettar
á stofnuninni, sem unnu
mikið af prjónavörum og
fengu þá tækifæri til að selja
framleiðsluna annað hvort
fyrir sjálfa sig eða gefið
til félagsstarfsins. Einnig
prýða margir munir, sem
heimilisfólk hefur unnið,
stofnunina í dag, s.s. dúkar,
púðar, myndir og jólaskraut.
Frá upphafi hefur verið
mikill áhugi fyrir basarnum
hjá heimilisfólki og það
þykir ekki síður gaman
að hitta þá sem líta við.
Basarinn hefur venjulega
verið vel sóttur, bæði af
aðstandendum heimilisfólks
en einnig af öðrum íbúum í
sveitarfélaginu og þar hefur
verið létt yfir fólki.
Þann 28 september sl. var
bryddað upp á þeirri nýjung
að hafa opið Kaffihús og
fékk það afar góðar viðtökur,
margir gestir mættu og
áttu góða stund með heim-
ilisfólkinu og hlýddu á
harmonikkuleik . Gestir voru
beðnir um að stinga upp á
nafni á kaffihúsið og varð
nafnið „Kaffi Kandís“ síðan
fyrir valinu. Nú verður Kaffi
Kandís opið í annað sinn
og í þetta sinn munu einnig
verða einhverjar óvæntar
uppákomur.
Ágóði af basarnum
og kaffihúsinu rennur
til félagssarfsins m.a. til
að fjármagna innkaup á
efni fyrir handavinnu- og
smíðastofu. /GB
Það verður ýmislegt spennandi föndur á jólabasarnum.
Jónína Hallgrímsdóttir hefur unnið mikið af prjónavörum s.s. sjöl, trefla
og vettlinga og gefið á basarinn.
Hljómsveitin Börn og Gamalmenni fóru á kostum. Gísli Einarsson stjórnaði treyjuuppboðinu af snilld
enda ekki síður eftirsóttur bolur sjálfur.
Gestir ná sér í dýrindis bakkelsi sem var alveg á heimsmælikvarða. Dansgólfið var troðið af fólki sem vildi leggja góðu málefni lið.
Þórdís Erla, Jón Örn, Björn Ívar, Stefán Freyr og Guðjón Óli í lok skemmtunarinnar.