Feykir - 22.11.2012, Blaðsíða 5

44/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
Elísabet Sóley Stefánsdóttir tók þátt í keppninni Sterkasta kona Íslands á dögunum
Sagði verkjunum
stríð á hendur
Elísabet Sóley Stefánsdóttir, brottfluttur
Króksari, tók þátt í keppninni Sterkasta kona
Íslands eins og greint var frá í síðasta Feyki.
Stóð hún sig með stakri prýði eins og vænta
mátti en þátttaka hennar var meira afrek en
flestir gera sér grein fyrir. Elísabet lenti í
tveimur bílslysum, fyrst árið 2003 og svo
2006, fékk mikil högg bæði á bak og háls
með þeim afleiðingum að hún varð algjörlega
óvinnufær á eftir.
Elísabet segist hafa þjáðst af verkjum upp á
hvern dag og oft á tíðum óbærilega. Ofan í kaupið
greindist hún svo með vefjagigt. Í sjö ár gekk
Elísabet til sjúkraþjálfara og versnaði ástandið til
muna ef hún sleppti þjálfuninni og oft á tíðum
komst hún varla fram úr rúmi. Við svoleiðis
langvarandi verkjaástand skerðast lífsgæðin
verulega, segir Elísabet og bætir við að verkjalyfin
hafi haldið henni gangandi.
En Elísabet er komin af dugnaðarfólki og fór
þetta ástand algjörlega með hana bæði andlega og
líkamlega, eins og hún orðar það. Það að geta ekki
gert einfalda hluti án þess að fá aðstoð var henni
ekki að skapi.
Hvað gerðir þú til að laga heilsuna? „Það var í
janúar 2010 sem ég var komin með nóg.
Sjúkraþjálfarinn minn hafði ráðlagt mér að fara
að lyfta. Í fimm mánuði mætti ég til Jens Andra
einkaþjálfara, fimm daga vikunnar og svitnaði
ekki dropa. Ég var óþolinmóð og vildi fara að
hlaupa á brettinu og „gera eitthvað af viti“. Allar
hraðar hreyfingar voru þá á bannlista. Hann lagði
mikla áherslu á að lyfta þungt í stað þess að lyfta
létt og oft. Hann vissi að það myndi virka best á
gigtina. Það var svo ekki fyrir en síðasta haust sem
ég fór að mega gera það sem mér fannst af viti
þ.e.a.s. hreyfa mig hraðar og svitna aðeins.
Ég fór þá einnig til Jóns Arnars kírópraktors
og hefur það hjálpað mér mikið samhliða
lyftingunum. Í dag veit ég að það sem ég gerði
fyrsta hálfa árið var það sem vit var í, fór rosalega
hægt af stað, lyfti þungt en var aldrei lengur en 30
mín. í einu á æfingu. Það var nóg fyrir minn
líkama. Ég er sterk að upplagi og hentaði þetta
æfingarform mér því mjög vel.
Hvernig fæddist hugmyndin um að keppa í
Sterkasta kona Íslands? „Ég fór á Powerburn
námskeið síðasta vor. Gemma þjálfarinn þar
hvatti mig til að taka þátt í keppninni. En ég eyddi
þeirri umræðu alltaf. Það var svo í sumar sem ég
ræddi við Jens um keppnina. Hann ráðlagði mér
að slá til, en með þeim skilyrðum að vera undir
hans handleiðslu. Ég er með skaddað bak, það
læknast ekki – ég er einnig með vefjagigt og
síþreytu og læknast það ekki heldur. Þetta þýðir
einfaldlega það að ég þarf að vera undir hand-
leiðslu fagaðila og mun því líklegast aldrei æfa ein,
ég sé það allavega ekki gerast í dag.
Jens fylgist mjög vel með minni líkamsstöðu
og líkamsbeitingu, hann þekkir minn líkama
betur en ég. Hann sér það á göngulagi mínu ef ég
er ekki góð og þá geri ég æfingar samkvæmt því.“
Elísabet segist gera sér grein fyrir því að hún
muni aldrei ná fullri heilsu, en með því að æfa á
hverjum degi og hugsa um hvað hún borðar segist
hún ná að halda niðri gigtar- og bakverkjum. „Um
leið og ég slæ slöku við koma verkirnir og það á
miklum hraða. Það er því mikill léttir að vera laus
við verkjalyfin, en ég viðurkenni það að ég á mína
slæmu daga, daga sem ég er verkjuð og þarf að
taka verkjalyf. Þeir dagar eru mjög fáir og er staðan
mín mun betri nú en fyrir einu og hálfu ári síðan.
Þetta kostar bara mikla vinnu en er margfalt þess
virði,“ segir Elísabet Sóley að lokum. /PF
Tindastóll í undanúrslitin í Lengjubikarnum
Mæta Þór Þorlákshöfn
Stjarnan í Garðabæ fékk lið
Tindastóls í heimsókn sl.
mánudag í síðasta leiknum í
riðlakeppni Lengjubikarsins.
Fyrir leik var ljóst að Stjarnan
þurfti að sigra leikinn með 16
stiga mun til að skjótast upp
fyrir Stólana í riðlinum til að
tryggja sér sæti í undan-
úrslitum keppninnar.
Það hafðist ekki, mestur varð
munurinn 13 stig þegar skammt
var til leiksloka en Stólarnir
börðust af krafti og fór svo að
lokum að Stjarnan hafði 12 stiga
sigur, 98-86, og Tindastóll því í
undanúrslitum Lengjubikarsins
sem fara fram í Stykkishólmi nk.
föstudagskvöld – ef veður leyfir.
Þar mæta strákarnir í liði Þórs
frá Þorlákshöfn en í hinum
leiknum mætast Snæfell og
Grindavík. Úrslitaleikurinn fer
síðan fram á laugardeginum.
Allir leikirnir verða sýndir beint á
Sport TV. /ÓAB
Alþjóðleg hundasýning HRFÍ
Skagfirskir hundar
stóðu sig vel
Helgina 17. – 18. nóvember
sl. mættu vel á áttunda
hundrað hreinræktaðir
hundar af 80 hundategund-
um í dóm á alþjóðlega
hundasýningu Hundaræktar-
félags Íslands sem haldin var
í Klettagörðum í Reykjavík. Á
heimasíðu HRFÍ segir að
megintilgangur hundasýninga
sé að meta hundana út frá
ræktunarmarkmiði hvers kyns
og leiðbeina ræktendum
þannig í starfi sínu.
Skagfirðingar fylktu liði og
mættu með sína hunda og stóðu
sig með stakri prýði. Hundurinn
Logi var besti briad hvolpur og
annar besti hvolpur sýningar 4-6
mánaða eigandi Sveinn Allan
Morthens.
Lukka var önnur besta briard
tík í hvolpaflokki 4-6 mánaða
eigandi Ólína Valdís Rúnars-
dóttir.
Hugða border collie fékk
excellent og meistara efni en hún
var önnur besta tík í unghunda-
flokki og fjórða besta border
collie tík, Aría Scheffer fékk
excellent sem að er mjög góð
einkunn og Týr ástralskur fjár-
hundur fékk excellent og var
besti rakki í unghundaflokki eig-
endur þeirra eru Hannes Brynjar
Sigurgeirsson og Ástríður
Magnúsdóttir.
Þyrla sem er af whippet kyni
var sýnd í hvolpa flokki 6-9
mánaða og var í 5. sæti þar af
tíkunum. Eigandi hennar er
Hallfríður Sigurbjörg Óladóttir.
Skrudda sem er íslenskur
fjárhundur fékk mjög flottar
umsagnir og meistaraefni hún
var sýnd í ungliðaflokki tíkur.
Eigandi hennar er Arnþrúður
Heimisdóttir.
Bjarkar Rökkvi border terrier
fékk excellent og heiðursverð-
laun en hann varð í 1. sæti í
hvolpaflokki 6-9 mánaða rakka.
Eigandi og ræktandi er Anna
Björk Arnardóttir. Þess má til
gamans geta að systir hans
Bjarkar Reyndís/Gjóska sem
einnig er úr Bjarkar ræktun varð
besti hvolpur sýningar 6-9
mánaða á sunnudeginum. Sýndir
voru sex rough collie hundar og
var Guðríður Magnús-dóttir
með fjóra þeirra. Allir colliearnir
fengu góðar umsagnir hjá sænska
dómaranum Natalja Nekrosiene.
Í meistaraflokki rakka voru
sýndir íslensku meistararnir
Steadwyn Nobel Tuxedo og
Stedwyn Frosted Mirror báðir
innfluttir frá Svíþjóð og í opnum
flokki tíkur var sýnd Nætur Hít
sem vantar eitt stig í íslenska
meistaratitilinn.
Í unghundaflokki var sýndur
Nætur Jarl sem fékk sitt fyrsta
íslenska meistarastig og Alþjóð-
legt meistarastig ásamt því að vera
besti hundur tegundar og kom-
ast í úrslit í tegundarhópi. /PF
Elísabet Sóley jafnhattar 50 kg lóðum í keppni um sterkustu konu Íslands. Mynd: Ólöf Sigríður.