Feykir - 22.11.2012, Blaðsíða 6

6 Feykir 44/2012
umgangast hunda, hvort sem
þeir eru ókunnugir eða hundar
inni á heimilum.
-Börn vaða í ókunnuga
hunda sem er hættulegt. Það
þarf að brýna fyrir þeim að
fyrst þarf að fá leyfi til að klappa
hundunum, svo skal leyfa þeim
að þefa af viðkomandi og þá er
óhætt að klappa.
Að sögn Kristrúnar Inga-
dóttur þeirrar þriðju í hópnum,
og eigenda Aþenu af siberian
husky kyni, tóku krakkarnir
heimsókninni vel og voru
mjög áhugasamir og forvitnir
um hundana. -Þeir voru ekki
margir sem viðurkenndu að
vera hræddir, en þegar við
sögðum að það væri allt í lagi
að vera hræddur þá kom ein
og ein hendi upp. Þetta tókst
mjög vel og allir ánægðir og
krakkarnir höfðu margar
sögur að segja og þurftu mikið
að spyrja.
Aðspurðar hvernig það
hafi komið til að þær fóru
með hundana í skólana segja
þær að á Íslandi sé búið að
vera átak í þessa veru og
Hundaræktarfélag Íslands hafi
látið útbúa fræðslubæklinga
um hvernig börn ættu að
umgangast hunda. Krakkarnir
fengu þennan bækling með
sér heim og þær vilja hvetja
foreldra til að lesa hann með
börnunum. Þetta hafi verið
gert m.a. fyrir sunnan og þeim
fannst þörf á þessu hér fyrir
norðan líka.
-Við leituðum til Herdísar
Sæmundardóttur fræðslufull-
trúa hjá sveitarfélaginu og
fengum hana í lið með okkur.
Hún spurðist fyrir um það
hvort áhugi væri í leik- og
grunnskólunum í Skagafirði
að fá okkur og kanna hvort
einhver væri með ofnæmi eða
annað í þeim dúr. Það var alls
staðar vel tekið í þetta, segir
Anna Björk.
-Svo skiptir líka miklu máli
að vera með hunda sem hægt
er að treysta og þola þetta álag
að eyða heilum kennsludegi
í skólanum. Við erum með
hunda sem eru vanir börnum
og hægt er að klappa og kjassa,
segir Ástríður.
Nú þegar hafa þær stöllur
farið með hundana sína í
leikskólann í Varmahlíð og í
1.-3. bekk í Árskóla á Sauðár-
króki. Eftir áramót verður farið
í leikskólann Ársali á eldra stig
og í leik- og grunnskólann
austan Vatna.
Mikil fjölgun hunda hefur
orðið síðustu ár. Hvaða
skýring gæti verið á auknum
vinsældum þeirra?
Ástríður segir að fjölgunin
sé víða og margir sem fá sér
hunda. -Ég heyrði að eftir
að kreppan skall á að þá hafi
hundaeign aukist mikið. Fólk
væri ekki eins mikið að fara í
ferðalög og hefði meiri tíma.
En ég veit ekki hvort það sé
rétt en þetta gæti verið ein
skýringin. En það er mjög
gefandi að eiga hund. Þetta eru
miklir gleðigjafar og það skiptir
miklu máli að hafa hund sem
er vel upp alinn. Ástríður segir
að vilji maður eignast hund
séu margir möguleikar í boði
en ef fólk vill vita hvað er á bak
við hundinn, ættartölu o.þ.h.
þá mælir hún með að fá sér
hund úr Hundaræktarfélagi
Íslands, þar sem allt er skráð.
-Þá veistu allar ættir og
heilbrigði á bak við hvern og
einn hund. Sumar tegundir
þurfa að fara í mjaðma- eða
olnbogamyndatöku, augn-
eða hjartaskoðun, til að ganga
úr skugga um að hundarnir
sem ræktað er undan séu
fullkomlega heilbrigðir.
Anna Björk tekur undir það
og segir að þar sé líka hægt að
velja einstakar tegundir. -Þá
veistu á hverju þú getur átt
von. Ef að þú ert róleg týpa þá
hentar ein hundategund betur
fyrir þig en önnur. Ástríður
bætir við að margt sé hægt
að gera með hund sem er
ættbókarfærður. -Þú getur t.d.
farið með hann á sýningar
og það er félagsskapur hérna
á Króknum sem hittist
reglulega og fara í göngutúra
saman og æfa sig fyrir
sýningar og þjálfa hundana.
Þetta er áhugamannafélag
en með hunda skráða í
Hundaræktarfélagið. Við reyn-
um að vera til fyrirmyndar og
hvetjum aðra til þess sama.
Vera með hundana sína í bandi
og taka upp eftir þá o.þ.h.
Misskilningur að
husky hundar séu
grimmir
Sagðar hafa verið fréttir af
hundum af husky kyni á
Íslandi sem hafa ráðist á og
drepið ketti og jafnvel hænur.
Vilja einhverjir meina að þeir
geti verið einnig hættulegir
börnum en það segir Kristrún
vera misskilning. –Þeir eru í
eðli sínu mjög barngóðir og ég
finn engan veginn þá grimmd
sem talað hefur verið um í
mínum hundi. Það er mín
skoðun að það sé ekki hægt
að segja að husky hundar séu
VIÐTAL Páll Friðriksson
Hundar hafa lengi fylgt manninum og verið taldir bestir
vinir hans enda til margs nýtilegir. Enginn smali á Íslandi var
svo aumur að hafa ekki góðan hund sér til aðstoðar enda
ærinn starfi að gæta fjárins. Þá var gott að geta beitt góðum
smalahundi til að spara sporin upp um hlíðar og móa.
Hundar eru
miklir gleðigjafar
Mörg hundakyn eru til í
heiminum sem hafa verið
ræktuð til hinna ýmsu starfa
fyrir manninn og er af nógu
að taka. Á okkar dögum
virðast hundarnir hafa minna
að gera við það sem þeir
upphaflega voru ræktaðir til
þó á því séu undantekningar
en aftur á móti hefur orðið
aukning í hundaeign á Íslandi
og fjölbreytnin mikil. Þrjár
„hundakonur“ á Sauðárkróki
fóru í yngstu bekki Árskóla
með þrjá hunda og fræddu
nemendur heilmikið í hunda-
fræðunum og fékk Feykir smá
fræðslu líka.
-Við vorum að kynna
fyrir börnunum hvernig á að
umgangast hunda og hvað það
þýðir að eiga hunda og hvað
það kostar, segir Anna Björk
Arnardóttir eigandi Kolbrár
sem er terrier og bætir við að
það þarf að skrá þá og það þarf
að hugsa um þá í 10 – 15 ár og
jafnvel lengur. Einnig þarf að
fara með þá út og hreyfa og
ekki má gleyma að taka upp
eftir þá.
Ástríður Magnúsdóttir eig-
andi Hugðu af border collie
kyni tekur undir þetta og
segir fræðsluna hafa aðallega
gengið út á það hvernig eigi að
Anna Björk, Ástríður og Kristrún heimsækja skóla
ásamt hundunum sínum
Besti vinur mannsins heimsótti nemendur Árskóla á dögunum.