Feykir - 21.03.2013, Síða 4

4 Feykir 11/2013
PÓLITÍK ÁRNI MÚLI JÓNASSON SKRIFAR
Byggðastefna, grunnþjónusta og auðlindagjald
Er ekki bráðnauðsynlegt að
við förum nú í að skýra vel
hvað við eigum við þegar við
tölum um grunnþjónustu við
landsmenn? Og reynum svo
til þrautar að ná sátt um
hvernig við tryggjum okkur
öllum, hvar sem við búum í
landinu, þá þjónustu á
jafnræðisgrundvelli; sömu
þjónustu fyrir sama gjald.
Þar þyrftum við klárlega að
ræða um orku, fjarskipti og
gagnaflutninga, samgöngur,
grunnmenntun, heilsugæslu,
félagsþjónustu, löggæslu og
örugglega eitthvað fleira. Og
þegar við hefðum komið okkur
saman um hvað teldist vera
grunnþjónusta þyrftum við að
gera saman tímasettar áætlanir
um framkvæmdir og úrbætur
og forgangsröðun og standa svo
við þetta allt þó að stjórnarskipti
verði í landinu annað slagið
eins og gengur og gerist og á að
gerast í lýðræðissamfélagi. Er
þetta ekki mögulegt? Væri þetta
ekki í þágu okkar fólksins í
landinu?
Og hvernig á svo að borga
þetta? Mér finnst það vera
mikið réttlætismál að fólk sem
býr þar sem auðlindirnar, eins
og fiskistofnarnir hafa mest
verið veiddir og verkaðir á
liðnum áratugum og öldum og
hefur tileinkað sér þá verk-
kunnáttu og stofnað fjölskyldur
og keypt hús og alið upp börn í
þeirri trú og von að það gæti
byggt tilveru sína áfram á þeirri
vinnu og verkþekkingu fái hér
notið auðlindagjaldsins. Ekki
til að viðhalda óbreyttu ástandi
heldur til að fá sömu grunn-
þjónustu og aðrir landsmenn
og til að styrkja byggðarlög sín
og skjóta fleiri stoðum undir
atvinnu og efnahag þar.
Auðlindagjald verður þá ekki
neinn „landsbyggðarskattur“
eins og sumum pólitíkusum
finnst svo gaman að klifa á. En
það þarf að hafa kjark, hug-
myndir og framsýni til að leita
nýrra leiða og tækifæra því að
það er engan veginn víst að
fiskunum í sjónum muni fjölga
mikið og það er langlíklegast að
tæknin muni enn fækka
atvinnutækifærum í sjávar-
útvegi.
Jafnræði hvað varðar aðgang
að og verð fyrir grunnþjónustu
(eins og við komum okkur
vonandi saman um að skil-
greina hana) er ekki bara mikið
hagsmuna- og réttlætismál
hvað varðar búsetu fólks og
efnahag. Það leiðir einnig til
þess að fólk getur nýtt ýmsa
möguleika í nærumhverfi sínu
betur. Atvinnulífið verður þar
með fjölbreyttara og sam-
keppnisstaðan heilbrigðari og
byggðarlög sem nú standa
höllum fæti eflast og verða
miklu frekar sjálfbær. Heild-
stæð byggðastefna til langs tíma
á grundvelli jafnræðis og sáttar
kæmi í veg mjög mikla sóun.
Þetta er því mikið og sam-
eiginlegt hagsmuna- og rétt-
lætismál okkar allra, hvort sem
við búum í Garðabæ eða
Grundarfirði.
Árni Múli Jónasson,
efsti maður á lista Bjartrar
framtíðar í NV-kjördæmi
Daníel Kristjánsson sjómaður er
brottfluttur Króksari en býr núna í
Hafnarfirði. Hann er eldheitur
stuðningsmaður Liverpool eins og
svarið sýnir þegar hann er spurður
út í það hvert uppáhaldsliðið
hans sé.
-Það þarf ekkert að spyrja af hverju.
Liðið mitt er að sjálfsögðu Liverpool og
ástæðan er einföld, þetta lið hefur unnið
allar keppnir nánast sem hægt er að
vinna
Hvernig spáir þú gengi liðsins á
tímabilinu? -Líst frekar illa stöðuna eins
og hún er núna en þetta er bara tímabil
sem gengur yfir og verðum við komnir á
toppinn aftur innan tíðar.
Ertu sáttur við stöðu liðsins í dag?
-Eins og fyrr segir þá er þetta ekkert
sérstök staða sem mínir menn eru í í dag
en bíðið bara, hef mikla trú á BR og
finnst liðið vera að spila skemmtilegan
bolta, og sjáið hvað gerist á næstu 2-3
árum.
Hefur þú einhvern tímann lent í
deilum vegna aðdáunar þinnar á
umræddu liði? -Oft og iðulega og oft
hef ég þurft að deila við félaga minn
Hjört. Hann er frekar nettur í þessu og
fer nú iðulega með rangt mál í sambandi
við fótbolta. Skemmtilegast er að hringja
í kallinn eftir tapleik á móti Liverpool,
þá er ekki svo mikið sem brosað eða
hlegið hinu megin á línunni. Stundum
svarar hann ekki einu sinni síma eftir
tapleik.
Hver er uppáhaldsleikmaðurinn fyrr
og síðar? -Fowlerinn hann var og er
stórkostlegur leikmaður og verður alltaf
í uppáhaldi hjá mér.
Hefur þú farið á leik með liðinu þínu?
-Hverslags spurning er þetta eiginlega,
halda menn að maður geti bara farið á
leik sisvona? Ég er sjómaður og fer
sjaldan erlendis og í þau skipti sem ég fer
þarf konan alltaf að drattast með mér og
þið vitið hvað það þýðir ekki satt? Þá
þarf að fara að versla eitthvað á börnin
og á sjálfan sig og enginn tími til að fara
á leik enda í flestum tilfellum velur frúin
önnur lönd en England til að heimsækja
svo ég verði eitthvað með henni.
Áttu einhvern hlut sem tengist liðinu?
-Já, ég á nokkra hluti en hjarta mitt er
Mér leið eins og ég hefði
orðið heimsmeistari
Daníel Kristjánsson heldur með Liverpool
LIÐIÐ MITT
UMSJÓN palli@feykir.is
það sem tengist liðinu einna helst, ég
gæfi hjartað í mér til að bjarga liðinu ef
út í það færi. En það er nú víst ekki þörf
á því.
Hvernig gengur að ala aðra
fjölskyldumeðlimi upp í stuðningi við
liðið? -Strákurinn minn hlýðir að
sjálfsögðu og fetar í sömu spor og
pabbinn, hann er mikið í fótbolta og
setur stefnuna á að spila með Liverpool
þegar hann verður eldri, en stelpan og
frúin skipta sér lítið af fótbolta.
Hefur þú einhvern tímann skipt um
uppáhalds félag? -Nei það mun seint
eða aldrei gerast, Liverpool er og verður
ávallt mitt uppáhalds.
Uppáhalds málsháttur? -Þeir eru
nokkrir en þar sem ég er sjómaður þykir
mér þessir góðir.
Aldrei er góðum liðsmanni ofaukið og
Allir renna blint í sjóinn
Einhver góð saga úr boltanum? -Vil
helst ekki tala um það en einu sinni
þegar ég var að æfa á Króknum fórum
við inn á Akureyri að keppa við KA á
Norðurlandsmótinu. Við strákarnir
tókum þessu frekar létt og var þjálfarinn
ekkert sérstaklega ánægður með okkur
en við gerðum ýmislegt af okkur. Við
töpuðum aðeins með 17 mörkum eða
18-1 og var spilað á Akureyrarvellinum
þessum flotta velli. Markið sem við
skoruðum var samt eitt það skemmti-
legasta sem ég skoraði á ferlinum.
Hornspyrna sem við áttum vinstra
megin og það var smá vindur frá suðri
sem blés... ég stillti boltanum upp og tók
hornspyrnuna en tók hana á innan-
verðum skónum og náði knettinum hátt
í loft með snúning og setti hann bara
beint í netið í fjærhorninu. Fögnuður-
inn var slíkur hjá okkar mönnum og
mér að við ætluðum aldrei að hætta
fagninu, mér leið einsog ég hefði orðið
heimsmeistari.
Einhver góður hrekkur sem þú hefur
framkvæmt eða orðið fyrir?
-Ójá, ég gerði einum skipsfélaga mínum
honum Halla Fribb hrikalegan hrekk á
60 ára afmælinu hans fyrir nokkrum
árum. Við vorum á Eskifirði og hann var
á rúntinum í bænum. Á meðan hann
var að rúnta læddist ég og mágkona mín
heim til hans. Hún var íklædd
ógeðslegum búning úr bíómyndinni
Scary movie. Hún stillti sér upp með
leikfangahníf og stóð við eldhúsdyrnar.
Svo þegar Halli greyið kemur inn réðist
hún á hann og fékk kappinn næstum því
hjartaáfall, lagðist í gólfið og lamaðist
hann gjörsamlega úr hræðslu og þetta
tók ég upp á video. Þetta var það fyndið
að þetta myndband bar sigur úr bítum í
fyndnum fjölskyldumyndum sem
sýndur var á Skjá einum það árið.
Spurning frá Hirti Jónssyni - Er þetta
ekki orðið frekar vandræðalegt hversu
lengi það ætlar að taka Liverpool að
komast í aðstöðu til að keppa við þá
stóru aftur? Og þarf Liverpool ekki að
fá betri ráðgjöf í sambandi við leik-
mannakaup? -Hjörtur ég tek ekki þátt í
svona vitleysu, keppa aftur við stóru
strákana? Hvað áttu við eiginlega?
Liverpool er það lið sem flesta bikara
hefur unnið í enska boltanum þó þeir
hafi ekki unnið bikarinn síðustu 20 árin
eða svo. Þeir þurfa bara smátíma til að
koma sér „on track“ aftur. Mikið hefur
verið um leikmannaskipti og leik-
mannakaup sem hafa tekist misvel en
þetta kemur allt með kalda vatninu á
næstu árum.
Hvern myndir þú vilja sjá svara
þessum spurningum? -Helgu Einars-
dóttur.
Hvaða spurningu viltu lauma að við-
komandi? Varstu að skrá þig í keppnina
um ungfrú Ísland árið 2013?