Feykir - 07.11.2013, Blaðsíða 9
42/2013 Feykir 9
Allt frá því að Sveitarfélagið
Skagafjörður varð til þann 6.
júní 1998 þegar ellefu
sveitarfélög sýslunnar
sameinuðust undir einn hatt
hefur mikið vatn runnið til
sjávar. Fjármál og
framkvæmdir hafa jafnan
verið hitamál íbúanna og sitt
sýnist hverjum í þeim efnum.
Feykir forvitnaðist hjá
sveitarfélaginu hvernig
fjármunum hefur verið varið í
stórum dráttum á árunum
2004 til 2012.
Í upphafi er forvitnilegt að rifja
upp hver þessi sveitarfélög voru
sem ákváðu í kosningum þann
15. nóvember árið fyrir sam-
einingu, að leggja saman krafta
sína og hver íbúafjöldinn var
þá samkvæmt Hagstofu
Íslands.
Í upphafi ársins 1998 var
íbúafjöldi í fyrrum hreppum í
Svf. Skagafirði sem hér segir:
Sauðárkrókur ............. 2.674
Hofshreppur ............... 363
Seyluhreppur .............. 302
Lýtingsstaðahreppur ... 279
Hólahreppur ............... 152
Fljótahreppur .............. 116
Staðarhreppur ............ 122
Skarðshreppur ........... 101
Rípurhreppur .............. 86
Viðvíkurhreppur .......... 77
Skefilsstaðahreppur ... 45
Þetta eru nokkuð fleiri íbúar en
Framkvæmdir hjá Sveitarfélaginu Skagafirði
Skólamálin fjárfrekust
Miklar framkvæmdir áttu sér stað við smábátahöfnina á Sauðárkróki á liðnu ári.
eru skráðir í dag eða 4317 á
móti 4010 manns sem taldir
voru um síðustu áramót í
sameinuðu sveitarfélagi samkv.
mannfjöldaskrá Hagstofunnar.
Á tímabilinu frá 2004 til
2012 hefur verið framkvæmt
fyrir tæplega tvo og hálfan
milljarð króna hjá sveitar-
félaginu og að auki verið unnið
mikið í viðhaldi mannvirkja á
þessu árabili, svo nemur
hundruðum milljóna, sam-
kvæmt upplýsingum frá
sveitarfélaginu. Stærsti mála-
flokkurinn með fjárfrekustu
framkvæmdirnar eru skólarnir
en alls fóru 871.373.916 kr. í
hann og er leikskólinn Ársalir á
Sauðárkróki þar fjárfrekastur,
enda um nýbyggingu að ræða.
Í hann fóru tæpar 523 m.kr.,
Árskóli kemur þar á eftir með
rúmar 234 m.kr., verknámshús
FNV með rúmar 86 m.kr.,
Grunnskólinn á Hofsósi með
rúmar 15 m.kr., Sólgarðaskóli
tæpar 3 m.kr. og leikskólinn
Birkilundur með tæpar 400
þús. kr.
Kostnaður vegna hitaveitu-
framkvæmda kemur þar á eftir,
alls rúmar 665 m.kr. og munar
þar mestu um hitaveitufram-
kvæmdir á Hofsósi eða tæpar
274 m.kr. Í Varmahlíð var
rúmlega 63 m.kr. varið í hita-
veituframkvæmdir, á Hólum
og Akrahreppi rúml. 40 m.kr, á
hvorum stað, á Steinsstöðum
tæpum 34 m.kr., á Sauðárkróki
rúml. 33 m.kr. og tæpum 20
m.kr. í Fljótum.
Götu- og gangstéttafram-
kvæmdir auk annarra um-
hverfismála hafa krafist rúml.
272 m.kr. Þar hefur Krókurinn
verið dýrastur eða alls rúml.
257 m.kr., Varmahlíð með
tæpl. 10 m.kr. og Hofsós rúml.
6 m.kr.
Í menningarmálin fóru
tæpar 214 m.kr. og er
Menningarhúsið Miðgarður
þar langfjárfrekast enda
gríðarleg uppbygging sem þar
átti sér stað en alls fóru tæpl.
157 m.kr. í hana. Þá fóru rúml.
47 m.kr. í Hús frítímans og 10
m.kr. í Safnahús Skagfirðinga.
Fráveituframkvæmdir eru
oft taldar ósýnilegar þar sem
þær eru flestar ef ekki allar
neðanjarðar en í þær fóru alls
tæpar 122 m.kr., tæpar 96 m.kr.
á Sauðárkróki, rúml. 17 m.kr. í
Varmahlíð og rúml. 9 m.kr. á
Hofsósi.
Í hafnarframkvæmdir fóru
alls rúml. 111 m.kr., tæpar 100
m.kr. á Sauðárkróki, rúml. 11
m.kr. á Hofsósi og tæp hálf
milljón í Fljótum.
Íþróttamálin eru einnig
fjárfrek en að flestra mati
nauðsynleg ekki síður en önnur
en í þann málaflokk fóru tæpl.
87 m.kr. á tímabilinu. Þar fékk
sundlaugin á Hofsósi hæsta
framlagið eða tæpar 41 m.kr.,
íþróttahúsið á Skr. tæpar 20 m.
kr., skíðasvæðið í Tindastóli 18
m.kr., sparkvöllur í Varmahlíð
tæpar 5 m.kr. og sparkvöllurinn
á Hofsósi rúml. 2,8 mkr.
Í þann flokk sem kannski
mætti kalla ferðamál fóru alls
rúml. 60 m.kr. og var hæsti
kostnaðarliðurinn vegna
Glaumbæjar en þangað runnu
tæpl. 21 m.kr. Tjaldsvæðahús
kostuðu sveitarfélagið rúmar
18 m.kr., útivistarsvæði í
Varmahlíð tæpar 13 m.kr.,
orlofshúsalóðir rúmar 4 m.kr.
og tjaldsvæði á Nöfum rúmar 2
m.kr. Þá var byggð ný og
glæsileg rétt í Deildardal og
kostaði hún rúml. 12 m.kr.
Þessi upptalning sem hér
hefur verið sett á blað er
eingöngu ætluð til að vekja
athygli á þeim fjölbreyttu
framkvæmdum sem fram fara
á vegum sveitarfélagsins og
gefa fólki einhverja hugmynd
um hvað þær geta kostað.
/PF
Frá Safnadeginum í sumar en Glaumbær dregur til sín fjölda ferðamanna ár hvert og ýmsir
viðburðir fara þar fram. Mynd: Byggðasafn Skagfirðinga.
Kvennakórinn Sóldís á sviðinu í Miðgarði en miklar endurbætur urðu á því húsi og í
kjölfarið varð það Menningarhús Skagfirðinga.
Í sumar og fram á haust stóðu yfir miklar viðhaldsaðgerðir á félagsheimilinu Höfðaborg á Hofsósi.
Deildardalsrétt er mikið og gott mannvirki en hún var byggð fyrir fáum árum síðan.