Landshagir - 01.12.2015, Page 351

349
Hagstofa Íslands hóf samantekt hagtalna
um sjávarútveg árið 1999, bæði árstölur og
mánaðartölur, en áður hafði sú vinna verið
á hendi Fiskifélags Íslands og Fiskistofu.
Vigtarskýrslur
Vigtarskýrslur geyma upplýsingar um
aflakaup. Þar koma fram upplýsingar
um fisktegund, stærðarflokkun, gæða-
flokkun, magn og verð, svo og upplýsingar
um kaupandann. Ein skýrsla er gerð fyrir
hvert skip sem keypt er af og nær skýrslan
í flestum tilvikum yfir mánaðarviðskipti
fiskkaupanda, tilgreind eftir dögum.
Fiskkaupandi útbýr vigtarskýrsluna og
sendir Fiskistofu sem sér um skráningu
hennar.
Ráðstöfunarskýrslur
Ráðstöfunarskýrslur sýna afla sem er til
ráðstöfunar hvern mánuð og hvernig
honum er ráðstafað. Afli til ráðstöfunar
felst í birgðum í upphafi tímabils ásamt
fiskkaupum samkvæmt vigtarskýrslum.
Hann er annað hvort seldur unninn
eða óunninn. Aflamagn til ráðstöfunar
þarf þess vegna að vera jafnt því afla-
magni sem verkað er eða selt óunnið.
Ráðstöfunarskýrsla sýnir hvernig aflinn er
verkaður. Hins vegar er ekki hægt að sjá í
ráðstöfunarskýrslum hvaða afurðir verða
til hjá framleiðanda.
Í stuttu máli veita vigtarskýrslur
upplýsingar um allan afla upp úr sjó, en
ráðstöfunarskýrslur segja til um vinnsluað-
ferð hans.
Fiskafli dróst saman um 21% milli ára
Heildarafli íslenskra skipa árið 2014 nam
tæpum 1.077 þúsund tonnum og var 21%
eða 286 þúsund tonnum minni en árið
2013, en þá var hann rúm 1.363 þúsund
tonn. Afli botnfisks dróst saman um 6,7%
á milli ára, þrátt fyrir aukningu um 0,7% í
þorskafla á meðan afli annarra botnfisk-
tegunda dróst saman. Ýsuafli dróst saman
um 21,2%, ufsaafli um 19,8%, karfaafli um
4,6% og úthafskarfi um 71,1%. Skel- og
krabbadýraafli dróst saman um 22,3% og
munar þar mest um tæplega 3,3 þúsund
tonnum minni rækjuafla. Humarafli jókst
um 241 tonn eða 14% frá árinu 2013.
Í heildarafla uppsjávarfisktegunda varð
samdráttur um tæplega 370 þúsund tonn,
sem er 37,2% minnkun miðað við árið 2013.
17SjávarútvegurFisheries
Djúpivogur
© Sigurður Bogi Sævarsson