Sveitarstjórnarmál - 01.02.2016, Síða 10

10
leið tefla einhverju fram í staðinn nema inni-
haldslausum frösum eða umræðu um eitt-
hvað annað. Það væri mikið ábyrgðarleysi af
Alþingi að styðja ekki þessi mál, þótt laga
þurfi atriði sem snúa að framkvæmdinni í
meðförum þingins.“

Fjölbreytni atvinnulífsins vex
„Þegar maður horfir yfir atvinnulífið þá er
sambærilega sögu að segja. Fjölbreytnin er
að aukast en á fyrstu árum þessarar aldar var
eins og bankarnir soguðu allt til sín – bæði
fjármuni og starfsfólk. En eftir að þeir féllu
varð flestum ljóst að auka yrði fjölbreytnina.“
Hann segir að Reykjavíkurborg hafi eink-
um „sett fókusinn“ á ferðaþjónustu og þá
sérstaklega utan háannatíma – „það er að
segja vetrartímann og vor og haust. Sá vöxtur
hefur gengið eftir og er orðinn mun meiri en
nokkur bjóst við þegar farið var af stað. Við
höfum einnig verið að leggja mikla áherslu á
þekkingariðnað og skapandi greinar og
maður sér fyrirtækin í þeim geira vaxa og
dafna.“
Skuldir borgarinnar eru að lækka
- Talið berst að fjárhagsstöðu borgarinnar
sem nokkuð hefur verið gagnrýnd. Er hún
jafn slæm og stundum má skilja af þeirri
umræðu sem fer fram?
Dagur segir nýgerða kjarasamninga helstu
skýringuna á fjárhagsstöðunni. „Tekjurnar
voru ekki að fylgja þeim auknu útgjöld-
um sem samningarnir leiddu til, hvorki hjá
Reykjavíkurborg eða öðrum sveitarfélögum.
Við höfum hins vegar sett af stað vinnu á
vettvangi borgarinnar til þess að takast hratt
og skipulega á við þennan vanda. Það er
nokkuð sem verður að gera en stóra myndin
er engu að síður sú að við erum að sjá skuld-
ir samstæðunnar lækka um tugi milljarða á
undanförnum árum.“
Hann segir að þetta verkefni verði unnið
með sambærilegum hætti, „og ég er ekki
viss um að allir verði mikið varir við það
nema ef til vill í umræðunni en sú hagræðing
sem við verðum að ná er alveg innan þeirra
marka sem við og stjórnendur í okkar vald-
dreifða borgarkerfi treystum okkur til.“
Gistináttagjaldið er eðlilegt
Dagur segir að starfsfólk borgarinnar hafi
staðið sig mjög vel í slíkum verkefnum við
erfiðar aðstæður á undanförnum árum. Hins
vegar blasi við öllum sveitarfélögum, og
ekki síst þeim á höfuðborgarsvæðinu, sú
staðreynd að endurskoða verði tekjuskipt-
ingu ríkis og sveitarfélaga. Dagur segir að
ríkið hafi skammtað naumt úr hnefa þegar
verkefni hafa verið flutt frá ríki til sveitarfé-
laga.
„Við fengum nokkra leiðréttingu í mál-
efnum fatlaðs fólks fyrir síðustu jól sem
munar um, en það er miklu fleira sem huga
þarf að. Af því að við vorum að nefna vöxt-
inn í ferðaþjónustunni er mjög áberandi að
hve miklu leyti skatttekjur af þeirri atvinnu-
grein renna beint í ríkissjóð. Þar er ég að tala
um veltutengdu skattana – einkum virðis-
aukaskattinn. Þessir fjármunir verða eftir hjá
ríkinu á meðan sveitarfélögin þurfa að taka
aukin útgjöld á sig. Við höfum tekið þetta
upp og viljum ræða það og breyta þessari
skiptingu.“
Reykjavíkurborg
Borgarstjóri tilnefnir árlega styrkþega Minningarsjóðs Gunnars Thoroddsen. Á dögunum hlaut skákfélagið Hrókurinn styrk upp á 350 þúsund krónur. Hrafn Jökulsson,
stofnandi og formaður Hróksins tók við styrknum úr hendi borgarstjóra. Minningarsjóðurinn var stofnaður af hjónunum Bentu og Valgarði Briem 29. desember 1985
þegar liðin voru 75 ár frá fæðingu Gunnars. Valgarð og Benta eru með þeim á myndinni.