Sveitarstjórnarmál - 01.02.2016, Qupperneq 12

12
Pétur­G.­Markan­ tók­við­ starfi­ sveitar-stjóra­ Súðavíkurhrepps­ að­ loknum­
síðustu­ sveitarstjórnarkosningum.­ Pétur­
er­borgarbarn­en­ákvað­að­yfirgefa­höf-
uðborgina,­ alla­ vega­ um­ stund,­ og­ hélt­
vestur­ á­ firði­ að­ stýra­ fámennu­ sveitar-
félagi.­ Þegar­ Sveitarstjórnarmál­ slógu­ á­
þráðinn­til­Péturs­var­hann­á­ leið­að­ líta­
til­Rögnu­á­Laugabóli­–­einnar­þekktustu­
konu­Vestfjarða­og­þótt­víðar­væri­leitað.­
Hún­er­í­fullu­fjöri­á­tíræðisaldri.­„Ragna­
er­ einhver­ merkilegasta­ manneskja­ sem­
ég­hef­hitt,“­ sagði­Pétur­ í­ símann.­Hann­
skrapp­líka­til­höfuðborgarinnar­þar­sem­
tekið­ var­ betra­ tal­ við­ hann­ á­ kaffihúsi.­
En­ hvað­ kom­ til­ að­ hann­ fór­ að­ hafa­
afskipti­ af­ stjórnmálum­ og­ síðar­ sveitar-
stjórnarmálum?
„Ég er uppalið stjórnmálabarn, sem var
vaggað í svefn á kvöldin við hina ýmsu verka-
lýðssöngva og hef verið virkur í stjórnmálum
og félagsmálum allar götur síðan. Allt frá því
að stofna hagsmunasamtök örvhentra í
Breiðagerðisskóla til starfa dagsins dag sem
sveitarstjóri og kjörinn fulltrúi í sveitarstjórn.“
Pétur segir að þarna á milli liggi ýmis
konar pólitísk störf eins og seta í stúdentaráði
fyrir hönd Röskvu en hann starfaði jafnframt
því sem framkvæmdastjóri Stúdentaráðs
Háskóla Íslands.
„Einhvern tímann var ég víst líka formaður
ungra jafnaðarmanna í Reykjavík og vara-
þingmaður Samfylkingarinnar í Reykjavík
norður á síðasta kjörtímabili. Þá var ég for-
maður nemendafélagsins í framhaldsskólan-
um mínum á sínum tíma, svo þetta er býsna
óþolandi týpa sem um ræðir. Þá að því gefnu
að stjórnmálabörn séu leiðinlegt. Sem ég er
auðvitað algjörlega ósammála!“
Höfuðborgarsvæðið og lands-
byggðin eru ekki andstæðingar
- Og nú ertu kominn vestur á firði.
„Við fjölskyldan höfum núna búið fyrir
vestan í fjögur ár og okkur líkar mjög vel
„út-á-landi“ lífið. Hér glímum við við krefj-
andi verkefni í okkar vinnu, konan mín stund-
ar framhaldsnám við HÍ og fjölskyldan dafnar
í einfaldara og auðveldara umhverfi en höf-
uðborgarsvæðið býður upp á.“
Pétur segir að það sé þó enginn hugur í
sér að stilla þessum tveimur svæðum upp
sem andstæðingum. „Þvert á móti. Þetta
snýst um hvar fólk finnur sig og sinn takt, en
hafi einnig jafna möguleika á að blómstra á
því svæði sem nærir það. Ég kalla þetta
byggðajafnrétti.“
Ein merkilegasta
endurreisn okkar tíma
- Nú eru tveir áratugir frá hörmulegum at-
burðum í Súðavík
„Já, saga Súðavíkurhrepps er afskaplega
merkileg, þar sem uppgangur og vinna, sorg
og sætir sigrar eru grunnstefin. Strax eftir
snjóflóðin 1995 hófst ein merkilegasta endur-
reisn okkar tíma, þar sem heilt þorp var flutt
og byggt upp á ný á undraskömmum tíma.
Sú staðreynd segir merkilega sögu um
öflugt fólk að í manntali árið 1996 hafði
fjölgað í hreppnum á milli ára. Ég held að
þetta sé besta greining á fólkinu sem byggir
hreppinn sem ég á til, þvílíkt fólk í sorg og
sigrum.“
Pétur segir að minningin og reynslan af
flóðinu lifi „í hverri frumu hér á svæðinu.
Maður upplifir hér sterkt það spakmæli að
maður lærir með sorginni að lifa. Ég tel hugs-
anlegt að ein leið Súðvíkinga til að glíma við
þá ótæmandi sorg sem á þá var lögð hafi
verið að sjá til þess, með höndum og huga,
að hér yrði áfram kröftugt mannlíf. Það er ein
leið til að sigra dauðann og eyðinguna sem
þessar hamfarir leiddu af sér að viðhalda
lífinu.“
Eigum að gera margt
fleira saman
- Þá erum við komnir að stöðu sveitarfélags-
ins – rekstri þess og hvaða verkefni eru helst á
döfinni?
„Rekstur sveitarfélagsins er stöðugur og
góður, sveitarfélagið er mjög lítið skuldsett
og siglir stöðugan sjó rekstrarlega séð. Við
erum óneitanlega viðkvæm stærð þegar
kemur að mannfjölda og það munar um
Tækifærin í dag
eru á Vestfjörðum
Súðavíkurhreppur
Pétur Georg Markan, sveitarstjóri á Súðavík.