Sveitarstjórnarmál - 01.02.2016, Síða 13

13
hvern góðan. En ég legg samt áherslu á að
við erum hluti af norðanverðum Vestfjörðum,
við byggjum þennan hluta landsins með
Ísafjarðarbæ og Bolungarvík og þessi sveitar-
félög gera upp saman þegar kemur að fram-
tíðinni. Við getum ekki án hvert annars verið,
sem betur fer segi ég. Það er síðan mín sýn
að sveitarfélögin á svæðinu eigi að gera miklu
betur við að vinna hlutina saman með
samlögum og samrekstri. Verkefni eins og
eitt hafnasamlag, sameiginleg fræðslumál,
sameiginleg félagsþjónusta og meira til.“
Það þarf tvo til
– ríki og sveitarfélög
„Allt eru þetta verkefni sem geta leitt af sér
öflugri byggðir, betri þjónustu, kraftmeiri og
skilvirkari atvinnuuppbyggingu, hagkvæmari
rekstur og meiri velferð,“ heldur Pétur áfram.
„Þetta er allt hægt án þess að þurfa að
ræða eiginlega sameiningu. Það er seinni
tíma umræða, ef þessir hlutir ganga upp, og
skila betra samfélagi, sem við erum einmitt öll
að keppa að. Við sem rekum samfélög og er
trúað fyrir fjöreggi byggðarlagsins, þ.e. fjár-
málum og fólki, megum ekki víkja okkur
undan þessari umræðu. Það eru ekki tilfinn-
ingar sem tryggja sjálfstæði og framtíð sveit-
arfélaga, heldur góður rekstur.“
Pétur segir að til þess að viðspyrna verði í
hagvexti og mannfjöldaþróun á Vestfjörðum
þurfi tvo til, ríki og sveitarfélög. „Það kemur
afdráttarlaust fram í skýrslu Byggðastofnunar
að hér á svæðinu á sér stað neikvæð þróun.
Það er miður. Það þýðir hins vegar ekki að
benda bara á ríkið. Sveitarfélögin þurfa að
skerpa á sínum rekstri og vinna hlutina miklu
betur saman, það þarf að vera þeirra framlag
til viðspyrnunnar.“
Verðmætasköpun eykst
og störfum fjölgar
- En atvinnulífið – þarf ekki að efla það?
„Það eru miklar breytingar framundan í
atvinnuháttum Vestfirðinga, sem er ein af
ástæðum þess að það eru forréttindi að vera
sveitarstjóri á Vestfjörðum. Hér hefur verið
ein stoð undir atvinnulífi Vestfirðinga, með
tilheyrandi erfiðleikum þegar atvinnugreinin
hefur siglt í gegnum erfiðleika, hvort sem það
er af völdum manna eða náttúru. Framundan
eru miklar breytingar. Eldisframleiðsla er að
hasla sér völl í Djúpinu með tilheyrandi um-
svifum og slætti. Vestfirðir eru og eiga að
vera kjörlendi sjóeldis á Íslandi. Ferðaþjónusta
er einnig að koma inn á svæðið með nýjar
fjárfestingar og aukinn ferðamannastraum.“
Pétur segir að í Súðavíkurhreppi hafi verið
hæg þróun í áratugi í þá átt að hefðbundinn
landbúnaður sé að leggjast af í Inndjúpinu.
„Við eigum þó ennþá úrvalsbændur, sem
setja mikinn svip á samfélagið hérna.
Á sama tíma hefur mikil gróska verið í
ferðaþjónustu á svæðinu og þar er að byggj-
ast upp myndarlegur atvinnuvegur sem verð-
ur stærri með hverju árinu.“
Pétur nefnir ennfremur vinnu að spenn-
andi kalkþörungaverkefnum. „Þar verða unnin
algjörlega ný verðmæti úr Ísafjarðardjúpi með
tug nýrra starfa, svo eitthvað sé nefnt. Sam-
bærileg verksmiðja er nú á Bíldudal og hefur
verið frá 2006. Mikilvægast í þessu er að
verðmætasköpun mun aukast og störfum á
svæðinu fjölga og þau verða fjölbreyttari.
Áfram verður hefðbundin útgerð geysilega
mikilvæg, en atvinnulífið verður með þessari
þróun ekki bara mun öflugara, heldur líka
sjálfbærara og betur í stakk búið til að takast
á við sveiflur.“
„Ferðaþjónusta er einnig að koma inn á svæðið með nýjar fjárfestingar og aukinn ferðamannastraum,“ segir Pétur. Myndin sýnir sólarlag við Álftafjörð.