Sveitarstjórnarmál - 01.03.2016, Page 18

18
Fiskeldi í stað fiskveiða
En aftur að fiskmetinu. Þótt dregið hafi um-
talsvert úr útvegsstarfsemi í Þorlákshöfn og
færri skip færi afla að landi hefur byggðin
síður en svo sagt skilið við framleiðslu á fisk-
afurðum. Þar kemur fiskeldið til sögunnar.
„Það kemur ef til vill á óvart að stærsta
seiðaeldisstöð á landinu er í Þorlákshöfn og
þar er einnig eldisstöð fyrir bleikju auk þess
sem talsvert bleikjueldi er ofar í Ölfusinu.
Nálægð við flugvöllinn skiptir miklu máli fyrir
bleikjueldið vegna þess að nær öll fram-
leiðslan fer beint á markaði erlendis.“ Þegar vel gengur hugsa
menn síður um sameiningu
Sveitarfélagið Ölfus er víðfeðmt eða 737 fer-
kílómetrar að stærð. Það teygir sig frá vestan-
verðu Ingólfsfjalli, niður Ölfus meðfram
Ölfusá og vestur í Selvog. Þéttbýliskjarnar eru
tveir, Þorlákshöfn og Árbæjarhverfi vestan
Ölfusár, rétt utan Selfoss. Ölfus nær að enda-
mörkum Árnessýslu, rétt vestan við Kolvið-
arhól. Hveragerðisbær er sem fyrr segir sjálf-
stætt sveitarfélag innan landamæra Ölfussins.
Þegar horft er á landakort kemur í hugann
hvort rétt eða mögulegt sé að sameina
sveitarfélög á svæðinu eða jafnvel víðar um
Árnessýslu eins og nokkuð hefur verið rætt
um. Gunnsteinn segir að sameiningarmál séu
ekki efst á baugi í Ölfusinu. „Þegar vel geng-
ur hugsa menn síður um eða ræða samein-
ingu. Vegna landafræðinnar er þó ekkert
óeðlilegt að rætt sé um sameiningu við
Hveragerðisbæ. Það sveitarfélag er landlítið
og vaxtarmöguleikar þess takmarkaðir af
þeim sökum. Þar er öflug atvinnustarfsemi og
Hvergerðingum gengur vel. Hveragerðisbær
byggist hins vegar upp af öðrum atvinnu-
greinum en Ölfusið,“ segir hann.
Hann minnir á að ylrækt hafi fljótt orðið
fyrirferðarmikil í Hveragerði vegna nálægðar-
innar við jarðhitann. Jarðvarminn hafi einnig
orðið hvatinn að því að NLFÍ stofnaði heilsu-
hæli sem hefur vaxið og dafnað þar í gegnum
tíðina. Elli- og hjúkrunarheimilið Grund flutti
fyrir löngu hluta af starfsemi sinni til Hvera-
gerðis og nú er ferðaþjónusta að festa þar
rætur.
„Ég sé alveg fyrir mér að þetta gæti orðið
öflugra sveitarfélag yrðu þessi tvö sameinuð
og við eigum samstarf við Hvergerðinga um
ýmsa þætti. Ég get nefnt í því sambandi að
við rekum bæði leik- og grunnskólann í
Hveragerði saman. Við eigum 9% hlutdeild í
leikskólanum og 14% í grunnskólanum. Þetta
kemur til af því að mun auðveldara er fyrir
börn úr Ölfusinu að sækja skóla í Hveragerði
en niður í Þorlákshöfn. Þá má nefna að
Garðyrkjuskólinn stendur í Sveitarfélaginu
Ölfusi en ekki í Hveragerðisbæ. Eftir því sem
ég best veit hefur samstarf sveitarfélaganna
tveggja einkennst af góðum samstarfsvilja og
vinnu við að ná árangri.“
Gætum tengst Faxaflóahöfnum
Gunnsteinn segir að sameining til vesturs, til
dæmis við Grindavíkurbæ, sé langsóttari leið
enda þótt Þorlákshöfn og Grindavík séu um
margt lík samfélög sem bæði liggja við sjóinn
og byggja mikið á því sem hann gefur.
„Annað sem ég tel að mætti skoða þegar
sameiningar- og samstarfsmál ber á góma er
að við erum með mjög góða höfn, sem með
tiltölulega litlum tilkostnaði mætti gera enn
betri. Við erum ekki hluti af Faxaflóahöfnum
en ef grannt er skoðað þá er þetta í raun og
veru eitt hafnarsvæði – ofan af Akranesi og
austur til Þorlákshafnar,“ segir Gunnsteinn R.
Ómarsson að lokum.
Sveitarfélagið Ölfus
Þorlákshafnarviti eða Hafnarnesviti, eins og heimamenn kalla hann, stendur skammt fyrir utan þéttbýlið í
Þorlákshöfn. Hann var byggður árið 1951 úr steinsteypu og er 8,3 metrar að hæða. Hönnuður hans var
Axel Sveinsson verkfræðingur.
Ráðhús Ölfusinga í Þorlákshöfn en þar er bókasafnið m.a. til húsa.