Morgunblaðið - 13.11.2017, Blaðsíða 9
FRÉTTIR 9Innlent
MORGUNBLAÐIÐ MÁNUDAGUR 13. NÓVEMBER 2017
16. nóvember er dagur íslenskrar tungu.
Í tilefni dagsins boða Íslensk málnefnd og MS til málræktarþings í
Þjóðminjasafninu miðvikudaginn 15. nóvember kl. 15.30 undir yfirskriftinni
Ritun í skólakerfinu þar sem velt verður upp spurningum um stöðu málsins í
ræðu og riti með áherslu á ritfærni nemenda á
ýmsum stigum skólakerfisins.
Verið öll velkomin og til hamingju með daginn!
www.ms.is
Arnar Atlason,
framkvæmda-
stjóri Tor Fisk-
vinnslu í Hafn-
arfirði, var
kjörinn formað-
ur Samtaka
fiskframleið-
enda og útflytj-
enda (SFÚ) á
aðalfundi sam-
takanna sem
haldinn var á Bryggjunni brugg-
húsi á laugardaginn.
Hann tekur við formennskunni
af Jóni Stein Elíassyni, sem hefur
stýrt samtökunum síðastliðin níu
ár. Arnar var einn í framboði og
var fagnað með lófataki.
Formennskan leggst vel í Arn-
ar en hann segir samtökin vera
nauðsynleg í þá flóru sem ís-
lenskur sjávarútvegur er. Að-
spurður hvort hann hyggist
leggja áherslu á sérstök málefni
segir hann að hans áherslur verði
á svipuðum nótum og verið hefur
hjá SFÚ. „Þar að auki tel ég að
það þurfi að skerpa enn frekar á
að ráðamenn átti sig á því að
þessi lóðrétta samþætting sé ekki
endilega það eina rétta og ef við
ætlum að reyna að auka verð-
mæti sjávarafurða þá þurfum við
að reyna með öllu móti að skilja
frekar á milli veiða og vinnslu
líkt og gert hefur verið í orku-
geiranum og er gert í flestum
þróuðum löndum í kringum okk-
ur.“
Arnar nýr
formaður
Aðalfundur SFÚ
fór fram um helgina
Arnar
Atlason
Nýju Norðfjarðargöngin voru mikið
notuð um helgina, eftir að þau voru
opnað um miðjan dag á laugardag.
„Þegar ég fór út í búð áðan hitti ég
marga sem voru að kaupa hráefni í
vöffludeigið. Það var von á mörgum
gestum í dag og ég spái því að mikill
gestagangur verði næstu vik-
urnar,“ sagði Páll Björgvin Guð-
mundsson, bæjarstjóri Fjarða-
byggðar, í gær en hann er búsettur
á Norðfirði.
Jón Gunnarsson samgöngu-
ráðherra opnaði göngin með því að
klippa á borða með aðstoð Hreins
Haraldssonar vegamálastjóra. At-
höfnin fór fram Eskifjarðarmegin.
Ráðherrabíllinn var síðan fyrstur í
gegnum göngin og var Stefán Þor-
leifsson, fyrrverandi sjúkrahús-
ráðsmaður í Neskaupstað, 101 árs
að aldri, undir stýri.
Norðfjarðargöng leysa af hólmi
Oddsskarðsgöng og erfiðan fjall-
veg. „Öryggi vegfarenda skiptir
mestu máli, að fara af fjallvegi og
niður á flatlendi,“ segir Páll Björg-
vin. Hann segir að margir upplifi
frelsi að fá þessi göng, meðal ann-
ars íbúar sem hafa ekki treyst sér til
að fara Oddsskarð allan veturinn.
Göngin geri Fjarðabyggð loksins
að einu atvinnu- og þjónustusvæði
og ljúki sameiningunni. Hann nefn-
ir að ein stærsta fiskihöfn landsins
sé á Norðfirði og miklir flutningar
fylgi henni. Auðveldara verði að
nýta þjónustu Fjórðungssjúkra-
hússins og Verkmenntaskólans.
„Allt verður þægilegra fyrir íbúa og
atvinnulíf á Austurlandi. Sam-
göngubót verður samfélagsbót.“
Gestkvæmt í Neskaupstað
Ljósmynd/Jens Einarsson
Opnun Jón Gunnarsson naut aðstoðar Stefáns Þorleifssonar og Hreins Har-
aldssonar þegar klippt var á borðann í Norðfjarðargöngum um helgina.
Norðfjarðargöngin eru samfélagsbót, segir bæjarstjóri
Liðið Filipo Berio úr Garðaskóla bar
sigur úr býtum í LEGO-hönn-
unarkeppni FLL sem haldin var í
Háskólabíói um helgina, en Háskóli
Íslands hefur staðið fyrir keppninni í
rúman áratug.
Með sigrinum vann liðið sér þátt-
tökurétt í norrænu keppninni
FIRST LEGO League sem fer fram
í Ósló í desember en auk þess að
vinna keppnina fékk liðið viðurkenn-
ingu fyrir bestu hönnun og forritun
vélmennis.
Markmið keppninnar er að efla
færni og vekja athygli ungs fólks á
tækni og vísindum með því að leggja
fyrir spennandi verkefni sem örva
nýsköpun, byggja upp sjálfstraust
og efla samskipta- og skipulags-
hæfni.
Filipo Berio
sigraði í LEGO
hönnunarkeppni
Sigraði Filipo Berio með verðlaunin.