Morgunblaðið - 13.11.2017, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 13. NÓVEMBER 2017
TANGARHÖFÐA 13
VÉLAVERKSTÆÐIÐ
kistufell.com
Það er um 80% ódýrara að
skipta um tímareim miðað við
þann kostnað og óþægindi
sem verða ef hún slitnar
Hver er staðan á tíma-
reiminni í bílnum þínum?
Hringdu og pantaðu
tíma í síma
577 1313
Rafhitarar
í skip, hús og sumarhús
Ryðfríir
neysluvatnshitarar
með 12 ára ábyrgð
Hitöld (element), hitastillar,
hitastýringar og flest annað
til rafhitunar
Við erum sérfræðingar í öllu sem
Kaplahrauni 19 • Hafnarfirði
Sími: 565 3265
rafhitun@rafhitun.is • www.rafhitun.is
viðkemur rafhitun.
Kínverska netverslunin Alibaba
seldi á laugardag vörur fyrir jafn-
virði 25,3 milljarða dala. Laugar-
dagurinn var þó ekki venjulegur
verslunardagur heldur bauð Ali-
baba upp á ríflega afslætti í tilefni
af degi einhleypinga.
Einhleypingadagurinn er haldinn
11. nóvember ár hvert, og má rekja
upphaf hans til byrjunar 10. áratug-
arins þegar hefðin byrjaði að skjóta
rótum við kínverska háskóla. Á ein-
hleypingadagurinn að vera nokkurs
konar andhverfa valentínusardags-
ins þar sem fólk fagnar því að vera
laust og liðugt. Í seinni tíð hefur
einhleypingadagurinn orðið að mikl-
um útsöludegi í Kína bæði hjá net-
verslunum og hefðbundnum versl-
unum.
Í tilefni af útsölunni efndi Alibaba
til sviðsskemmtunar í Sjanghæ þar
sem alþjóðlegar stjörnur á borð við
Pharrell Williams og Nicole Kid-
man komu fram í beinni útsend-
ingu.
Sala Alibaba á laugardag var 39%
meiri en á einhleypingadaginn í
fyrra og eiga pantanir að hafa bor-
ist frá 225 löndum og sjálfsstjórn-
arsvæðum, að því er Bloomberg
greinir frá. Um 90% af sölu dagsins
fóru fram í gegnum snjallsíma og
þegar mest lét þurfti tölvukerfi Ali-
baba að afgreiða 256.000 pantanir á
sekúndu.
Enginn drungi í neytendum
FT bendir á að einhleypingadag-
urinn sýni hversu mikinn kaupmátt
kínverskir neytendur hafa og hve
fúsir þeir eru að opna veskin sín. Þá
er árangur Alibaba einnig til marks
um hversu langt netverslun í Kína
er komin en til samanburðar seldu
bandarískar netverslanir vörur fyr-
ir 12,8 milljarða dala á útsölum yfir
þakkargjörðarhelgina á síðasta ári.
Helsti keppinautur Alibaba á
Kínamarkaði, JD.com, hélt líka út-
sölu á einhleypingadaginn og var
með tilboð í tíu daga þar á undan.
Heildarsala JD á þessu ellefu daga
tímabili nam jafnvirði 25,35 millj-
arða dala sem er 39% aukning frá
því í fyrra. Að sögn Reuters ákvað
JD að hefja útsöluna 1. nóvember
til að minnka líkur á töfum við
dreifingu og gefa neytendum betra
ráðrúm til að gera upp hug sinn.
ai@mbl.is
Sölumet slegið hjá Alibaba og JD
 Kínverskir neyt-
endur voru dugleg-
ir að versla á degi
einhleypinga
AFP
Tilefni Starfsmenn Alibaba á skemmtun sem efnt var til í Sjanghæ fagna þegar sölutölur dagsins lágu fyrir.
Eins og Morgunblaðið hefur áður
fjallað um hefur rafmyntin bitcoin
hækkað mikið á árinu. Bitcoin-vísitala
Coindesk fór yfir 2.000 dala markið
um miðjan maí, yfir 3.000 dali í byrjun
ágúst, 4.00 dali um miðjan ágústmán-
uð, 5.000 dali í október og síðan yfir
6.000 dala markið í sama mánuði.
Gengi bitcoin (BTC) hefur verið
mjög rykkjótt það sem af er nóvem-
ber, og skaust úr u.þ.b. 6.100 dölum í
byrjum mánaðarins upp í tæplega
7.400 dali 4. og 5. nóvember, niður í
um 6.950 dali á þann 6. nóvember og
upp í nærri 7.500 dali miðvikudaginn
8. nóvember. Síðan þá hefur rafmynt-
in lækkað hratt í verði; komin niður í
6.500 dali á föstudag og 6.100 dali á
sunnudag.
Að sögn Fortune eru umskiptin í
gengi bitcoin seinni helming síðustu
viku rakin til þess að fyrirhuguð
klofning rafmyntarinnar í tvær að-
skildar myntir, svokölluð SegWit2x
uppfærsla, var blásin af.
Rafmyntin bitcoin cash (BCH),
sem varð til við klofning bitcoin í
ágúst, og á að vera léttari í vöfum en
upprunalega bitcoin-myntin, hefur
aftur á móti farið hækkandi síðustu
daga. BCH var á hægri niðurleið frá
því í september en náð jafnvægi á
300-400 dala bilinu í október og fikr-
aði sig upp að 700 dala markinu í byrj-
un nóvember. Verð BCH margfald-
aðist síðan frá föstudegi til sunnudags
og fór úr um 700 dölum upp í u.þ.b.
2.450 dali þegar mest var á sunnudag,
en lækkaði svo jafnhratt niður í um
1.500 dali á sunnudagskvöld.
Í umfjöllun Coindesk um verðþró-
un BCH má greina að sumir sérfræð-
ingar hafa minnkandi trú á bitcoin og
telja markaðinn vera að vakna til vit-
undar um að bitcoin cash sé á marga
vegu betri gjaldmiðill. ai@mbl.is
Rafmyntir
sveiflast
AFP
Flökt Á tveimur sólarhringum
lækkaði verð bitcoin um 1.000 dali.
 Bitcoin lækkar
hratt en Bitcoin
cash snarhækkar
● Lækkandi hlutabréfaverð bandaríska
iðnaðarrisans General Electric gæti leitt
til þess að fyrirtækið fái ekki lengur að
vera hluti af aðalvísitölu Dow Jones.
Það sem af er þessu ári hafa hluta-
bréf GE lækkað um 35% og kostuðu
þau 20.49 dali á föstudag. Hefur hluta-
bréfaverð GE ekki verið lægra í fimm ár
og vægi fyrirtækisins í Dow Jones-
vísitölunni hefur farið minnkandi.
Reuters segir GE vera eina fyrirtækið
sem hefur verið í aðalvísitölu Dow Jon-
es frá upphafi, en vísitalan var fyrst sett
á laggirnar árið 1896. Í dag er GE með
lægsta hlutabréfaverð þeirra 30 fyrir-
tækja sem mynda vísitöluna en þar er
m.a. að finna alþjóðlega risa á borð við
Coca-Cola, IBM, Johnson & Johnson og
Visa. Vægi GE í vísitölunni var aðeins
0,6% á föstudag en til samanburðar
hefur flugvélaframleiðandinn Boeing
7,7% vægi.
Rekstur GE hefur ekki gengið vel upp
á síðkastið og er talið líklegt að John
Flannery, sem nýlega var gerður að for-
stjóra fyrirtækisins, muni ráðast í gagn-
gera endurskipulagningu á rekstrinum
og jafnvel selja stóra hluta úr fyrirtæk-
inu. Hann mun kynna áform sín á fundi
með hluthöfum í dag, mánudag.
ai@mbl.is
Hætta á að GE verði sparkað úr Dow Jones
AFP
Rætur GE hefur verið hluti af vísitölu
Dow Jones frá upphafi, eða í rösk 120 ár.
Samruni leikfangarisa er í far-
vatninu ef marka má fréttir um að
Hasbro hafi gert yfirtökutilboð í
Mattel. Wall Street Journal
greindi frá þessu á föstudag og
hefur eftir fólki sem þekkir til
kauptilboðsins. Hasbro og Mattel
eru stærstu leikfangaframleið-
endur Bandaríkjanna og framleiða
vinsæl leikföng á borð við Barbie,
Polly Pocket og Fisher-Price í til-
viki Mattel, en G.I. Joe, Furby,
Nerf og Play-Doh í tilviki Hasbro.
Ekki er meira vitað um kaup-
tilboðið en markaðsverð Mattel
hefur verið á niðurleið á þessu ári,
lækkað um nærri helming, og var
fyrirtækið metið á um 5 milljarða
dala þegar fréttist af tilboðinu.
Hasbro stendur þónokkuð betur
að vígi, var metið á 11 milljarða
dala í vikulok og hafði hækkað um
18% frá ársbyrjun.
Eftir lokun markaða á föstudag
hækkaði hlutabréfaverð Mattel
um 24% og hlutabréf Hasbro um
3,3%.
Hasbro hefur verið í kaupa-
hugleiðingum að undanförnu.
Fyrirtækið freistaði þess fyrr á
árinu að eignast kvikmynda- og
afþreyingarfyrirtækið Lions Gate
Entertainment en þær samninga-
viðræður runnu út í sandinn. Árið
2014 átti Hasbro síðan í samruna-
viðræðum við DreamWorks
Animation, framleiðanda Shrek-
myndanna, en ekkert varð af þeim
þreifingum eftir að Comcast
keypti DreamWorks. ai@mbl.is
AFP
Veldi Barbídúkkur til sýnis. Verði af samrunanum myndu G.I. Joe og Barbí
eiga heima hjá sama framleiðandanum auk fjölda annarra leikfanga.
Hasbro gerir
tilboð í Mattel