Morgunblaðið - 22.02.2018, Blaðsíða 12

12 MORGUNBLAÐIÐ FIMMTUDAGUR 22. FEBRÚAR 2018FRÉTTIR
©The Financial Times Limited 2014. Öll réttindi áskilin. Ekki til endurdreifingar, afritunar eða endurritunar með neinum hætti. Öll ábyrgð á þýðingum er Morgunblaðsins og mun Financial Times ekki gangast við ábyrgð á þeim.
Af síðum
Masayoshi Son líkir sjálfum sér
gjarnan við Warren Buffett, þar
sem hann ber saman ört vaxandi
umfang SoftBank, sem á rætur sín-
ar í tækniiðnaði, og iðnveldi Buf-
fetts, Berkshire Hathaway.
Ekki fer milli mála að samsteyp-
urnar byggjast á mjög ólíkum stoð-
um, annað á japanskri hugbún-
aðargerð á 9. áratugnum og hitt á
bandarískri textílgerð á 7. áratugn-
um. En Son, sem náði því um
skamma hríð að verða ríkasti maður
heims þegar hlutabréfaverð Soft-
Bank rauk upp í netbólunni snemma
á árinu 2000, er þess fullviss að
fyrirtæki hans muni geta orðið hið
nýja Berkshire á öld stafrænnar
tækni. Nýlegar tilraunir hans til
þess að kaupa 20-30% hlut í end-
urtryggingafélaginu Swiss Re eru
vissulega í samræmi við forskrift
Buffetts.
Tryggingafélög eru kjarninn
Það var með kaupunum á Nation-
al Indemnity fyrir 50 árum, sem síð-
ar voru styrkt með kaupum á hlut-
um í Government Employees
Insurance Company og endurtrygg-
ingafélaginu General Re, sem
grunnurinn var lagður að velgengni
Buffetts. Hið mikla fjármagn og
iðgjaldatekjur sem tryggingafélögin
höluðu inn gáfu hinum útsjónarsama
Buffett bolmagnið til að gera lang-
tímaveðmál í öðrum fyrirtækjum.
Á yfirborðinu virðist tilraun Soft-
Bank til að eignast hlut í Swiss Re á
svipuðum rökum reist. Allt síðan á
námsárum sínum í Kaliforníu hefur
hinn útsjónarsami Son verið dugleg-
ur að leggja mikið undir með ann-
arra manna fé, allt frá því að fá pen-
inga að láni til að fjármagna
tölvuleikjafyrirtæki fyrir náms-
menn, yfir í að setja á laggirnar
Vision Fund, 93 milljarða dala
tæknisjóð sem fjármagnaður er af
ríkisfjárfestingasjóðum í Mið-
Austurlöndum og SoftBank. Jap-
anska samsteypan sækist eftir að
minnsta kosti tveimur sætum í
stjórn Swiss Re og er freistandi að
trúa því að Son vilji gjarnan hrista
upp í starfsemi þessa íhaldssama
endurtryggingafyrirtækis og láta
það taka upp djarfari fjárfesting-
arstefnu.
Þrjár líklegar skýringar
Það væri vissulega freistandi, en
einfeldningslegt. Og þá einkum
vegna þess að lög um svissnesk fjár-
málafyrirtæki myndu standa í vegi
fyrir mjög áhættusömum fjárfest-
ingum. Það má hins vegar finna
þrjár aðrar sannfærandi skýringar á
þessum fyrirhuguðu kaupum:
1. Tæknivinkillinn. Son veit vel að
tryggingafyrirtæki eiga heilan fjár-
sjóð af gögnum. Rétt eins og kín-
verska samsteypan Alibaba, sem
SoftBank á 28% hlut í, gefur dýr-
mætar upplýsingar um eyðslu-
mynstur neytenda, þá getur Swiss
Re verið leið til að sjá hvaða áhættu
fólk og fyrirtæki taka á heimsvísu.
Swiss Re gæti verið viljugt að
tæknivæðast betur, hafandi farið sér
hægt í fjárfestingum í tæknisprot-
um, ekki síst í samanburði við aðal-
keppinautinn Munich Re sem rekur
sprotasjóð sem fjárfestir gagngert í
stafrænni tækni.
2. Samgönguvinkillinn. Áhættu-
dreifing SoftBank hefur miðað að
því að fara úr hugbúnaði og fjar-
skiptum yfir í annars konar innviði,
með miklum fjárfestingum í Uber
og kínversku „skutl-þjónustunni“
Didi Chuxing, ýmist með beinum
hætti eða í gegnum Vision Fund. Að
komast yfir meiri gögn spilar hér
inn í að hluta. En þetta eru líka ört
vaxandi fyrirtæki sem slík, sem fela
í sér mikla möguleika til að móta
markaðinn fyrir ökutækjatrygg-
ingar.
3. Kielholz-vinkillinn. Walter Kiel-
holz, stjórnarformaður Swiss Re, er
lykilmaður í áætlunum Sons. Hann
er 66 ára gamall, lét fyrst að sér
kveða sem forstjóri Swiss Re og síð-
ar í tiltektarhlutverki sem stjórnar-
formaður hjá Credit Suisse. Hann
gæti verið fús til að gera djarfan
samning með það fyrir augum að
setja mark sitt á fyrirtækið áður en
hann sest í helgan stein.
Hremmingar hjá Deutsche
Það gæti vissulega gerst að samn-
ingar tækjust ekki – fregnir herma
að viðræðurnar séu enn á fyrstu
stigum. En ef af kaupunum verður,
hvað ætti fjárfestum að finnast? Það
má vissulega halda því fram að vit
sé í þeirri stefnu að tengja saman
fjölbreytilega starfsemi SoftBank
og endurtryggingarekstur. Fram til
þessa virðast hluthafar vera áhuga-
samir, því hlutabréfaverð Swiss Re
er komið upp í methæðir.
En nokkuð varnaðarorð: Yfirlýs-
ingaglaðir og mjög skuldsettir as-
ískir kaupendur eigna á evrópskum
fjármálamarkaði eru ekki alltaf til
gagns. Spyrjið bara Deutsche Bank.
Kínverska fyrirtækjasamsteypan
HNA varð stærsti hluthafi Deutsche
Bank fyrir ári (sæti í stjórninni
fylgdi með), og var það hluti af
skuldsettu fyrirtækjakaupaæði um
allan heim sem fljótt kom í ljós að
reyndist ekki sjálfbært. Fyrst fóru
stjórnvöld í Kína að sjá fyrirtækja-
kaup HNA í neikvæðu ljósi. Síðar
virtist fyrirtækið lenda í lausafjár-
vanda svo það þurfti að selja frá sér
fjölda eigna og endurfjármagna
skuldir. Hlutabréfaverð Deutsche
Bank, sem undir venjulegum kring-
umstæðum hefði átt að styrkjast
með komu nýs kjölfestuhluthafa,
virðist núna þvert á móti gjalda fyr-
ir yfirvofandi sölu á hlutabréfunum.
Gengi hlutabréfa í bankanum hefur
lækkað um nærri 20% frá því sem
það var fyrir ári, og er nálægt sögu-
legu lágmarki.
Ekki ósvipað og SoftBank hefur
Adam Tan, hvatvís forstjóri HNA,
reynt að fylgja fordæmi Berkshire
Hathaway við uppbyggingu fyrir-
tækis síns. Swiss Re mun þurfa á
allri þekkingu sinni á sviði áhættu-
stýringar að halda til að geta lagt
mat á hvort Son er líkari Tan
eða Buffett.
Verður forstjóri SoftBank næsti Buffett?
Eftir Patrick Jenkins
Masayoshi Son, forstjóri
SoftBank, er þess fullviss
að fyrirtæki hans geti orð-
ið hið nýja Berkshire
Hathaway og hefur í því
skyni meðal annars gert
tilraun til að kaupa stóran
hlut í Swiss Re.
AFP
Masayoshi Son hefur gert SoftBank að stórveldi í tæknigeiranum og nú gerir hann tilraun til þess að taka stóra stöðu í endurtryggingafélaginu Swiss Re.