Morgunblaðið - 05.02.2018, Blaðsíða 8

8 ÍÞRÓTTIR
MORGUNBLAÐIÐ MÁNUDAGUR 5. FEBRÚAR 2018
Eitt undarlegasta atvik í
sögu heimsmeistaramóts karla í
knattspyrnu átti sér stað í leik
Kúveits og Frakklands á mótinu
sem haldið var á Spáni árið 1982.
Þegar staðan var 3:1, Frakklandi í
vil, bættu Frakkar við fjórða
marki sínu í leiknum.
Alain Giresse slapp einn í
gegnum vörn Kúveits og skoraði
með föstu og hnitmiðuðu skoti.
Leikmenn Kúveits stóðu stein-
runnir á meðan Giresse skoraði,
en fljótlega kom í ljós að þeir
töldu að dómari leiksins, Miros-
lav Stupar, hefði flautað og
dæmt leikbrot.
Uppi varð fótur og fit á
vellinum og Kúveitar gerðu sig
líklega til þess að yfirgefa leik-
völlinn í mótmælaskyni. Þegar
þeir áttuðu sig á því að það
dugði ekki til þess að markið
myndi ekki standa leituðu þeir til
forseta knattspyrnusambands
Kúveits, sem var augljóslega
óánægður með gang mála í
heiðursstúku leikvangsins.
Fahid prins vatt sér úr
heiðursstúkunni og niður á leik-
völlinn sjálfan og blandaði sér í
málið. Eftir japl, jaml og fuður
ákvað Stupar að fallast á mót-
mæli Kúveita og svo virtist sem
nærvera Fahid hefði haft úr-
slitaáhrif á ákvörðun Stupar.
Mark Frakka sem dæmt hafði
verið löglegt fékk ekki að standa,
en það hafði þó ekki áhrif á það
hvorum megin sigurinn lenti þar
sem Frakkar fóru með 4:1-sigur
af hólmi.
Það er erfitt að ímynda sér
að fari svo að Íslendingar fái á
sig mark í Rússlandi í sumar sem
leikmenn og forráðamenn liðsins
verða ósáttir við geti Guðni
Bergsson, formaður Knatt-
spyrnusambands Íslands, haft
erindi sem erfiði í þeim efnum að
markið fái ekki að standa vegna
mótmæla hans.
BAKVÖRÐUR
Hjörvar Ólafsson
hjorvaro@mbl.is
HANDBOLTI
Hjörvar Ólafsson
hjorvaro@mbl.is
ÍBV hélt muninum milli sín og
Sjtörnunnar í Olísdeild kvenna í
handbolta í fimm stigum með glæsi-
legum 25:14-sigri sínum gegn Hauk-
um, en þrír leikir fóru fram í deild-
inni á laugardaginn var. ÍBV og
Stjarnan eru í harðri baráttu um
sæti í úrslitakeppni deildarinnar.
Haukar misstu hins vegar Val
tveimur stigum á undan sér í barátt-
unni um toppsæti deildarinnar.
ÍBV er í fjórða sæti deildarinnar
með 22 stig og er eins og áður segir
með fimm stigum meira en Stjarnan,
en efstu fjögur lið deildarinnar kom-
ast í úrslitakeppni deildarinnar í vor.
ÍBV hefur jafn mörg stig og Fram
sem situr í þriðja sæti deildarinnar,
en Fram á leik til góða á liðin í
kringum sig.
Eins og tölurnar gefa til kynna þá
var varnarleikur ÍBV afar þéttur í
leiknum og þá sérstaklega í fyrri
hálfleik. Haukar skoruðu einungis
fjögur mörk í fyrri hálfleik, en stað-
an í hálfleik var 11:4 ÍBV í vil.
„Varnarleikurinn okkar var alger-
lega magnaður. Þá var tölfræðin í
markvörslunni hjá Guðnýju Jennýju
Ásmundsdóttur á fyrstu tuttugu
mínútum leiksins líklega í kringum
90%. Það er ótrúlegt hlutfall. Hauk-
ar höfðu skorað eitt mark eftir tutt-
ugu mínútna leik og á þeim tíma
voru úrslitin í raun ráðin,“ sagði
Hrafnhildur Ósk Skúladóttir, þjálf-
ari ÍBV, um spilamennsku liðsins í
samtali við Morgunblaðið.
„Þetta var gríðarlega mikilvægur
sigur upp á baráttuna um sæti í úr-
slitakeppninni og hvað það varðar að
eiga enn möguleika á að fikra okkur
upp töfluna,“ sagði Hrafnhildur Ósk
enn fremur um mikilvægi sigursins.
Sandra Erlingsdóttir og Ester
Óskarsdóttir voru atkvæðamestar í
sóknarleik ÍBV, en Sandra skoraði
átta mörk og Ester sjö mark. Karól-
ína Bæhrenz Lárudóttir bætti svo
fimm mörkum við fyrir ÍBV. Guðrún
Erla Bjarnadóttir skoraði mest fyrir
dapurt lið Hauka eða þrjú mörk tals-
ins.
Stjarnan hélt lífi í von sinni um að
komast í úrslitakeppni deildarinnar
með sannfærandi 36:22-sigri gegn
lánlausu liði Gróttu. Solveig Lára
Kjærnested raðaði inn mörkum fyrir
Stjörnuna, en þegar upp var staðið
hafði hún skorað 12 mörk í leiknum.
Slavica Mrkikj var markahæst í liði
Gróttu með sex mörk, Lovísa
Thompson skoraði fimm mörk og
Slavica Mrkikj skoraði fjögur mörk.
Grótta er í harðri fallbaráttu, en
liðið situr á botni deildarinnar ásamt
Fjölni. Grótta og Fjölnir eru hvort
um sig með fjögur stig og verma
botnsætið saman.
Valur situr einn á toppi deildar-
innar eftir öruggan 28:13-sigur liðs-
ins gegn Selfossi. Valur hefur 26
stig eftir þennan sigur og er tveimur
stigum á undan Haukum sem eins
og greint var frá hér að ofan mis-
steig sig gegn ÍBV. Díana Dögg
Magnúsdóttir og Vigdís Birna Þor-
steinsdóttir drógu vagninn í sókn-
arleik Vals, en þær skoruðu sjö
mörk hvor í leiknum. Ída Bjarklind
Magnúsdóttir var aftur á móti at-
kvæðamest í liði Selfoss með fjögur
mörk. Selfoss er með sjö stig í sjötta
sæti deildarinnar og er þremur stig-
um frá fallsvæði deildarinnar.
Síðasti leikur umferðarinnar fer
fram á föstudaginn kemur þegar
Fram tekur á móti Fjölni í Fram-
húsinu. Fram getur með sigri í þeim
leik komist upp að hlið Hauka í öðru
sæti deildarinnar og minnkað bilið í
topplið deildarinnar, Val, í tvö stig.
Fjölnir getur á hinn bóginn komist
upp úr botnsæti deildarinnar og
minnkað bilið í Selfoss í eitt stig.
ÍBV minnti hressilega
á sig í toppbaráttunni
 Valur trónir á toppi deildarinnar Stjarnan á enn von um sæti í úrslitakeppni
Ljósmynd/Sigfús Gunnar
Öflug Ester Óskarsdóttir lét mikið að sér kveða fyrir ÍBV bæði í vörn og sókn í góðum sigri liðsins gegn Haukum.
Esja sem á titil að verja á Íslands-
mótinu í íshokkí karla bætti forskot
sitt á toppi Hertz-deildarinnar með
því að leggja SA að velli eftir víta-
keppni í Skautahöllinni í Laugardal
á laugardagskvöldið.
Þegar venjulegum leiktíma lauk
var staðan jöfn, 3:3, og þar af leið-
andi var leikurinn framlengdur.
Ekkert var skorað í framlenging-
unni og af þeim sökum þurfti víta-
keppni til þess að knýja fram úrslit-
in. Þar voru það Esjumenn sem
voru sterkari á svellinu.
Það voru Daniel Kolar, Robbie
Sigurðssson og Petr Kubos sem
skoruðu mörk Esju í opnum leik.
Jussi Sipponen skoraði hins vegar
tvö marka SA og Jordan Steger
bætti þriðja markinu við fyrir
norðanmenn.
Andri Mikaelsson skoraði úr
fyrsta víti SA-manna, en Robbie
Sigurðsson jafnaði metin úr næsta
víti. Eftir nokkur mislukkuð víti í
röð var það síðan Daniel Kolar sem
skoraði úr lokavítinu og tryggði
Esju sigurinn og aukastigið sem í
boði var fyrir sigur í vítakeppninni.
Esja náði fimm stiga forskoti á
SA á toppi deildarinnar með þess-
sum sigri, en SA er átta stigum á
undan Birninum sem er í þriðja
sæti deildarinnar.
Ásynjur unnu öruggan 9:3-sigur
á Reykjavík þegar liðin mættust í
Egilshöll á laugardagskvöldið.
Birna Baldursdóttir skoraði þrjú
mörk fyrir Ásynjur og Alda Arn-
arsdóttir tvö. Kristín Ingadóttir
gerði tvö marka Reykjavíkur. Með
sigrinum náðu Ásynjur fimm stiga
forskoti á toppi deildarinnar, en
Reykjavík er stigalaus á botni
deildarinnar.
Morgunblaðið/Árni Sæberg
Hnífjafnt Egill Þormóðsson og Sigurður Sigurðsson bítast um pökkinn í spennuleiknum um helgina.
Esja hafði betur í toppslagnum
Albert Guðmundsson, landsliðsmaður í knattspyrnu, lagði upp síðasta
mark leiksins þegar PSV vann 4:0-sigur á Zwolle í hollensku úrvalsdeild-
inni um helgina. Albert lék síðustu 13 mínútur leiksins. Þetta var hans
sjötti deildarleikur fyrir aðallið PSV í vetur, og lengsti tími sem hann hefur
fengið innan vallar í þeim leikjum.
Sigur PSV var 21. heimasigur liðsins í röð og er það jöfnun á félagsmeti.
PSV hefur unnið 18 af 21 leik sínum í deildinni í vetur og er með öruggt
forskot á toppnum, sjö stigum á undan næsta liði, Ajax.
Hinn 18 ára gamli Kristófer Ingi Kristinsson var í fyrsta sinn í leik-
mannahópi Willem II í hollensku úrvalsdeildinni er liðið tapaði 1:0 fyrir
Sparta Rotterdam í gær, en kom ekkert við sögu. sindris@mbl.is
Albert tók þátt í metjöfnun