Verslunartíðindi - 01.12.1923, Qupperneq 9

VERSLUNARTlÐINDI
137
Skýrsla
til Stjórnarráðs íslands, um erindisrekstur
P. A. Ólafssonar tii Eystrasaltslandanna,
Póllands og Tjekkoslóvakíu sumarið 1923.
4. Lithauen.
Frá Riga fór jeg til Kowno í Lithauen
og kom þangað sunnudaginn 26. ágúst.
Hitti þar svo illa á, að þar var þann dag
opnuð iðnaðarsýning, sú fyrsta í rikinu.
Bærinn er eins og tilkomulítið sveitaþorp.
Smáar og hrörlegar byggingar og aðeins
eitt gistihús, sem verandi er á. Jeg ók í
3 tíma þvers og endilangt um allan bæinn
til að leita eftir verustað, en hvergi var
íáanlegt pláss. Varð jeg því að segja mig
til sveitar hjá danska ræðismanninum. Og
enda þótt hjá honum væri fullskipað lika,
þá tók hann samt mæta vel á móti mjer
og kom mjer fyrir í íbúð sinni. En það
var hvortveggja að mjer fjell illa að verða
að þrengja mjer upp á þarna, og svo var
hitt að vegna þessarar sýningar, sem allir
voru meira og minna nppteknir af og af
sýningargestum, þá varla hægt að ná til
nokkurs manns upp á mitt erindi. Jeg
hafði því stutta viðdvöl og lagði á stað
aftur á þriðjudag.
Jeg bjóst við að geta farið styttstu leið
frá Kowno, um Vilna til Varszava, en
því var ekki að heilsa. Samkvæmt
hinni svokölluðu Alþjóðaráðstefnu höfðu
Pólverjar í nóv. 1922 tekið Vilna-hjeraðið,
ásamt höfuðbænum Vilna, af Lithauen.
Síðan hefur verið eldur á milli þessara
landa. Litháar hafa ekki viljað sam-
þykkja þessa ráðstöfun og hafa haldið her
sínum á landamærunum, og engar sam-
göngur eða viðskifti eru milli landanna
síðan. Jeg varð því að fara þaðan til
Danzig.
íbúatala Lithauen er um hálf þriðja
milj. og Kowno sem nú er höfuðstaðurinn
hefur um 120 þús. íbúa. Aðrir verulegir
bæjir eru þar ekki. Af síld er talsverður
innflutningur til Lithauen um 8000 tonn,
eftir því sem mjer var uppgefið eftir hag-
stofunni. En engin sundurliðun var til um
innflutning á lýsi, skinnum ull og kjöti.
Eins og áður er ádrepið, gat jeg hitt
fáa kaupsýslumenn i Kowno. Jeg átt tal
við herstjórnarráðið. Kaupa þeir árlega
um 5000 tunnur af síld og um 8—10 þús.
gærur. Sögðust þeir síðast hafa borgað
fyrir skotska síld 95 lits eða 9'/s amk. $ fyr-
ir tunnuna komið i geymsluhús í Kowno.
Sögðust þó kaupa minna af síld nú, af
því kjötverðið hefði lækkað svo mjög,
kostaði nú sem svaraði 60 dönskum aurum
kílóið. Gærurnar, sem þeir noti til vetr-
arfatnaða fyrir hermennina, þyrftu þeir
að fá fyrir miðjan sept. Þeir töldu lík-
legt að takast mættu viðskifti á þessum
vörum framvegis. Samvinnufjelag er þarna
líka og kve vera töluvert öflugt. Við þá
gat jeg ekki talað, en danski konsúllinn
og mikils raetinn samvinnumaður, sem jeg
átti tal við, bjóst við að selja mætti fje-
laginu mikið af síld og fóðurmjöli. En sá
hængur er á við þessa kaupendur, sem
aðra í þessum Jöndum, að sala er mjög
erfið nema hægt sje að veita gjaldfrest,
eins og flestir aðrir gera, sem viðskifti
eiga við þá.
Myntin: í fyrra fjekk ríkið sína eigin
mynt. Kallast hún lit á 100 cent og 10
lit jafngildir amk. $. í umferð eru 500
milj lit í seðlum og er fyrir þeirri upp-
hæð full gulltrygging.
Innflutningstollur af faktúruverðinu: 5%
af síld, fóðurmjöli og ull, 10% af lýsi,
hrognum, fiski og saltketi. Af skinnum,
hestum og fje enginn tollur.
5. Ðanzig.
Fríríkið Danzig er um 1900 klms að