Morgunblaðið - 06.04.2018, Qupperneq 11

Þorlákshöfn Niðurgrafin
náman mun auðvelda dæl-
ingu sjávar neðan úr jörðu.
vinnan ætti þá að klárast á þessu
ári.
„Það þýðir að við getum farið af
stað fyrri hluta næsta árs, en við
munum vinna þetta í þremur áföng-
um. Alls gætu því framkvæmdirnar
tekið fjögur til fimm ár. Í því felst að
setja upp fyrirtækið frekar, keyra
fiskinn af stað og selja vöruna. Við
viljum ekki vaða áfram og keppa við
stærðina, heldur keppa við gæðin.“
Fimm hektara námugryfja
Hugmyndin að verkefninu kviknaði
úti í Noregi, hjá bróður Ingólfs, sem
starfað hefur síðustu ár við eldi í
kvíum þar í landi en verið viðloðandi
fiskeldi allt frá níunda áratugnum.
„Hann er búinn að stíga þennan
reynsluskala, allt frá því að vera í
seiðaeldi, strandeldi fisks upp í slát-
urstærð, ásamt kvíaeldi í Noregi.
Þegar hann kom hingað til baka,
seinni hluta árs 2015, þá var hann í
raun farinn að hefjast handa við
þessa hugmyndavinnu. Um leið
hófst ítarleg leit að góðu svæði fyrir
þetta verkefni, og sú leit náði allt frá
Suðurnesjum og austur um.“
Fyrir valinu varð gömul fimm
hektara námugryfja, fjögurra til sjö
metra djúp, við strandlengju Þor-
lákshafnar; niðurgrafin og rétt við
sjóinn uppfyllti hún allar kröfur
hópsins og meira en það.
Hópurinn hefur einnig fest kaup á
330 hektara landi við Hveragerði,
suður undir Kömbunum, en þar
hyggjast þeir útbúa seiðastöð.
„Þetta svæði í Þorlákshöfn var
ekkert skilgreint sem iðnaðarsvæði
undir fiskeldi áður en við leituðumst
við að fá það úthlutað, en hug-
myndin okkar var sú að nýta þessa
dýpt til að setja körin þar niður. Það
þýðir að við spörum þá metra í raf-
orkukostnaði sem fylgir því að dæla
sjó upp úr jörðinni og í körin. Það er
því svolítið eins og hugmyndafræðin
í kringum verkefnið, og ég er búinn
að vera að lýsa, hafi hitt þarna fyrir
svæði sem hafi hreinlega verið
hannað fyrir hana. Til að mynda er
þegar búið að hrófla þarna töluvert
við jörðinni, sem þýðir að tilkoma
eldisins breytir engu þar um. Okkur
er annt um þessa staðreynd.“
„Þarna viljum við vera“
Ingólfur segir að í Þorlákshöfn eigi
sér nú stað margir spennandi hlutir,
sem þó fari ekki endilega hátt, og
það þrátt fyrir að hafa nýlega misst
um fimmtíu störf með brotthvarfi
Frostfisks til höfuðborgarsvæðisins.
„Bæjarfélagið er á mikilli uppleið
eftir að ákveðið var að fara í miklar
framkvæmdir til að stækka og bæta
höfnina. Þorlákshöfn hefur þurft að
glíma við miklar áskoranir en um
leið tekið stór skref í átt að gríð-
arlegum tækifærum. Þegar við
skoðum heildarmyndina þá, já – þeir
hafa misst ansi stóra tekjuþætti úr
byggðarlaginu, en ég spái því að eft-
ir tíu ár þá verði Þorlákshöfn búin
að þróast töluvert í krafti þess
hversu mikið er að gerast í kringum
höfnina, og hversu duglegir þeir
hafa verið í að nýta sér tækifærin, til
dæmis hvað varðar Mykinesið. Og
þarna viljum við vera.“
Spurður hvort hópurinn hafi í
hyggju að nýta sér Mykinesið, sem
fer vikulega frá Þorlákshöfn til
Færeyja og Rotterdam, segir Ing-
ólfur að það komi vissulega til
greina. Einnig nefnir hann Keflavík-
urflugvöll, en þangað er vitaskuld
hægt að flytja vörur án þess þó að
þurfa að leggja leið sína í gegnum
höfuðborgarsvæðið.
Verði í Þorlákshöfn frá A til Ö
Hópurinn hélt kynningu fyrir íbúa
Ölfuss í Þorlákshöfn í marsmánuði.
Segir Ingólfur að viðbrögð bæj-
arbúa hafi verið mjög góð.
„Það er ágætt að nefna það að
samvinnan við sveitarfélagið hefur
verið algjörlega einstök. Ég segi það
við hvern sem er. Þarna starfar fólk
sem er greinilega mjög annt um
framtíð sveitarfélagsins. Síðan hefur
verið skemmtileg forvitni í bæj-
arfélaginu í kjölfar íbúakynning-
arinnar. Við höfum fengið fjölda fyr-
irspurna um hvað það er sem við
erum að pæla, hver markmiðin séu
og svo framvegis, sem er mjög
ánægjulegt,“ segir Ingólfur.
„Eins og við setjum verkefnið
upp, þá á það að vera í Þorlákshöfn
frá A til Ö. Við viljum að öll vinna í
kringum þetta verkefni fari fram í
sama byggðarlagi og á þann hátt
ættum við að geta aflað fimmtíu
starfa, sem tengjast myndu eldinu á
einn hátt eða annan. Það er mik-
ilvægt í okkar huga að verkefnið
verði sterkur hluti af bæjarfélag-
inu.“
FÖSTUDAGUR 6. APRÍL 2018 MORGUNBLAÐIÐ 11
Lyftarar, loftpressur, gírar,
aflvélar og rafstöðvar í
hæsta gæðaflokki.
VELDU VÖNDUÐ VÖRUMERKI SEM HAFA
SANNAÐ SIG TIL SJÓS OG LANDS
Við leggjum mikla áherslu á þjónustuþáttinn og
undirstrikum að það er margsannað hversu
miklu skiptir að fá þjónustu frá sérhæfðum
starfsmönnum fyrir viðkomandi vélbúnað.
„
“
KLETTAGARÐAR 8-10
104 REYKJAVÍK
590 5100
ÞEGAR MEST
Á REYNIR
„Færri óvissuþættir
að banka á dyrnar“
Spurður um þá kosti sem hann telur felast í fiskeldi í landi segist Ingólfur
vilja hugsa sem best um fiskinn, ekki aðeins sem vöru heldur einnig sem
lífveru.
„Við ættum að vera fullkomlega lausir við laxalúsina, þar sem við tökum
upp síaðan sjó í gegnum borholur. Þá er fimmföld hindrun á útfallinu, með
tilliti til slysasleppingar, og því á öryggið þar að vera mjög mikið. Eining-
arnar eru þá með þeim hætti, í kerunum, að við eigum að geta haft góða
stjórn á hverri einingu fyrir sig,“ segir Ingólfur.
„Enn fremur erum við varðir fyrir þeim gríðarlegu náttúruöflum sem eru
hér í kringum Ísland, einu mesta sjóhamfarasvæði á jörðinni. Við þurfum
ekki að hafa nokkrar einustu áhyggjur af því. Loks þurfum við ekki að reka
neinn bát í kringum þetta verkefni, eins og þarf við eldi í kvíum. Viðhald á
öllum byggingum á þá að vera í lágmarki, því við erum ekki alveg ofan í
sjónum. Þannig ættum við að geta sofið örlítið betur á nóttunni, enda eru
færri óvissuþættir að banka á dyrnar hjá okkur.“