Fréttablaðið - 05.12.2018, Blaðsíða 32

Í febrúar á þessu ári var ég, sem fulltrúi Félags kvenna í atvinnulífinu (FKA), skipuð af velferðarráðuneytinu í nefnd til að meta umfang kyn-
ferðislegrar áreitni, kynbundinnar
áreitni eða ofbeldis auk eineltis á
íslenskum vinnumarkaði sem og
aðgerðir vinnuveitenda í tengslum
við slík mál á vinnustöðum. Verk-
efnum nefndarinnar er að mestu
lokið, en fram undan er að fram-
kvæma rannsóknir í samræmi við
áherslur nefndarinnar. Í ágúst sl.
var ég einnig skipuð fulltrúi FKA í
aðgerðahóp, sem ætlað er að koma
á fót og fylgja eftir aðgerðum á
vinnumarkaði sem miða að því að
koma í veg fyrir einelti, kynferðis-
lega áreitni, kynbundna áreitni og
ofbeldi á vinnustöðum. Í erindis-
bréfi aðgerðahópsins er sérstak-
lega gert ráð fyrir að litið verði í því
sambandi til aðgerða annarra ríkja
hvað þetta varðar.
Í framhaldi af atburðarás síð-
ustu viku, varðandi lítilsvirðandi
ummæli þingmanna á hinu háa
Alþingi, er ég vægast sagt mjög
hugsi yfir verkefnum þessara
nefnda og hvort raunhæft sé að
leggja þá vinnu og hugsun í verk-
efnið sem nauðsynlegt er til að ná
fram breytingum í samfélaginu.
Klaustursmálið hefur sýnt okkur
fram á það að við skerum okkur
ávallt úr í samanburði við aðrar
þjóðir og um okkur Íslendinga
gilda einfaldlega önnur lögmál.
Nokkur dæmi um tilefni til
afsagnar þingmanna og ráðherra
í nágrannaríkjum okkar geta
hjálpað okkur að ná samhengi
hlutanna. Í sumar sagði bandaríski
Repúblikaninn Jason Spencer af sér
embætti ríkisþingmanns í Georg-
íu eftir að breski grínistinn Sacha
Baron Cohen manaði Spencer til
að gera óviðeigandi hluti í grín-
þætti sínum. Meðal þess sem hann
fékk Spencer til að gera í þættinum
var að öskra orðið „nigger“ ítrekað
eftir að Cohen sagði honum að
„n-orðið“ hefði fælingarmátt gegn
hryðjuverkamönnum. Hann tók
einnig myndir upp undir búrkur
kvenna. Önnur dæmi um tilefni til
afsagna tveggja ráðherra í sænsku
ríkisstjórninni fyrir allnokkru,
voru fréttir þess efnis að þeir hefðu
greitt barnfóstrum sínum laun
löngu áður en þeir tóku við emb-
ættum sínum, án þess að greiddir
væru af þeim skattar.
Þrátt fyrir mikla leit á veraldar-
vefnum hef ég ekki fundið nein
merki þess að þessir ráðherrar
og þingmenn hafi einir og sjálfir
þurft „að gera upp við sig“ hvort
þeir vildu sitja sem þingmenn.
Þeir eiga einfaldlega ekki annarra
kosta völ en að segja af sér þegar
þeir hafa verið staðnir að verki við
skattsvik, kynþáttafordóma eða
aðra hegðun sem telst óviðeigandi
fyrir einstaklinga í þeirri stöðu sem
þeir gegna.
Það er lítill tilgangur í öllum
byltingum og aðgerðum til að
breyta menningu og samfélagi ef
þær breytingar eiga aðeins að ná
til „almúgans“ í landinu en ekki
þeirra sem fara með æðsta valdið;
löggjafarvaldið á Íslandi. Það er vel
þekkt að fyrirmyndir eru mikil-
vægar við mótun menningar. Ef
þingmenn mega sýna fordóma á
óyggjandi hátt gagnvart konum,
fötluðum, samkynhneigðum og
öðrum minnihlutahópum, er þá til
einhvers að búa til nefndir og ráð
sem ætlað er að gera breytingar á
menningu í þessum málaflokki? Ef
vilji er til þess að ná fram raunveru-
legum breytingum til jafnréttis á
Íslandi, þar sem einstaklingar af
hvaða kyni sem er og hvaða kyn-
hneigð sem er eiga að upplifa sig
örugga, skulum við byrja hjá þeim
sem fara með völdin. Þeir sem
sinna þingstörfum þurfa að lág-
marki að bera virðingu fyrir þeim
hópum sem þeir þjóna, auk þess
sem samstarfsmenn og konur eiga
að geta treyst því að þeim sé sýnd
tilhlýðileg virðing.
Ef áfengi er notað sem afsökun
fyrir óviðeigandi hegðun, er þá
ekki grundvallaratriði að þeir sem
hlut eiga að máli lýsi því yfir að
þeir muni gera það sem í þeirra
valdi stendur til að hætta áfengis-
drykkju til að eiga ekki á hættu
nýtt hneykslismál á næsta bjór-
kvöldi? Til þess eigum við úrræði,
þó fjársvelt sé, sem stendur öllum
landsmönnum til boða að nýta sér.
Ef við viljum jafnrétti þurfum
við að losa Alþingi við þau viðhorf
sem birtust okkur svo glögglega
í Klaustursmálinu. Í fyrirtækja-
menningu er þekkt aðferð sem
kallast „Tone at the top“. Þá ganga
stjórn og stjórnendur á undan
með góðu fordæmi, sem hvetur
hinn almenna starfsmann til þess
að gera slíkt hið sama. Megin-
þorri þeirra sem sitja á Alþingi
hafa sýnt okkur að þeir samþykkja
ekki þá hegðun sem þessir sex ein-
staklingar hafa verið fordæmdir
fyrir en úrræðin eru takmörkuð til
aðgerða. Nú er tækifæri fyrir þá sex
einstaklinga sem hlut áttu að máli,
að sýna almenningi það fordæmi
að þeir sem fara með æðsta vald
þjóðarinnar beri virðingu fyrir
fólkinu í landinu með því að segja
sig frá þingstörfum án skilyrða.  
Eftir höfðinu dansa limirnir 
Hulda
Ragnheiður
Árnadóttir
framkvæmda-
stjóri Nátturu-
hamfaratrygg-
ingar Íslands
og stjórnar-
kona í FKA
Helga Árnadóttir er f ra m k væ m d a s t j ó r i og annar stofnenda Tulipop en fyrirtækið framleiðir varning og
afþreyingarefni sem byggir á sam-
nefndum ævintýraheimi og þeim
persónum sem þar finnast. Tulipop
skrifaði í sumar undir 700 milljóna
króna samning við alþjóðlegt stór-
fyrirtæki sem hyggst framleiða og
annast dreifingu á 52 sjónvarps-
þáttum um ævintýraheiminn. Helga
segir samninginn stökkpall til að búa
til arðbært alþjóðlegt fyrirtæki.
Hver eru þín helstu áhugamál?
Mér finnst fátt skemmtilegra en að
skipuleggja ferðalög á nýja og spenn-
andi staði og heimsækja með fjöl-
skyldu og vinum. Yfir vetrartímann
spila ég tennis vikulega með góðum
hópi, fer á skíði með fjölskyldunni og
svo reyni ég að komast sem oftast í
jóga. Síðan er fátt sem toppar sam-
veru með góðum vinum yfir ljúf-
fengum mat og drykk.
Hvernig er morgunrútínan þín?
Mér finnst dásamlegt að ná að
hreyfa mig í byrjun dags. Ef ég er
ekki á flakki vegna vinnu þá vakna
ég nokkra morgna í viku fyrst á
heimilinu og byrja daginn á jógatíma
eða lyftingum. Hina dagana borða ég
morgunmat í rólegheitunum heima
með fjölskyldunni og fletti blöð-
unum áður en ég held á skrifstofuna.
Síðan er fastur liður í morgunrútín-
unni að skella í tvöfaldan latte, en
fjárfesting í góðri kaffivél var tví-
mælalaust einn af mikilvægum tíma-
punktum í rekstrarsögu félagsins.
Hver er bókin sem ert að lesa eða
last síðast?
Ég er að lesa bókina Sakfelling –
forboðnar sögur frá Norður-Kóreu,
sem er ein af þeim áhugaverðu
bókum sem bókaforlagið Angústúra
hefur gefið út í fallegri útgáfu. Alveg
mögnuð lesning.
Hvað er það skemmtilegasta við
starfið?
Það eru allar áskoranirnar, fjöl-
breytnin og það að hafa tækifæri til
að hrinda nýjum og skemmtilegum
verkefnum í framkvæmd á hverjum
degi í samstarfi við frábært sam-
starfsfólk. Við höfum átt því láni að
fagna að hafa fengið einstaklega gott
fólk til liðs við félagið og hjá Tulipop
starfar öflugt teymi á skrifstofum
okkar í Reykjavík og í NY. Auk þess
vinnum við með erlendum aðilum
víða um heim að verkefnum á borð
við teiknimyndaframleiðslu og gerð
nytjaleyfasamninga og það er fátt
skemmtilegra en að vinna með kláru
fólki sem maður getur lært af.
Ef þú þyrftir velja allt annan starfs-
frama, hver yrði hann?
Ég þrífst á því að hrinda hlutum
í framkvæmd og myndi vafalaust
sækjast eftir starfi þar sem ég hefði
tækifæri til að leiða spennandi verk-
efni og þá helst í alþjóðlegu umhverfi.
En hver veit, kannski myndi ég
ákveða að venda kvæði mínu algjör-
lega í kross og gerast vínbóndi í Pied-
mont-héraði á Ítalíu, framleiða ljúf-
feng lífræn vín og rækta ólífur.
Hverjar eru helstu áskoranirnar í
starfinu?
Ein helsta áskorunin er forgangs-
röðun. Eitt af því sem er svo spenn-
andi við Tulipop er að tækifærin eru
svo mörg. Það er hægt að færa Tulipop
ævintýraheiminn til lífs í svo mörgum
formum, í gegnum varning, teikni-
myndir, leiki, bækur, og svo mætti
lengi telja. Það er þó ekki hægt að gera
allt í einu og höfum við reynt að for-
gangsraða grimmt og leggja áherslu á
vel valin verkefni og markaðssvæði.
Síðan er líka stöðug áskorun að púsla
saman ferðalögum vegna vinnu, fjöl-
skyldulífi og félagslífi.
Hverjar eru helstu áskoranirnar í
rekstrarumhverfinu í dag?
Stóra áskorunin er að byggja upp
öflugt fyrirtæki sem byggir á íslensku
hugverki og hugviti. Við erum í raun
á ákveðnum tímamótum núna, þar
sem við gerðum fyrr á árinu mikil-
vægan samning við stórt alþjóðlegt
fyrirtæki um meðframleiðslu á 700
m.kr. teiknimyndaseríu sem mun
verða seld til sjónvarpsstöðva um
allan heim. Stóra áskorunin er að láta
þá teiknimyndaseríu líta dagsins ljós
sem fyrst, tryggja að hún verði bæði
vönduð og skemmtileg, og nýta hana
sem stökkpall til að búa til arðbært
alþjóðlegt fyrirtæki sem nær til
barna og fullorðinna um allan heim.
Hvaða breytingar sérðu fyrir þér
í rekstrarumhverfinu á komandi
árum?
Við sjáum fram á spennandi breyt-
ingar á ýmsum sviðum sem tengjast
rekstri Tulipop. Tvö kjarnasvið starf-
seminnar eru annars vegar sala á
Tulipop-varningi og hins vegar fram-
leiðsla á afþreyingarefni, s.s. teikni-
myndum, en ör þróun er að eiga sér
stað á báðum sviðum. Línuleg dag-
skrá er á hröðu undanhaldi og neyt-
endur sækja sér afþreyingarefni á
stað og stund sem þeim hentar. Einn-
ig er að breytast hratt hvernig fólk
kaupir varning og þjónustu, viðskipti
eru að færast yfir á netið í síauknum
mæli og á sama tíma er aukin eftir-
spurn eftir vörumerkjum og versl-
unum sem bjóða upp á skemmtilega
upplifun. Það verður verkefni kom-
andi ára að nýta tækifærin sem felast
í þessum breytingum og gera fólki
kleift að tengjast Tulipop-heiminum
á sem fjölbreyttastan hátt.
Ævintýraheimur Tulipop á tímamótum
Helga segir tækifæri Tulipop mörg og því sé forgangsröðun ein helsta áskorunin. FRéTTablaðið/anTon bRink
Svipmynd
Helga Árnadóttir
Helstu drættir
nám:
l MBA frá London Business
School.
l B.Sc. í tölvunarfræði frá
Háskóla Íslands.
Störf:
l Framkvæmdastjóri Tulipop.
Fjölskylduhagir:
l Gift Ingva Hrafni Óskarssyni
lögfræðingi. Við eigum saman
Steinunni, 8 ára, og Guðmund
6 ára, og svo á ég 16 ára stjúp-
dóttur, Ingibjörgu Þórunni.
5 . d e s e m b e r 2 0 1 8 m I Ð V I K U d A G U r12 markaðurinn
0
5
-1
2
-2
0
1
8
0
4
:2
3
F
B
0
4
8
s
_
P
0
3
2
K
.p
1
.p
d
f
F
B
0
4
8
s
_
P
0
2
9
K
.p
1
.p
d
f
F
B
0
4
8
s
_
P
0
1
7
K
.p
1
.p
d
f
F
B
0
4
8
s
_
P
0
2
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
1
A
2
-E
F
F
4
2
1
A
2
-E
E
B
8
2
1
A
2
-E
D
7
C
2
1
A
2
-E
C
4
0
2
7
5
X
4
0
0
.0
0
1
6
A

F
B
0
4
8
s
_
4
_
1
2
_
2
0
1
8
C
M
Y
K