Stjarnan - 01.02.1954, Blaðsíða 1

STJARNAN
FEBRÚAR, 1954 LUNDAR, MANITOBA
Áreiðanleg lífsábyrð
Framtíð manna í þessum heimi er alveg
óútreiknanleg. Menn verða að vera við öllu
búnir, því enginn veit hvað dagurinn ber í
skauti sínu.
Hvernig getum vér snúið oss undir slík-
um kringumstæðum? Hvað getum vér
gjört til tryggingar framtíðinni? Jesús gef-
ur oss áreiðanlega aðferð til þess er hann
segir: „Leitið fyrst Guðs ríkis og hans
réttlætis, og þér munuð fá hitt alt í viðbót“.
Matt. 6:33. Þetta er eini vegurinn til far-
sællar framtíðar, því Guðs eilífa dýrðarríkí
er það sem vér getum haft örugga fullvissu
um, því Jesús lofaði lærisveinum sínum:
,,Ég fer að tilbúa yður stað . . . og ég mun
koma aftur og taka yður til mín, svo þér
séuð þar sem ég er“.
Það er hughreystandi að vita að veru-
leiki hins komanda heims er óyggjandi. Alt
skapað bendir á endalok hins núverandi
heims og nálægð þess tíma, er Guð stofnar
sitt eilífa friðarríki. Vér getum öruggir
bygt von vora á þeirri trú, sem Páll postuli
lét í ljósi, er hann sagði: „Og nú er mér
geymdur sveigur réttlætisins, sem Drott-
inn mun gefa mér á þeim degi, hann hinn
réttláti dómari; en ekki einungis mér held-
ur og öllum sem elskað hafa opinberun
hans“. 2 Tím. 4:8.
Hvernig get ég verið viss um inngöngu
í Guðs ríki? Er Guðs ríki aðeins hærri
trappa, sem allir menn geta smám saman
náð? Eða er ákveðinn vegur, sem vér
verðum að fylgja til að komast þangað?
Davíð hefir fullvissað oss um að Guð hefir
veg, sem vér verðum að fylgja: „Kunnan
gjörir þú mér veg lífsins, gleðignótt er
fyrir augliti þínu, yndi í hægri hendi þinni
að eilífu“. Sálm. 16:11.
Allir geta fylgt þessum vegi, ef þeir að-
eins vilja, hann liggur upp á við beint til
hliða himinsins. Jesús er vegurinn, sann-
leikurinn og lífið, fylgið honum. Hann
segir: „Lyftið upp höfðum yðar, því lausn
yðar er í nánd“. Á þessari leið til himins
eru tveir vegvísarar: „Hér eru þeir, sem
varðveita boðorð Guðs og trúna á Jesúm“.
Op. 14:12. Hver sem vill fylgja þessum
vegi verður að byrja með því að meðtaka
Jesúm sem frelsara sinn. „Því ekkert annað
nafn er undir himninum í hverju oss ber
sáluhólpnum að verða“. Post. 4:12. Enginn
getur komist alla leið áfram, nema hann
varðveiti Guðs boðorð. „Ef þú vilt inn-
gang til lífsins þá haltu boðorðin“. Matt.
19:17. „Sælir eru þeir sem breyta eftir hans
boðorðum, svo þeir geti fengið aðgang að
lífsins tré og megi innganga um borgar-
hliðin inn í borgina“. Op. 22:14.
—P. M. MATACIO
-----------☆-----------
Engar hliðardyr til himnaríkis
Eitt kvöld í Bombay á Indlandi var
barið að dyrum hjá mér eftir að ég var
sofnaður. Ég vaknaði og fór til dyranna.
Þar var ungur maður, sem stöðugt hafði
sótt samkomur þær, er ég hafði haldið í
lengri tíma. Eftir fáar mínútur sagði hann
mér erindi sitt þar sem við sátum í skrif-
stofu minni. Hann óskaði eftir að verða
kristinn, fylgja Jesú og halda öll Guðs
boðorð. — Nærri öll.
„Ég er fús að borga tíund og leggja
fram gjafir til kirkjunnar,“ sagði hann,
„en það eru einstök atriði, sem ég get ekki
gengist undir, en það verður eflaust alt í
lagi ef ég styð fjárhag kirkjunnar“.