Fréttablaðið - 08.02.2019, Blaðsíða 2

Veður
Norðaustan 13-23, hvassast SA-
lands. Snjókoma eða él, en þurrt og
bjart veður á S- og SV-landi. Norðan-
hríð á A-verðu landinu með lélegu
skyggni. Frost 0 til 8 stig. SJÁ SÍÐU 16
Þvottastöðvar á yfirsnúningi
Bílabaðið reyndist mörgum biðarinnar virði í gær. Leysingar í vikunni afhjúpuðu grútskítugar götur sem snjór og ís höfðu áður falið. Við þvotta-
stöð Löðurs við Fiskislóð á Granda var svo löng biðröð frá morgni til kvölds að aðrir vegfarendur komust vart leiðar sinnar. FRÉTTABLAÐIÐ/SIGTRYGGUR
Brauðostur
á tilboði
Nú færðu Brauðost 26% í sérmerktum
umbúðum í næstu verslun!
FJÖLMIÐLAR „Ég er þeirrar skoðunar
að þetta frumvarp hafi afskaplega
lítið að segja fyrir alvöru fjölmiðla.
Þetta er kannski til þess fallið að
halda lífinu í þessum minni miðlum
sem er kannski sjónarmið í sjálfu
sér en breytir engu um rekstrarum­
hverfi þeirra fjölmiðla sem skipta
mestu máli,“ segir Sveinn R. Eyjólfs­
son, fyrrverandi blaðaútgefandi, um
frumvarp menntamálaráðherra um
stuðning við einkarekna fjölmiðla.
Sveinn hefur mikla reynslu af
blaðaútgáfu en hann var meðal
annars útgefandi Vísis og stofnaði
ásamt öðrum Dagblaðið, DV og
Fréttablaðið. Aðspurður segist hann
ekki þora að segja til um það hvort
staða fjölmiðla nú sé verri en á hans
tíð.
„Ég var í þessu í 40 ár og þetta var
upp og niður á þeim tíma. Maður
þurfti að glíma við alls konar
aðstæður.“
Frumvarp Lilju Alfreðsdóttur
menntamálaráðherra gengur út á að
einkareknir fjölmiðlar geti að upp­
fylltum skilyrðum fengið opinbera
styrki til að mæta launakostnaði
á ritstjórnum. Fleiri þættir eru til
skoðunar eins og staða RÚV á aug­
lýsingamarkaði.
„Það er orðið löngu tímabært að
fara yfir hlut RÚV á auglýsingamark­
aði. Slíkar aðgerðir hefðu miklu
meira vægi fyrir rekstur fjölmiðla.
Það væri raunveruleg aðgerð.“
Fyrirmynd frumvarpsins er
meðal annars sótt til hinna Norður­
landanna en Sveinn bendir á að
þangað væri hægt að sækja fleiri
hugmyndir.
„Varðandi dagblöðin væri það
skilvirkasta leiðin að fara þá leið
sem Norðmenn fóru og veita styrki
vegna pappírskaupa. Það kom dag­
blöðum mjög vel því þar er stór
hluti kostnaðar. Þetta er líka mark­
viss stuðningur því það fer ekkert á
milli mála í hvað hann fer.“
Hann telur að sú þróun sem átt
hefur sér stað í útgáfu dagblaða á
Vesturlöndum þar sem blöðum
fækkar og upplag minnkar verði
ekki breytt. „Þetta er náttúrulega
allt annað umhverfi en var í minni
tíð. Þótt sjónvarpið kæmi þarna inn
og færi að slást við okkur um auglýs­
ingar þá var ekki netið þar að auki.“
Sveinn rifjar upp að þegar hann
var að stíga sín fyrstu skref í dag­
blaðabransanum hafi verið til stað­
ar ákveðinn ríkisstyrkur sem fólst í
því að ríkið keypti ákveðið margar
áskriftir að dagblöðunum.
„Það var eiginlega mitt fyrsta
verk þegar ég byrjaði á Vísi að segja
þessum áskriftum upp vegna þess
að ég vildi ekki ríkisstyrk. Þar að
auki vissi ég með sjálfum mér að
lausasalan myndi taka við þessu
sem reyndist raunin. Þetta var eini
ríkisstyrkurinn á minni tíð en þetta
var fellt niður upp úr þessu.“
sighvatur@frettabladid.is
Brýnna verk að skoða
auglýsingasölu RÚV
Sveinn R. Eyjólfsson, einn reyndasti blaðaútgefandi landsins, telur frumvarp um
stuðning við einkarekna fjölmiðla litlu breyta fyrir þá miðla sem mestu máli
skipti. Endurskoðun á stöðu RÚV á auglýsingamarkaði væri alvöru aðgerð.
Sveinn R. Eyjólfsson er margreyndur í rekstri dagblaða. FRÉTTABLAÐIÐ/EYÞÓR
Ég var í þessu í 40 ár
og þetta var upp og
niður á þeim tíma. Maður
þurfti að glíma við alls konar
aðstæður.
Sveinn R. Eyjólfsson,
fyrrverandi blaðaútgefandi
DÓMSTÓLAR Landeigendur Reykja­
hlíðar í Þingeyjarsýslu hafa stefnt
Skútustaðahreppi fyrir Héraðsdóm
Norðurlands eystra og krefjast þess
að fá hærri greiðslu fyrir heitt vatn
en heitt vatn til hreppsins kemur úr
landi Reykjahlíðar.
Þorsteinn Gunnarsson, sveitar­
stjóri Skútustaðahrepps, segir ekki
um verulegar fjárhæðir að ræða. „Í
grunninn er þetta byggt á gömlum
samningi frá því rétt eftir 1970. Með
frekari og bættri tækni hafa orðið
breytingar. Landeigendur óska eftir
því að uppgjör samnings frá þeim
tíma verði á einhvern hátt lagfært,“
segir Þorsteinn. „Við erum nú ekki
að tala um miklar upphæðir en þetta
hleypur á nokkur hundruð þúsund
krónum árlega.“
Landeigendur í Reykjahlíð eru þó
nokkrir og er jörðin, sem er óskipt,
í eigu einkahlutafélags sem heitir
Landeigendur Reykjahlíðar ehf.
Stærsti eigandi einkahlutafélagsins
er fyrrverandi sveitarstjóri Skútu­
staðahrepps, Guðrún María Val­
geirsdóttir. Jörðin er gríðarstór og
nær frá Dettifossi í austri að Náma­
skarði í vestri.
Málið er á dagskrá héraðsdómsins
um miðjan næsta mánuð. Þorsteinn
vonar að hægt verði að klára málið
með sátt áður en að þeim tíma komi.
„Við höfum fundað með eigendum
og við munum funda aftur í næstu
viku. Við teljum það betra að ná sátt
og klára þetta með samningum,“
bætir Þorsteinn við. – sa
Landeigendur í
mál við hreppinn
UMFERÐARSLYS Tvennt slasaðist
alvarlega í gær í Ljósavatnsskarði
þegar tvær bifreiðar skullu saman og
lentu utan vegar. Voru bifreiðarnar
sem um ræðir að koma hvor úr sinni
áttinni.
Tvennt var í báðum bifreiðunum.
Ökumaður og farþegi í öðrum
bílnum slösuðust ekki alvarlega
en í hinum bílnum slösuðust báðir
alvarlega og voru fluttir til Akureyrar.
Klippa þurfti ökumann bifreiðarinn­
ar úr bílnum.
Samkvæmt varðstjóra á vakt
hjá Slökkviliðinu á Akureyri skipti
miklu máli að Vaðlaheiðargöngin
væru komin í gagnið, með þeim hafi
viðbragðstími verið styttri en ella og
hægt að komast að hinum slösuðu
fyrr. Kalt var á svæðinu og hinir
slösuðu því orðnir nokkuð kaldir.
Allir fjórir sem lentu í slysinu voru
íslenskir ríkisborgarar. – sa
Göngin sönnuðu
gildi sitt eftir slys
Landeigendur Reykjahlíðar voru
stórhuga árið 2014 um gjaldtöku við
Námaskarð. FRÉTTABLAÐIÐ/VÖLUNDUR
8 . F E B R Ú A R 2 0 1 9 F Ö S T U D A G U R2 F R É T T I R ∙ F R É T T A B L A Ð I Ð
0
8
-0
2
-2
0
1
9

0
4
:5
4
F
B
0
4
0
s
_
P
0
3
9
K
.p
1
.p
d
f
F
B
0
4
0
s
_
P
0
0
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
4
6
-0
9
E
C
2
2
4
6
-0
8
B
0
2
2
4
6
-0
7
7
4
2
2
4
6
-0
6
3
8
2
7
5
X
4
0
0
.0
0
1
1
B

F
B
0
4
0
s
_
7
_
2
_
2
0
1
9
C
M
Y
K