Mosfellingur - 01.10.2015, Blaðsíða 15

heilsu
hornið
Meistaraflokkur
kvenna
í handknattleik
Davíð Svansson er þjálfari meistaraflokks kvenna í handbolta
Erfiður og krefjandi
vetur framundan
Hvernig leggst tímabilið í þig?
Tímabilið leggst bara nokkuð vel í mig. Það verður
mjög erfitt og krefjandi en það þarf bara að halda áfram
til þess að reyna að byggja upp. Ég veit hvað þessar
stelpur geta, þær þurfa bara svolítið að sjá það sjálfar
og þá eru þeim allir vegir færir.
Hafa einhverjar breytingar orðið á liði
Aftureldingar?
Það hefur ekki verið mikið um breytingar, við mis-
stum lítið og fengum nokkrar hörkuefnilegar.

Hvernig er staðan á leikmönnum?
Staðan er mjög góð ennþá og ekkert um alvarleg
meiðsl. Þetta er hörkudeild þar sem allar eru í toppformi
og við þurfum að reyna að halda í við þær.
Hver eru markmið vetrarins?
Við höfum ekki sett okkur markmið og munum ekki gera
það. Við förum inn í hvern leik með mismunandi markmið
þar sem það er nokkuð mikill munur á liðunum í deildinni.
Eitthvað að lokum til Mosfellinga?
Ég vil byrja á því að þakka þeim sem hafa mætt á leiki hjá
okkur hingað til. Það var frábær stuðningur í síðasta heima-
leik gegn HK. Þetta verður langur og strangur vetur og þurfa
stelpurnar allan þann stuðning sem kostur er á.
Meistaraflokkur karla tók langan tíma í að komast þang-
að sem liðið er í dag og eru stelpurnar að stíga sín fyrstu
skref í að byggja upp gott lið sem á heima í efri hlutanum
í efstu deild. Til þess þurfum við góða umgjörð og góðan
stuðning.
Áfram Afturelding!!! Ó, UMFA, við elskum þig!!!Davíð svansson
þjálfari