Morgunblaðið - 04.10.2018, Side 7

MORGUNBLAÐIÐ FIMMTUDAGUR 4. OKTÓBER 2018 7SJÁVARÚTVEGUR
Í gær var dagur þorsksins haldinn
hátíðlegur í fjórða sinn í Húsi
sjávarklasans. Viðburðinum er ætl-
að að minna á hve mikilvægur
þorskurinn er
fyrir hagkerfi Ís-
lands og hvernig
þorskafurðir og
tækni tengd veið-
um og vinnslu
standa árlega
undir stórum
hluta af útflutn-
ingstekjum
landsins.
Í tilefni dagsins gaf Sjávkarlasinn
út nýja samantekt, Heill sé þér
þorskur, sem sýnir svart á hvítu hve
ómissandi þessi dýrmæti fiskur er
orðinn: „Bara frá aldamótum er
heildarverðmæti útfluttra þorsk-
afurða tæpir 1.700 milljarðar króna
uppreiknað á verðlagi þessa árs.
Það gerir um það bil 5 milljónir
króna á hvern Íslending, eða 20
milljónir á hverja fjögurra manna
fjölskyldu á aðeins 18 ára tímabili,“
segir Húni Jóhannesson, sérfræð-
ingur hjá Arctica Finance. Húni er
einn af höfundum samantektarinnar
og hefur yfirumsjón með samstarfi
Sjávarklasans og Arctica Finance.
Húni bendir á að þorskurinn, sem
og aðrar fisktegundir, hafi líka þjón-
að hlutverki stuðpúða á erfiðum tím-
um í efnahagslífi Íslands. „Ásgeir
Jónsson hagfræðingur nefndi þetta í
erindi á Sjávarútvegsdegi Deloitte á
dögunum; að þegar hriktir í stoðum
atvinnulífsins hjálpar sjávarútveg-
urinn til að efla hagkerfið og ná aft-
ur jafnvægi,“ segir hann. „Verð-
mætin sem verða til í sjávarútvegi
dreifast líka víða um samfélagið,
bæði til þeirra sem starfa við fisk-
vinnslu og veiðar og líka tæknifyr-
irtækjanna sem hanna og smíða
skip og tæki, og til annarra stoð-
greina.“
Mikilvægi þorsksins segir Húni
að mælist ekki bara í seldum afurð-
um, heldur komi líka fram í starf-
semi þeirra fyrirtækja sem urðu til í
kringum ýmsa þjónustu við sjávar-
útveginn. „Mikil nýsköpun hefur
sprottið upp úr sjávarútveginum og
ný fyrirtæki orðið til sem hafa í
framhaldinu haslað sér völl á öðrum
sviðum. Einnig hafa komið fram á
sjónarsviðið hátæknifyrirtæki sem
sérhæfa sig í að búa til glænýja
vöruflokka úr sjávarfangi, s.s. verð-
mæt ensím, fæðubótarefni og lækn-
ingavörur.“
Húni segir að það sé vegna þess-
arar miklu nýsköpunar að á sama
tíma og þorskveiðar hafi dregist
saman um helming hafi heild-
arverðmæti þorskafurða tvöfaldast.
„Þegar mest lét, áður en kvótakerfið
var sett á, lönduðu íslensk skip um
460.000 tonnum af þorski en und-
anfarin þrjú ár hefur aflamarkið
verið á bilinu 244 til 264.000 tonn.
Hefur tekist að gera hvert þorskkíló
um það bil fjórfalt verðmætara á hér
um bil þremur áratugum enda blasti
það við greininni eftir að kvótakerf-
inu var komið á að leggja þyrfti
áherslu á hagræðingu, nýsköpun,
tæknivæðingu og gæði.“
Forskotið fer minnkandi
Íslenskur fiskur þykir bera af og
matgæðingar um allan heim taka ís-
lenskan þorsk fram yfir þorsk sem
veiddur er annars staðar. Húni
bendir á að það megi samt ekki
sofna á verðinum og að aðrar fisk-
veiðiþjóðir muni smám saman saxa á
það forskot sem íslenskur sjávar-
útvegur hefur í dag. Hann nefnir
sem dæmi að rússneskur sjávar-
útvegur hafi tekið miklum fram-
förum á undanförnum árum og fjár-
fest í nýjum skipum og fiskvinnslum.
„Það er vert að íhuga hvað mun
gerast þegar þorskur og aðrar fisk-
tegundir sem veiddar eru í Norður-
Atlantshafi verða orðnar mjög svip-
aðar að gæðum hjá öllum þjóðum.
Íslandsstofa og SFS hafa unnið frá-
bært starf við að markaðssetja ís-
lenskan fisk en þegar lítill munur
verður orðinn á íslenskum, græn-
lenskum, norskum, færeyskum og
kanadískum fiski gæti þurft að
breyta um stefnu,“ segir Húni og
bætir hlæjandi við: „Ég veit að það
jaðrar við landráð en þegar þessu
marki verður náð gæti verið hyggi-
legast fyrir þjóðir sem veiða fisk í
Norður-Atlantshafi að taka höndum
saman um markaðssetningu, t.d. á
Asíumarkaði, frekar en að berjast
innbyrðis um markaðshlutdeild.“
Að því sögðu bendir Húni á að
mörg góð tækifæri bíði íslenska
þorsksins og nefnir hann þann
glugga sem virðist hafa myndast á
Bandaríkjamarkaði út af tollastr-
íðinu við Kína. Eins og fjallað hefur
verið um eru margar útgerðir í
Alaska háðar því að láta verka afla
sinn í Kína og flytja svo þaðan aftur
til Bandaríkjanna en hækkaðir toll-
ar raska því viðskiptamódeli. „Ís-
lenskur sjávarútvegur gæti gripið
tækifærið og haslað sér völl á
Bandaríkjamarkaði. Jafnvel ef toll-
astríðið verður seinna blásið af þá
væri búið að kynna neytendum
þessa góðu vöru og vonandi auka
markaðshlutdeild íslensks fisks til
frambúðar.“
Þorskurinn vítamínsprauta og stuðpúði
Ásgeir Ingvarsson
ai@mbl.is
Verðmæti útfluttra þorsk-
afurða frá aldamótum jafn-
gildir um 20 milljónum
króna á hverja fjögurra
manna fjölskyldu. Önnur
lönd saxa smám saman á
gæðaforskot Íslands.
Morgunblaðið/Helgi Bjarnason
Það munar heldur betur um áhrif blessaðs þorsksins í hagkerfi Íslands.
Húni
Jóhannesson
TM, Síðumúla 24, 108 Reykjavík · 515 2000 · tm.is
Stjórn Tryggingamiðstöðvarinnar hf. boðar til hluthafafundar í félaginu sem haldinn verður fimmtudaginn
25. október 2018 kl. 16:00 í fundarsal félagsins að Síðumúla 24, Reykjavík, 4. hæð.
Dagskrá
Tillaga um breytingar á samþykktum félagsins varða 13., 15. og 16. gr. auk
þess sem lagt er til að ný grein komi inn í samþykktirnar á eftir 25. gr. og verði
26. gr., en allar breytingarnar lúta að því að koma á fót tilnefningarnefnd í
félaginu í samræmi við góða stjórnarhætti. Einnig er gerð tillaga um sérstakt
bráðabirgðaákvæði í þeim tilgangi að unnt verði þá strax að ganga frá skipan
nefndarinnar svo hún megi hefja þegar störf til undirbúnings fyrir aðalfund á
næsta ári.
Framboð til setu í tilnefningarnefnd, sbr. 4. dagskrárlið, skulu hafa borist skrif-
lega stjórn félagsins skemmst fimm dögum fyrir hluthafafundinn á sérstöku
eyðublaði sem stjórnin lætur í té og unnt er að nálgast á vef félagsins
(www.tm.is/fjarfestar). Unnt er að senda félagsstjórninni útfyllta og undir-
ritaða framboðstilkynningu fyrir lok framboðsfrests með tölvuskeyti á netfangið
stjorn@tm.is. Eigi síðar en tveimur dögum fyrir fundinn verða birtar á vefsíðu
félagsins upplýsingar um framboð til nefndarinnar.
Hluthafar hafa heimild til að fá ákveðið mál tekið til meðferðar á fundinum og skal
kröfu þar um fylgja rökstuðningur eða drög að ályktun sem berast skal stjórn
félagsins skriflegar eða rafrænt á netfangið stjorn@tm.is í síðasta lagi
15. október næstkomandi.
Hluthafi getur látið umboðsmann sækja hluthafafund fyrir sína hönd.
1. Tillaga um breytingar á samþykktum félagsins.
2. Tillaga um starfsreglur tilnefningarnefndar.
3. Tillaga um þóknun til tilnefningarnefndar fyrir störf fram að
aðalfundi 2019.
Umboðsmaður skal leggja fram skriflegt eða rafrænt umboð á eyðublaði eða
í samræmi við eyðublað sem aðgengilegt er á vef félagsins, tm.is/fjarfestar.
Rafrænt umboð skal sent félaginu á netfangið stjorn@tm.is áður en fundur hefst.
Ekki verður unnt að greiða atkvæðimeð rafrænumhætti á fundinum. Óski hluthafi
að taka fyrir fram þátt í atkvæðagreiðslu skriflega og fá sendan atkvæðaseðil skal
hanngeraskriflegakröfuþarumtil félagsinseigi síðarenfimmdögumfyrir fundinn.
Að auki er unnt að greiða atkvæði á skrifstofu félagsins á venjulegum opnunar-
tíma (kl. 09:00 til 16:00) til og með miðvikudeginum 24. október 2018, en fyrir
lokunþanndagskal einnig skila þangaðútsendumatkvæðaseðlum. Nánar fer um
atkvæðagreiðsluna og gildi atkvæða samkvæmt henni eftir reglum félagsins um
atkvæðagreiðslu utan hluthafafundar, settum af stjórn félagsins 18. desember
2013.
Dagskrá hluthafafundarins og tillögur sem fyrir hann verða lagðar, svo og aðrar
nauðsynlegar upplýsingar um fundinn má finna á vef félagsins (www.tm.is/fjarfestar).
Hluthafar og umboðsmenn geta skráð sig á fundinn á fundarstað hálfri
klukkustund áður en hann hefst og fengið fundargögn afhent.
Stjórn Tryggingamiðstöðvarinnar hf.
HLUTHAFAFUNDUR Í TRYGGINGAMIÐSTÖÐINNI HF.
25. OKTÓBER 2018
4. Kosning tveggja nefndarmanna í tilnefningarnefnd sem starfa
skal fram að aðalfundi 2019.
5. Önnur mál löglega fram borin.