Morgunblaðið - 04.10.2018, Qupperneq 11

MORGUNBLAÐIÐ FIMMTUDAGUR 4. OKTÓBER 2018 11FRÉTTIR
Af síðum
Það verður seint hægt að segja að værð-
in sem fylgir haustinu umvefji Thomas
Borgen, fyrrverandi bankastjóra Danske
Bank. Þegar upplýst var á mánudag að
hann myndi láta tafarlaust af störfum
hækkaði hlutabréfaverð bankans (þó
bara lítillega). Hluthafaráðgjafarfyrir-
tækið Hermes EOS hefur hvatt stjórn
Danske til að höfða mál gegn Borgen og
öðrum stjórnendum bankans vegna 200
milljarða evra peningaþvættismálsins
sem kom upp í Eistlandi og leiddi til upp-
sagnar bankastjórans.
Hluthafar fá ekki heldur að njóta neinna huggulegheita. Eftir
uppákomuna í Tallinn eru hlutabréf Danske þriðjungi ódýrari en hjá
hinum stóru norrænu bönkunum, miðað við bókfært verð. Í dag selj-
ast hlutabréf bankans á verði sem jafngildir um það bil sjöföldum
væntum tekjum hans sem er freistandi verð enda hefur það ekki verið
lægra í árafjöld.
En eftir sitja tvö vandamál. Fyrir það fyrsta er hættan á að eftir-
litsstofnanir muni hella sér yfir bankann. Peningaþvætti, Rússland og
sameignarfélag í London sem nú er búið að leysa upp, með meintar
tengingar við ráðamenn í Kreml, er grunsamleg blanda. Allt ætti
þetta að vekja mikinn áhuga eftirlitsstofnana í Kaupmannahöfn og
Brussel, sem og efnahagsbrotadeildar lögreglunnar í Bretlandi. Er
næsta víst að bankinn þarf að greiða háar sektir, jafnvel allt að einn
milljarð evra.
Hinn vandinn leynist hinum megin við Atlantshafið. Danske er
mjög í mun að það komi fram að bankinn er ekki með rekstrarleyfi í
Bandaríkjunum og starfrækir ekki nein útibú þar, svo að áhyggjur
fjárfesta af risasekt frá bandarískum stjórnvöldum ættu ekki að raun-
gerast. Aðrir hafa bent á að sú rannsókn sem bankinn gerði sjálfur
bendi til, að svo stöddu, að ekki hafi verið brotið gegn neinum þving-
unaraðgerðum.
En innanhússransókn bankans á málinu er ekki lokið. Og bandarísk
stjórnvöld eru gjörn á að líta svo á að öll viðskipti sem hafa eitthvað
með Bandaríkjadalinn að gera heyri undir lögsögu þeirra.
Yfirstandandi endurkaupaáætlun bankans gæti styrkt hlutabréfa-
verðið og á bankinn enn 3,2 milljarða danskra króna (498 milljónir
dala) til að verja í endurkaup fram til febrúar. En ólíklegt verður að
teljast að endurkaupin verði framlengd eftir það. Dönsk stjórnvöld
gætu tekið fyrir frekari endurkaup þar til liggur ljóst fyrir hve mikið
tjónið af peningaþvættismálinu mun verða. Á meðan ættu hlut-
hafar ekki að hafa það of huggulegt með hlutabréfunum sínum.
LEX
AFP
Danske Bank: Tapaði
áttum í Tallinn
Samtökin sem halda utan um inn-
tökupróf í MBA-nám hafa greint
frá því að áhugi á háskólagráðunni
hafi minnkað í fyrsta skipti síðan í
fjármálakreppunni.
Umsóknum um laus pláss við
þær námsbrautir sem fóru af stað í
síðasta mánuði fækkaði um 0,02%
miðað við sama tíma árs í fyrra.
Skrifast þessi lækkun einkum á
7% samdrátt í Bandaríkjunum,
fæðingarstað MBA-námsins.
Í Bandaríkjunum hefur áhuginn
á viðskiptanámi farið dalandi
undanfarin fimm ár. En fram til
þessa hafði það vegið á móti sam-
drættinum þar að mikill vöxtur
hefur átt sér stað í Kyrrahafshluta
Asíu og í Evrópu þar sem námið er
alla jafna styttra og ódýrara.
Í Kyrrahafshluta Asíu hefur um-
sóknum um skólavist í MBA-námi
fjölgað um 8,9%, á meðan aukn-
ingin í Evrópu er 3,2% og í Kan-
ada 7,7% samkvæmt útreikningum
Graduate Management Admission
Council (GMAC). Dugði það ekki
til að vega á móti niðursveiflunni í
Bandaríkjunum.
Ólga hefur áhrif
Sangeet Chowfla, stjórnar-
formaður og forstjóri GMAC, vill
skrifa þróunina í Bandaríkjunum á
„raskandi“ stjórnmálaástand sem
hefur virkað letjandi á erlenda
námsmenn að sækja um við banda-
ríska háskóla, auk þess sem asískir
og evrópskir háskólar veita þeim
bandarísku æ harðari samkeppni.
„MBA-nám utan Bandaríkjanna
er áfram í blóma,“ segir Chowfla
og bætir við að gott ástand á
bandarískum vinnumarkaði hafi
gert marga Bandaríkjamenn frá-
hverfa því að setjast aftur á skóla-
bekk því það gæti kostað þá dýr-
mæt tækifæri í starfi.
„Það er því hægt að skilja að
vissu marki hvers vegna eft-
irspurnin eftir námi við suma
bandaríska háskóla hefur farið
minnkandi eftir að hafa áður náð
methæðum,“ segir Chowfla.
Tölur GMAC byggjast á könnun
sem náði til 1.087 MBA-náms-
brauta við 363 háskóla í 44 lönd-
um.
Ólíkt því sem er uppi á ten-
ingnum í Bandaríkjunum hafa er-
lendir námsmenn ýtt upp aðsókn-
artölum í meistaranámi í
viðskiptum í Evrópu og Kanada.
Umsóknum heimamanna fækk-
aði um 11,2% í Kanada og þær juk-
ust um aðeins 1,1% í Evrópu. Hins
vegar fjölgaði umsóknum erlendra
nemenda um 16,4% annars vegar
og 3,4% hins vegar svo að heilt á
litið varð ágætis fjölgun umsækj-
enda á milli ára á báðum stöðum.
Við Rotman School of Manage-
ment í Toronto fjölgaði umsóknum
um 7% á þessu ári og 28% árið þar
á undan. Stafar þessi fjölgun nær
alfarið af fjölgun erlendra um-
sækjenda, að því er Maria Rivera,
framkvæmdastjóri MBA-náms-
brautarinnar, greinir frá.
Helmingurinn erlendis frá
Af þeim 335 nemendum sem
hófu þar nám í haust kemur helm-
ingurinn erlendis frá, og af þeim
eru sárafáir Bandaríkjamenn.
Háskólinn hefur það að mark-
miði að laða til sín fjölbreyttan hóp
nemenda sem hafa ólíka sýn á
fyrirtækjarekstur enda læra nem-
endur ekki hvað síst af umræðum í
kennslustund, að sögn Rivera.
„Við freistum þess að skapa al-
þjóðlega menntastofnun þar sem
nemendur geta lært af fólki frá öll-
um heimshornum,“ segir hún.
Umsóknum við Fuqua School of
Business with Duke-háskóla fækk-
aði um 7% á þessu ári.
Bill Boulding, rektor Fuqua,
varar við því að erfitt muni reyn-
ast að viðhalda góðu hagvaxt-
arstigi ef vinnumarkaðurinn nýti
ekki krafta nýrrar kynslóðar ein-
staklinga sem hafa menntað sig
til forystu í viðskiptalífinu. Segir
hann að aðgerða sé þörf til að
laða að fjölbreyttari umsækj-
endahóp.
„Aðgengi að menntun er mikil
áskorun þegar kemur að menntun
á háskólastigi,“ segir Boulding.
„Við þurfum að greiða leið fólks
frá öllum heimshlutum og með
alls kyns bakgrunn til að mennta
sig og starfa hvar í heiminum
sem það hefur löngun til.“
Í fyrsta skipti fer aðsókn
í MBA-nám minnkandi
Eftir Jonathan Moules, frétta-
ritara á sviði viðskiptanáms
Í fyrsta sinn frá því að
fjármálakreppan skall á
heimsbyggðinni árið 2008
hefur aðsókn í MBA-nám
á heimsvísu dregist sam-
an. Enn sem fyrr má rekja
samdráttinn til þverrandi
eftirspurnar í Bandaríkj-
unum, landinu þar sem
námslínan á uppruna sinn.
AFP
Aðsókn í MBA nám í Bandaríkjunum hefur dregist verulega saman og nemur samdrátturinn 7% í ár.
Suðurlandsbraut 20, Reykjavík, sími 588 0200, eirvik.is
amlegt ka
nýmalað,
en in h l i.
ynntu r Jura a v lar í Eirví . i óðum þér í kaffi.
s
k
é V ð jK k ffi
y