Morgunblaðið - 15.11.2018, Blaðsíða 6

Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
„Þarna hittist fólk og miðlar af
reynslu sinni, myndar ný sambönd
við annað fólk í atvinnugreininni og
styrkir á sama tíma eldri tengsl. Ráð-
stefnugestum gefst líka tækifæri til
að sjá ólík sjónarhorn annarra á
vandamál og lausnir sem þeir glíma
ef til vill við í sínum daglegu störf-
um,“ segir Helga í samtali við 200
mílur.
„Við leggjum líka áherslu á að hafa
fjölbreytt efnistök, þannig að við er-
um ekki bara að einblína á einn hóp
innan sjávarútvegs heldur reynum að
taka greinina fyrir í heild sinni. Við
fáum einnig fjölda ábendinga í að-
draganda ráðstefnunnar hverju sinni,
um hvað væri gott að taka til umfjöll-
unar.“
Mikilvægt sé að vera með nýj-
ungar á hverju ári. „Við reynum allt-
af að koma inn með eitthvað nýtt og
þróa þannig þessa ráðstefnu enn bet-
ur,“ segir hún.
Skipuleggja hraðstefnumót
„Í ár ætlum við að vera með svo-
kallaða nemendamálstofu, þar sem
fólk sem starfar í atvinnugreininni
kemur og miðlar gagnlegum upplýs-
ingum til nemenda sem eru áhuga-
samir um framtíðarferil innan grein-
arinnar.“
Þá verður svokallað hraðstefnu-
mót, þar sem nemendur fá tækifæri
til að spyrja stjórnendur fyrirtækja
ýmissa spurninga. „Þannig geta þeir
gefið af sinni reynslu til nemendanna.
Mér skilst að töluverð aðsókn sé í
þennan dagskrárlið og að nemendur
séu mjög spenntir fyrir þessu. Það
verður því gaman að sjá hvernig
þetta kemur út.“
Helga segir að sér finnist mikil-
vægt að tengja nemendur inn í ráð-
stefnur sem þessa. „Þá geta þeir
tengt menntun sína við framtíðar-
störf í greininni og geta þannig séð
ákveðin tækifæri. Í sjávarútveginum,
eins og öðrum greinum, þá taka yngri
kynslóðir við af þeim eldri, og í því
sambandi tel ég mikilvægt að þessi
vettvangur sé til staðar til að tengja
kynslóðirnar betur saman, á þessum
sameiginlega grundvelli. Jafnvel geta
myndast einhver atvinnutækifæri í
kjölfarið. Ég vona þess vegna inni-
lega að þessi liður sé kominn til að
vera á dagskrá sjávarútvegsráðstefn-
unnar.“
Mikilvægir styrktaraðilar
Hún bendir á að sjálf hafi hún eitt
sinn verið nemi. „Og ef ég hugsa til
baka þá hefði mér þótt svona málstofa
mjög spennandi kostur.“
Nokkur fjöldi styrktaraðila stendur
að baki ráðstefnunni hverju sinni og
segir Helga framlag þeirra ómetan-
legt. „Án stuðnings frá þeim gætum
við ekki haldið ráðstefnuna. Styrkt-
araðilarnir halda okkur gangandi og
ef þeirra nyti ekki við þá væri þetta
ómögulegt. Ráðstefnan hefur enda
stækkað og nú er þetta í þriðja sinn
sem hún er haldin í Hörpu.“
Spurð hvað efst sé á baugi í um-
ræðu um sjávarútveg núna nefnir
Helga sjálfbærni og öra tækniþróun.
„Við lifum á þessari öld þar sem
miklar tækninýjungar eru og við horf-
um fram á miklar breytingar á sjávar-
útvegi, þannig að þetta eru mjög
spennandi tímar. En á sama tíma
þurfum við að beina sjónum okkar að
umhverfismálum og að aukinni sjálf-
bærni innan atvinnugreinarinnar,“
segir Helga.
Ekki sammála um svarið
„Sölu- og markaðsmál útflytjenda
íslenskra sjávarafurða eru einnig í
deiglunni og við ætlum að reyna að
gera þeim góð skil á ráðstefnunni. Til
umræðu er hvort útflytjendur eigi að
koma sér upp nokkurs konar
sameiginlegu vörumerki og vera
þannig samheldnari út á við, eða hvort
halda eigi áfram núverandi ástandi.
Fólk er ekki sammála um svarið við
þessari spurningu og þess vegna
verður skemmtilegt og spennandi að
sjá umræður um þetta, eins og önnur
málefni, í lok hverrar málstofu.“
Fjölbreytt efnistök á ráðstefnunni
Skúli Halldórsson
sh@mbl.is
Sjávarútvegsráðstefnan hefst í Hörpu í dag og lýkur síð-
degis á morgun. Hún er mikilvægur vettvangur fyrir fólk í
atvinnugreininni til að koma saman og ráða ráðum sín-
um, segir Helga Franklínsdóttir, stjórnarformaður ráð-
stefnunnar.
Morgunblaðið/Árni Sæberg
„Við lifum á þessari öld þar sem miklar tækninýjungar eru og við horfum fram á miklar breytingar á sjávarútvegi.“
6 MORGUNBLAÐIÐ FIMMTUDAGUR 15. NÓVEMBER 2018
Varahlutir í allar
Cummins vélar
Fljót og áreiðanleg þjónusta
Frá 1940
www.velasalan.is
Sími 520 0000, Dugguvogi 4 , 104 Reykjavík
AF 200 MÍLUM Á MBL.IS
Rækjuverksmiðjan Kampi ehf. á Ísafirði hefur skrifað undir samning
um kaup á karakerfi frá Skaganum 3X. „Reksturinn hjá Kampa ehf.
hefur gengið vel undanfarna mánuði og góður stígandi hefur verið í
vinnslunni,“ segir Albert Haraldsson, rekstrarstjóri Kampa.
„Það var því kjörið tækifæri að fara út í fjárfestingar á búnaði í
rækjuverksmiðjunni.“ Verið sé að auka afköst og sjálfvirkni hjá fyrir-
tækinu og kaup á góðu karakerfi frá Skaganum 3X séu liður í því.
Ávinningur kerfisins er sagður mikill, þar sem það auki afköst og
sjálfvirkni verksmiðjunnar. Notkun lyftara minnki til muna auk þess
sem meðhöndlun á hráefni og körum verði betri.
„Fyrirtæki í sjávarútvegi hérlendis eru ávallt að leita leiða til þess
að ná fram meiri afköstum, auka sjálfvirkni og bæta meðhöndlun af-
urða,“ segir Freysteinn N. Mánason, svæðissölustjóri Skagans 3X.
Ávinningur kerfisins er sagður mikill fyrir verksmiðjuna á Ísafirði.
Kampi fjárfestir í nýju
kerfi frá Skaganum 3X