Morgunblaðið - 29.01.2019, Qupperneq 2

2 FRÉTTIRInnlent
MORGUNBLAÐIÐ ÞRIÐJUDAGUR 29. JANÚAR 2019
Álfabakka 12, 109 Rvk • s. 557 2400 • bjorg@bjorg.is • Opið virka daga kl. 8-18
Fjölskyldufyrirtæki
frá 1953
Þú kemur með
fjórar flíkur en
greiðir fyrir þrjár
(ódýrasta flíkin frítt)
4 3fyrir
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Ágúst Ingi Jónsson
aij@mbl.is
Þrátt fyrir kalsaveður undanfarið
hefur verið líflegt í hvalaskoðun
frá Reykjavík og Akureyri að
undanförnu, að sögn Rannveigar
Grétarsdóttur, stjórnarformanns
Eldingar. Hún segir að janúar
virðist ætla að verða jafn góður og
eins og best gerðist í janúar 2015
og 2016, sem voru toppmánuðir.
Kuldinn sé lítið vandamál því far-
þegum sé boðið að klæðast vinnu-
flotgöllum, sem hlífi vel gegn
vetrarríkinu.
„Við höfum verið heppin með
veður síðustu vikur og alveg
sérstaklega heppin með það að í
tæpa tvo mánuði hafa þrír hnúfu-
bakar verið í Kollafirði, gjarnan í
grennd við Lundey,“ segir Rann-
veig. „Það hefur nokkurn veginn
verið á vísan að róa í ferðunum að
undanförnu.
Hnúfubakana má þekkja í sund-
ur á sporðinum og stundum höfum
við séð þá alla, en stundum bara
einn í ferð. Við höfum örsjaldan
þurft að leita fyrir okkur utar á
flóanum og síðasti laugardagur er
ein af fáum undantekningum. Þá
sáum við bara nokkrar hnísur, sem
teljast varla með, og farþegar
fengu endurkomumiða til að koma
aftur síðar.“
Fólk af flestu þjóðerni
Eðli málsins samkvæmt er
hvalaskoðun mjög háð veðri. Rann-
veig segir að nú í janúar hafi varla
þurft að fella niður hvalaskoðunar-
ferð vegna veðurs, en t.d. í febrúar
í fyrra hafi hátt í helmingi ferða
verið aflýst vegna veðurs. Norður-
ljósaferðir hafi hins vegar verið
erfiðar í ár, ekki hafi verið mikið
um norðurljós og oft skýjað.
Hún segir að fólk af flestu þjóð-
erni sæki í hvalaskoðun, en Bretar,
Bandaríkjamenn og Þjóðverjar
hafi verið áberandi. Út janúar
verði aðeins ein ferð á dag á veg-
um Eldingar, en með lengri sólar-
gangi fjölgi ferðum og strax í febr-
úar verði boðið upp á tvær ferðir á
dag. Rannveig segir að í fyrra hafi
orðið rúmlega 10% samdráttur í
hvalaskoðun frá Reykjavík. Leið-
inlegt veður hafi þar átt stóran
þátt, en einnig sterkt gengi sem
hafi gert það að verkum að fólk
hafi sparað við sig.
Ljósmynd/Guðlaugur Ottesen
Hvalaskoðun Hnúfubakarnir í grennd við Lundey á Kollafirði hafa glatt ferðamenn í hvalaskoðun undanfarið.
Á vísan að róa í hvalaskoð-
un þrátt fyrir kalsaveður
 Hnúfubakar í Kollafirði  Varla þurft að fella niður ferð
Baldur Arnarson
baldura@mbl.is
Uppbygging nýs íbúðahverfis á Sel-
tjarnarnesi gæti hafist undir lok
ársins ef áform fjárfesta ganga
eftir. Um er að ræða svonefnda
Bygggarða vestast á Nesinu.
Fasteignaþróunarfélagið Landey
á stóran hluta lóðanna austast á
svæðinu. Svæðið hefur í áratugi ver-
ið notað undir léttan iðnað. Borgar-
plast var þar með aðstöðu, ásamt því
sem þar voru m.a. smiðjur og bíla-
verkstæði. Hafa flestar þessara
bygginga verið rifnar.
Var samþykkt árið 2013
Deiliskipulag undir íbúðabyggð á
svæðinu var samþykkt árið 2013.
Uppbygging samkvæmt því deili-
skipulagi hófst hins vegar ekki. Nú
er verkefnið aftur komið á rekspöl.
Hafa eigendur svæðisins látið
vinna nýtt deiliskipulag sem verður
kynnt íbúum og svo tekið til umfjöll-
unar hjá Seltjarnarnesbæ.
ASK arkitektar hafa unnið nýja
deiliskipulagið fyrir Landey en Páll
Gunnlaugsson arkitekt mun kynna
breytt skipulag á íbúafundi í
hátíðarsal Gróttu kl. 17.00 á fimmtu-
dag.
Páll segir að með breytingunum
fjölgi íbúðum í Bygggörðum úr 144 í
196. Byggingarmagnið aukist ekki
frá fyrra skipulagi heldur séu íbúð-
irnar minni. Þær séu nú að meðaltali
120 fermetrar en hafi áður verið 147
fermetrar. Flest húsin verði lágreist
og lítil fjölbýlishús en við Norður-
strönd verði þrjú stærri fjölbýlishús
með inngörðum til suðurs. Þá verði
einnig minni sérbýlishús í hverfinu.
Páll segir hönnun geta hafist þeg-
ar deiliskipulagið hefur verið sam-
þykkt, vonandi í vor eða haust.
Raunhæft sé að hefja framkvæmdir
fyrir áramót eða í byrjun árs 2020.
Íbúar Seltjarnarness voru tæp-
lega 4.600 í byrjun síðasta árs en
íbúafjöldinn hefur haldist stöðugur.
Að sögn Páls má reikna með
tveimur íbúum í íbúð en samkvæmt
því gætu um 400 manns búið í nýja
hverfinu. Með því myndi íbúum
fjölga um 9% í um fimm þúsund.
Kynna nýtt hverfi á Seltjarnarnesi
Teikning/ASK arkitektar
Horft til austurs Á þessari samsettu mynd má sjá hvernig arkitektar sjá fyrir sér Bygggarða á Seltjarnarnesi.
Bygggarðar
Seltjarnarnesi
Se
fga
rða
r
Lo
ft
m
yn
di
r e
hf
.
Norðurströnd
Bygg-
garðar
Mannfjöldaþróun á
Seltjarnarnesi 1998-2018
1998 2003 2008 2013 2018
4.575
4.602
 Fjárfestar
kynna nýtt skipu-
lag í Bygggörðum
Saksóknari í Shooters-málinu svo-
nefnda fór fram á að Artur Pawel
Wisock, sem er ákærður fyrir stór-
fellda líkamsárás og að hafa hrint
dyraverði á skemmtistaðnum
Shooters 26. ágúst, yrði dæmdur í
nokkurra ára fangelsi. Sagði saksókn-
ari í samtali við mbl.is í gær að hann
hefði ekki nefnt ákveðinn árafjölda
heldur vísað til fyrri dómafordæma
varðandi refsingu.
Þá var farið fram á sex til níu mán-
aða fangelsi að lágmarki yfir Dawid
Kornacki fyrir þátt hans í árásinni á
dyravörðinn. Aðalmeðferð í máli Wis-
ocks og Kornacki lauk í gær, en þeir
voru ákærðir fyrir sérstaklega hættu-
lega líkamsárás, með því að hafa í fé-
lagi við tvo óþekkta karlmenn veist
með ofbeldi að dyraverði á Shooters,
en hann lamaðist fyrir neðan háls eft-
ir árásina.
Saksóknari vísaði meðal annars til
fordæmis í máli frá árinu 2015, þar
sem tveir árásarmenn voru dæmdir í
fjögurra ára fangelsi fyrir að hafa
greitt fórnarlambi sínu þrjú hnefa-
högg sem höfðu varanlegar afleiðing-
ar og sagði saksóknari að miðað við
þann dóm ætti refsing Wisocks að
vera þyngri, miðað við þær afleiðing-
ar sem árásin á dyravörðinn hafði.
Farið fram á þungar
refsingar fyrir árás
 Aðalmeðferð lokið í Shooters-máli
Morgunblaðið/Eggert
Shooters-mál Saksóknari fer fram
á nokkurra ára fangelsi yfir Wisock.