Skagablaðið - 09.02.1989, Blaðsíða 8

8
Skagablaðið
Akraneskaupstaður, tæknideild.
Febrúar 1989.
MINNISBLAÐ
HÚSBYGGJANDANS
Seljendur
SOLUYFIRLIT
Áður en heimilt er að bjóða eign til sölu, verður
að útbúa söluyfirlit yfir hana. í þeim tilgangi þarf
eftirtalin skjöl.
VEÐBÓKARVOTTORÐ
Þau fást hjá bæjarfógetaembættinu, ef eignin
er á Akranesi,en annars á skrifstofu viðkomandi
bæjarfógeta— eða sýslumannsembættis. Opn-
unartíminn er yfirleitt milli kl. 10.00 og 16.00. Á
veðbókarvottorði sést hvaða skuldir (veðbönd)
hvíla á eigninni og hvaða þinglýstar kvaðir eru á
henni.
GREIÐSLUR
Hér er átt við kvittanir allra áhvílandi lána, jafnt
þeirra sem eiga að fylgja eigninni og þeirra, sem
á að aflýsa.
FASTEIGNAMAT
Hér er um að ræða matsseðil, sem Fasteigna-
mat ríkisins sendir öllum fasteignaeigendum í
upphafi árs og menn nota m.a. við gerð skatt-
framtals. Upplýsingar um fasteignamat eigna á
Akranesi eru veittar á Tæknideild Akranesbæjar,
sími 11211. Fasteignamat ríkisins er til húsa að
Borgartúni 21, Reykjavík, sími 84211.
FASTEIGNAGJÖLD
Sveitarfélög eða gjaldheimtur senda seðil með
álagningu fasteignagjalda í upphafi árs og er
hann yfirleitt jafnframt greiðsluseðill fyrir fyrsta
gjalddaga fasteignagjalda ár hvert. Kvittanir þarf
vegna greiðslu fasteignagjalda.
BRUNABÓTAMATSVOTTORÐ
Á Akranesi fást vottorðin hjá Brunabótafélagi
Islands, skrifstofunni á Skólabraut. í Reykjavík
hjá Húsatryggingum Reykjavíkur, Skúlatúni 2, II.
hæð, en annars staðar á skriftofu þess trygging-
arfélags sem annast brunatryggingar í viðkom-
andi sveitarfélagi. Vottorðin eru ókeypis. Einnig
þarf kvittanir um greiðslu brunatryggingar.
HÚSSJÓÐUR
Hér er um að ræða yfirlit yfir stöðu hússjóðs og
yfirlýsingu húsfélags um væntanlegar eða yfir-
standandi framkvæmdir. Formaður eða gjaldkeri
húsfélagsins þarf að útfylla sérstakt eyðublað
Félags fasteignasala í þessu skyni.
AFSAL
Afsal fyrir eign þarf að liggja fyrir. Ef afsalið er
glatað er hægt að fá Ijósrit af því hjá viðkomandi
fógetaembætti. Afsalið er nauðsynlegt, því það er
eignarheimildin fyrir fasteigninni og þar kemur
fram lýsing á henni.
KAUPSAMNINGUR
Ef lagt er fram Ijósrit afsals, er ekki nauðsynlegt
að leggja fram Ijósrit kaupsamnings. Það er því
aðeins nauðsynlegt í þeim tilvikum, að ekki hafi
fengist afsal frá fyrri eiganda eða því ekki enn
verið þinglýst.
EIGNASKIPTASAMNINGUR
Eignaskiptasamningur er nauðsynlegur, því að
í honum eiga að koma fram eignarhlutdeild í húsi
og lóð og hvernig afnotum af sameign og lóð er
háttað.
UMBOÐ
Ef eigandi annast ekki sjálfur sölu eignarinnar,
þarf umboðsmaður að leggja fram umboð, þar
sem eigandi veitir honum umboð til þess fyrir sína
hönd að undirrita öll skjöl vegna sölu eignarinnar.
YFIRLÝSINGAR
Ef sérstakar kvaðir eru á eigninni s.s. forkaups-
réttur, umferðarréttur, viðbyggingarréttur o.fl. þarf
að leggja fram skjöl þar að lútandi. Ljósrit af
slíkum skjölum fást yfirleitt hjá viðkomandi fógeta-
embætti.
TEIKNINGAR
Leggja þarf fram samþykktar teikningar af eign-
inni. Hér er um að ræða svokallaðar byggingar-
nefndarteikningar. Vanti þær má fá Ijósrit af þeim
hjá Tæknideild Akranesbæjar.
FASTEIGNASALAR
í mörgum tilvikum mun fasteignasalinn geta
veitt aðstoð við útvegun þeirra skjala, sem að
framan greinir. Fyrir þá þjónustu þarf þá að greiða
samkvæmt Viðmiðunargjaldskrá Félags fast-
eignasala auk beins útlagðs kostnaðar fasteigna-
salans við útvegun skjalanna.
Kaupendur
ÞINGLÝSING
Nauðsynlegt er að þinglýsa kaupsamningi
strax hjá viðkomandi fógetaembætti. Það er mikil-
vægt öryggisatriði.
GREIÐSLUR
Inna skal allar greiðslur af hendi á gjalddaga.
Seljanda er heimilt að reikna dráttarvexti strax frá
gjalddaga. Hér gildir ekki 15 daga greiðslufrestur.
LÁNAYFIRTAKA
Tilkynna ber lánveitendum um yfirtöku lána. Ef
Byggingarsjóðslán er yfirtekið, skal greiða fyrstu
afborgun hjá Veðdeild Landsbanka islands,
Laugavegi 77, Reykjavík og tilkynna skuldara-
skipti um leið.
LÁNTÖKUR
Skynsamlegt er að gefa sér góðan tíma fyrir
lántökur. Það getur verið tímafrekt að afla tilskil-
inna gagna s.s. veðbókarvottorðs, brunabóta-
mats og veðleyfa.
AFSAL
Tilkynning um eigendaskipti frá Fasteignamati
ríkisins verður að fylgja afsali, sem fer í þinglýs-
ingu. Ef skjöl, sem þinglýsa á, hafa verið undir-
rituð samkvæmt umboði, verður umboðið einnig
að fylgja með til þinglýsingar. Ef eign er háð
ákvæðum laga um byggingarsamvinnufélög, þarf
áritun byggingarsamvinnufélagsins á afsal fyrir
þinglýsingu þess.
SAMÞYKKI MAKA
Samþykki maka þinglýsts eiganda þarf fyrir
sölu og veðsetningu fasteignar, ef fjölskyldan býr
í eigninni.
GALLAR
Ef leyndir gallar á eigninni koma í Ijós eftir
afhendingu, ber að tilkynna seljanda slíkt strax.
Að öðrum kosti getur kaupandi fyrirgert hugsan-
legum bótarétti sakir tómlætis.
Gjaldtaka
ÞINGLÝSING
Þinglýsingargjald hvers þinglýsts skjals er nú
kr. 280,-
STIMPILGJALD
Það greiðir kaupandi af kaupsamningum og
afsölum um leið og þau eru lögð inn til þinglýsing-
ar. Ef kaupsamningi er þinglýst, þarf ekki að
greiða stimpilgjald af afsalinu. Stimpilgjald kaup-
samnings eða afsals er 0,4% af fasteignamati
húss og lóðar, þ.e. kr. 4.000 — af hverri milljón.
SKULDABREF
Stimpilgjald skuldabréfa er 1,5% af höfuðstóli
(heildarupphæð) bréfanna eða kr. 1.500.— af
hverjum 100.000.— Kaupandi greiðir þinglýs-
ingar— og stimilgjald útgefinna skuldabréfa
vegna kaupanna, en seljandi lætur þinglýsa
bréfunum.
STIMPILSEKTIR
Stimpilskyld skjöl, sem ekki eru stimpluð innan
2ja mánaða frá útgáfudegi, fá á sig stimpilsekt.
Hún er 10% af stimpilgjaldi fyrir hverja byrjaða
viku. Sektin fer þó aldrei yfir 50%.
Lántakendur
NÝBYGGING
Hámarkslán Byggingarsjóðs ríkisins vegna
nýrra íbúða nema nú, okt.— des., um kr.
3.343.000.— fyrir fyrstu íbúð en kr. 2.340.000.—
fyrir seinni íbúð. Skilyrði er að umsækjandi hafi
verið virkur félagi í lífeyrissjóði í a.m.k. 20 af síð-
ustu 24 mánuðum og að hlutaðeigandi lífeyris-
sjóðir hafi keypt skuldabréf af Byggingarsjóði
ríkisins fyrir a.m.k. 55% af ráðstöfunarfé sínu til
að fullt lán fáist. Þremur mánuðum fyrir lánveit-
ingu þurfa eftirtalin gögn að liggja fyrir
— Samþykki byggingarnefndar.
— Fokheldisvottorð byggingarfulltrúa. Aðeins
þarf að skila einu vottorði fyrir húsið eða stiga-
ganginn.
— Kaupsamningur.
— Brunabótamat eða smíðatrygging, ef húsið
er í smíðum.
ELDRA HÚSNÆÐI
Lán til kaupa á notaðri íbúð nemur nú kr.
2.340.000.—, ef um er að ræða fyrstu íbúð en kr.
1.638.000 — fyrir seinni íbúð. Umsækjandi þarf
að uppfylla sömu skilyrði varðandi lánshæfni og
gilda um nýbyggingarlán, sem rakin eru hér á
undan. Þremur mánuðum fyrir lánveitingu þurfa
eftirtalin gögn að liggja fyrir
Kaupsamningur vegna íbúðarinnar.
Samþykki byggingarnefndar, ef um kjallara eða
ris er að ræða, þ.e. samþykktar teikningar.
Brunabótamat.
LÁNSKJÖR
Lánstími húsnæðislána er 40 ár og ársvextir
eru 3,5%. Gjalddagar eru 1. febrúar, 1. maí, 1.
ágúst og 1. nóvember ár hvert. Lán eru afborgun-
arlaus fyrstu tvö árin og greiðast þá einungis
vextir og verðbætur á þau.
ÖNNUR LÁN
Húsnæðisstofnun veitir einnig ýmis sérlán, svo
sem lán til byggingar leiguíbúða eða heimila fyrir
aldraða. Lán til meiriháttar endurnýjunar og
endurbóta eða viðbyggingar við eldra íbúðarhús-
næði, svo og lán til útrýmingar á heilsuspillandi
húsnæði. Innan Húsnæðisstofnunar er einnig
Byggingarsjóður verkamanna, sem veitir lán til
eignaríbúða í verkamannabústöðum, lán til leigu-
íbúða sveitarfélaga, stofnana á vegum ríkisins og
félagasamtaka. Margir lífeyrissjóðir veita einnig
lán til félaga sinna vegna húsnæðiskaupa, svo að
rétt er fyrir hvern og einn að kanna rétt sinn þar.
Húsbyggjendur
LÓÐAUMSÓKN
Eftir birtingu auglýsingar um ný byggingar-
svæði geta væntanlegir umsækjendur kynnt sér
þau hverfi og lóðir, sem til úthlutunar eru á
hverjum tíma hjá byggingaryfirvöldum í viðkom-
andi bæjar— eða sveitarfélögum — á Akranesi á
Tæknideild bæjarins, Kirkjubraut 28. Skilmálar
eru þar afhentir fyrir viðkomandi byggingarsvæði.
Umsækjendur skulu fylla út nákvæmlega þar til
gert eyðublað og senda aftur til viðkomandi skrif-
stofu. í stöku tilfelli þarf í umsókn, að fylgja tillaga
að húsi en slíkra sérupplýsinga er þá getið í
skipulagsskilmálum og á umsóknareyðublöðum.
LÓÐAÚTHLUTUN
Þeir sem fá úthlutað lóð fá um það skriflega til-
kynningu og þar er þeim gefinn kostur á að stað-
festa úthlutunina með greiðslu stofngjalds innan
tilskilins tíma, sem venjulega er um 1 mánuður.
Þar koma einnig fram upplýsingar um upphæðir
endanlegra gjalda o.fl. liggi endanlegar bygging-
arnefndarteikningar fyrir.
Skilyrði þess að lóðaúthlutun taki gildi eru að
áætluð gatnagerðargjöld o.fl. séu greidd á réttum
tíma. Við staðfestingu lóðaúthlutunar fá lóðahafar
afhent nauðsynleg gögn, svo sem mæliblað í tví-
riti svo og hæðarblað í tvíriti og skal annað þeirra
fylgja leyfisumsókn til byggingarnefndar, aukfrek-
ari gagna ef því er að skipta.
GJÖLD
Gatnagerðargjöld eru mismunandi eftir
bæjar— og sveitarfélögum. Til viðmiðunar má þó
nefna, að á Akranesi eru gatnagerðargjöld A
fyrir 500 rúmmetra einbýlishús nú kr. 262.870,-
og önnur byggingar— og
heimæðargjöld kr. 79.750,-. Sömu gjöld fyrir 450
metra raðhús eru eru A-gjöld kr. 88.717,— og
önnur gjöld kr. 77.630,-
Inn í þessi gjöld vantar gatnagerðargjald B sem
er innheimt þegar lokið er varanlegri gatnagerð
við umrædda götu. Eru þau u.þ.b. hálft A-gatnag-
erðargjaldið.
FRAMKVÆMDIR
Áður en unnt er að hefjast handa við fram-
kvæmdir þarf framkvæmdaleyfi. í því felst bygg-
ingarleyfi og til að fá það þurfa byggingarnefndar-
teikningar að vera samþykktar og stimplaðar og
eftirstöðvar gatnagerðargjalds og önnur gjöld að
vera greidd. Einnig þarf að liggja fyrir bréf um
ábyrgð meistara, sem gefið er út þegar bygging-
arleyfi er fengið.
Fylla þarf út umsókn um vinnuheimtaugarleyfi
til rafmagnsveitu og með þeirri umsókn þarf að
fylgja byggingarleyfi, afstöðumynd sem fylgir
byggingarnefndarteikningu og umsókn um
raforku með undirskrift rafverktaka og húsbyggj-
anda. Umsækjanda er tilkynnt hvort hann uppfyllir
skilyrði rafmagnsveitu.
Þá þarf úttektir á ýmsum stigum framkvæmda
og sjá meistarar um að fá byggingarfulltrúa til að
framkvæma þær.
FOKHELT
Fokheldisvottorð, skilmálavottorð og lóða-
samningur eru mikilvæg plögg fyrir húsbyggjend-
ur og t.a.m. er fyrsta útborgun húsnæðislána
bundin því að fokheldisvottorð liggi fyrir. Bygging-
arfulltrúar gefa út fokheldisvottorð og skilmála-
vottorð og til að þau fáist þarf hús að vera fokhelt,
lóðarúttekt að hafa farið fram og öll gjöld, sem þá
eru gjaldfallin, að hafa verið greidd. Skrifstofur
bæjar— og sveitarfélaga (á Akranesi bæjarskrif-
stofa, Kirkjubraut 28) gera lóðarsamning við lóð-
arleigjanda. Þegar lóðarsamningi hefur verið
þinglýst getur lóðarhafi veðsett mannvirki á lóð-
inni.
Unnið og staðfært á Tæknideild Akranesbæjar
með hliðsjón af „minnisblaði“ sem bírtist í Morg-
unblaðinu þann 6. nóvember 1988.
■Kippið út úr blaðinu og geymið-