Bæjarblaðið - 15.03.1984, Page 1
4. tbl. — 15. mars1984— 6. árg.
Fréttablað Akurnesinga— Óháð pólitískum flokkadrætti
Frumvarp að Fjárhagsáætlun Akraneskaupstaðar 1984 til fyrrl umræðu
Útsvar 11 % í stað 12,1 % áður
Heildartekjur 116.5 milljónir — Heildargjöld 89.4 milljónir
Frumvarp aö fjárhagsáætlun
fyrir Akraneskaupstaö var lagt
fram til fyrri umræðu á fundi
bæjarstjórnar þann 6. mars sl.
Ingimundur Sigurpálsson,
bæjarstjóri, geröi grein fyrir frum-
varpinu, en litlar umræöur urðu
um þaö í þessari fyrri umræðu.
Frumvarpið gerir ráð fyrir að
heildartekjur Bæjarsjóðs verði
116,5 milljónir króna og þar af
verði útsvarstekjur 69,6 milljónir. í
frumvarpinu er gert ráð fyrir að
útsvarsprósentan verði 11% í
stað 12,1 % áður og sagði bæjar-
stjóri það þýða 9,1 % tekjulækkun
fyrir bæjarsjóð eða 7 milljónum
króna lægri tekjur en verið hefðu
með 12,1% álagningu. Tekjur
bæjarsjóðs af fasteignagjöldum
eru áætlaðar 12,9 milljónir króna.
Bæjarstjóri sagði í ræðu sinni að
Akraneskaupstaður hefði á liðnu
ári verið með lægstu tekjur kaup-
staða á landinu og stafaði það af
lágum meðaltekjum hér. Hann
benti einnig á að bæjarsjóður
nýtti sér ekki heimild fyrir 25%
aukaálagi á fasteignagjöld sem
aðrir kaupstaðir nýttu sér og hefði
þetta orðið til að rýra framlag
jöfnunarsjóðs til bæjarins, en skil-
yrði fyrir veitingu úr honum er að
allar álögur séu nýttar til fulls. Þá
benti hann á að gatnagerðargjald
B væri mun lægra hér en í ná-
grannasveitarfélögum svo sem
Borgarnesi, en í frumvarpinu er
gert ráð fyrir 100%hækkunB
gjaldsins.
Heildargjöld bæjarsjóðs eru
áætluð 89,4 milljónir. Stærsti
gjaldaliðurinn á áætluninni eru
almannatryggingar og félagsmál
sem áætlað er að kosti bæinn
25,7 milljónir og eru það 30% af
heildargjöldum. Þá eru fræðslu-
mál næst en þau eru áætluð
kosta 18,6 milljónir eða 28% af
gjöldum. Þriðji mesti gjaldaliður
er svo fjármagnskostnaður, sem
eru afborganir og vextir og kostar
sá liður bæjarsjóð 10,6 milljónir.
Rekstrarafgangur sem færist á
eignabreytingareikning og
verður til framkvæmda er svo
27,1 milljón. Til framkvæmda eru
samtals áætlaðar 42,0 milljónir
króna og samanstendur sú upp-
hæð af fjárveitingu frá ríkinu,
rekstrarafgangi og ýmislegu öðru
svo sem holræsagjaldi, gatna-
gerðargjaldi o.fl.
Eins og fyrr sagði urðu litlar
umræður á bæjarstjórnarfundi
um frumvarpið, þó stóðu bæjar-
fulltrúar minnihlutans upp og
átöldu helst hækkun fasteigna-
gjalda B. Fulltrúar meirihlutans
töldu hins vegar enga ástæðu til
lægri gjalda hér en annars
staðar, slíkt kæmi einungis niður
á minni gatnagerðarfram-
kvæmdum.
Seinni umræða um Fjárhags-
áætlunina verður 27. mars næst-
komandi og má búast við öllu
meiri umræðum þá.
Akraborgin:
Ný stefnisskrúfa
Nýja Akraborgin hefur nú
verið í slipp í Reykjavík um hálfs
mánaðar skeið og hefur gamla
Akraborgin verið í ferðum á
meðan. Verið er að setja nýja
stefnisskrúfu í skipið og verður
gamla stefnisskrúfan sett sem
bógskrúfa að aftan.
Þó svo að Akraborgin sé í
slipp í Reykjavík þá eru það
starfsmenn Þorgeirs og Ellerts
sem vinna verkið. Búist var við
að slippvinnunni yrði lokið nú
fyrir helgi og mun skipið þá
koma hingað heim og hér
verður unnið að lokafrágangi,
en upphaflega var áætlað að 6
vikur tæki að vinna verkið.
Vinna við þetta hefur gengið
mjög vel og því ekki ástæða til
að ætla annað en fyrrgreind
áætlun standist.
Akraneshöfn:
Nýstárleg flotbryggja
Nú undanfarið hafa staðið yfirtil-
raunir með nýstárlega flotbryggju
fyrir smábáta hér á Akranesi. Þrír
aðilar standa að þessari tilraun, en
það eru Sementsverksmiðjan,
Verkfræði- og teiknistofan og
Akraneshöfn. Steyptir hafa verið
tveir kubbar og samanstanda
þessir kubbar af einangrunarplasti,
trefjaplasti og steypu sem blönduð
er með kísilryki frá Járnblendi-
verksmiðjunni.
Kubbar þessir hafa nú verið
tengdir saman og grind byggð utan
um og síðan voru þeir settir á flot
við bátabryggjuna. Þar liggja síðan
smábátar við þessa tilrauna-
bryggju og er ætlunin að kanna
með þessu styrkleika bryggjunnar
og ef vel reynist má búast við að
settar verði upp flotbryggjur af
þessari gerð til að leysa viðlegu-
vanda smábáta hér á Akranesi.
Knattspyrna kvenna innanhúss:
IA Islandsmeistari
íslandsmeistarar ÍA í knattspymu kvenna innan- Ragna Lóa Stefánsdóttir, Kristín Aðalsteinsdóttir
húss 1984. Frá vinstri: Guðrún Gísladóttir, Sigurlín fyrirliði og Steinn Helgason þjálfari. Steinn var
Jónsdóttir, Kristín Reynisdóttir, Ágústa Friðriks- einnig þjálfari liðsins í fyrra.
dóttir, Laufey Sigurðardóttir, Karítas Jónsdóttir, _ Mynd Friðþjófur Helgason
ÍA varð íslandsmeistari í innan-
hússknattspyrnu kvenna 1984.
Þetta er í sjötta skipti sem ÍA verður
fslandsmeistari og er það frábær
árangur þar sem aðeins hefur verið
leikið um þennan titil í 14 skipti. Ein
af hinum nýbökuðu íslandsmeist-
urum hefur leikið með liðinu allt frá
byrjun og varð því íslandsmeistari í
sjötta sinn nú. Þetta er Kristín Aðal-
steinsdóttir sem nú er jafnframt fyr-
irliði liðsins.
í úrslitakeppni þriggja liða sigr-
aði ÍA Breiðablik með 4 mörkum
gegn engu og Val með 6 mörkum
gegn 4 og þar með var íslands-
meistaratitillinn í höfn annað árið í
röð.