Fréttir - Eyjafréttir - 23.07.2014, Side 6

°
°
6 Eyjafréttir / Miðvikudagur 23. júlí 2014
Ráðherrafundur EFTA :: Stórt skref í ferðaþjónustu í Vestmannaeyjum:
Viðhorf Eyjamanna, gest-
risni og vinarþel skilar sér
til gesta sem hingað koma
:: Það er mat Martins Eyjólfssonar, sendiherra og Eyjapeyja sem segir Eyjamenn hafi sem
heild staðist prófið :: Umsagnir gesta mjög lofsamlegar
Ráðherrafundur EFTA í síðasta
mánuði markar ákveðin
tímamót í ferðaþjónustu í
Vestmannaeyjum. Miklar kröfur
eru gerðar þegar haldnir eru
fundir af þessu tagi. Ráðherra-
fundir EFTA eru stærstu og
mikilvægustu fjölþjóðlegu fundir
sem íslensk stjórnvöld halda
hérlendis að undanskildum
ráðherrafundum NATO sem
haldnir eru með nokkurra
áratuga millibili en EFTA-fund-
irnir eru haldnir hér með
fjögurra ára millibili. Í stuttu
máli sagt þá stóðust Vestmanna-
eyjar, ferðaþjónustan og
Eyjamenn allir prófið. Umsagnir
gesta eru mjög lofsamlegar,
sama hvar borið er niður.
Eyjapeyinn Martin Eyjólfsson er
sendiherra Íslands í Genf og
fastafulltrúi Íslands hjá EFTA.
Hann var meðal þeirra sem komu
að undirbúningi og framkvæmd
fundarins og er mjög ánægður með
hvernig til tókst. „Það er mikill
auður fólginn í Vestmannaeyjum
sem slíkum og við getum verið stolt
af bænum okkar. Það var heiður
fyrir mig að fá að koma að þessu
verkefni og verða vitni að því
hvernig allir lögðust á eitt um að
gera vel. Já, það var ákaflega gaman
og gefandi,“ segir Martin þegar
hann fer með blaðamanni yfir
reynsluna af fundinum og hvaða
möguleika hann opnar.
Jákvæðni og kraftur ríkir í
Eyjum
„Það má ekki gera lítið úr þeirri
jákvæðni og krafti sem ríkir í
Eyjum um þessar mundir. Við
höfum lifað erfiða tíma og nei-
kvæðni og það dregur kjarkinn úr
fólki. En það er við þær aðstæður,
sem nú ríkja, sem forsendur
framfara og nýsköpunar eru
skapaðar. Góðir hlutir gerast í svona
umhverfi. Við sjáum þetta til dæmis
í ferðaþjónustunni en Vestmanna-
eyjar eru tilbúnar til að taka að sér
stór verkefni eins og sannaðist á
EFTA fundinum. Það má þakka
þeirri gríðarlegu uppbyggingu sem
átt hefur sér stað að undanförnu í
þeim geira og þegar bætist við
gestrisni, greiðvikni og hlýlegt
viðmót Eyjamanna, getur fátt
klikkað,“ sagði Martin sem hefur
tekið á móti mörgum þakkarpóstum
eftir fundinn.
„Fólkið fékk á tilfinninguna að
allir væru tilbúnir að greiða götu
þess, sama hvað kom upp á. Einn
gestinn langaði út í Stórhöfða og
var strax boðið far. Sá vildi borga
en fékk ekki. Þetta viðhorf
Eyjamanna, gestrisni og vinarþel
skilar sér til gesta sem hingað
koma. Þeir skynja viðmótið strax.
Einn kollegi minn sem kemur úr
undurfögru dalaþorpi, djúpt í
svissnesku Ölpunum sagði við mig
að hann hefði aldrei átt von á að
hitta fólk sem gæti verið ánægðara
og stoltara af heimahögunum en sitt
fólk heima í Sviss. – Fólkið, sem
hér býr, slær okkur við og það má
svo sannarlega vera ánægt með sinn
heimabæ,“ sagði hann.“
Samstaða í ferðaþjónustu
Martin segir að þetta finni fólk sem
hingað kemur á krakkamótin,
Pæjumót, Shellmót og síðast en
ekki síst þjóðhátíð. „Betri stað en
Vestmannaeyjar fyrir uppákomur af
öllu tagi er vart hægt að hugsa sér.
Góðar viðtökur á fundinum komu
mér því ekki á óvart. Fyrir nokkrum
árum var stundum talað um að
samstöðu hafi skort í ferðaþjónust-
unni hérna en ég held að það hafi
breyst. Það er mín reynsla að þeir
sem reka fyrirtæki í ferðaþjónustu í
dag standi saman. Tala vel hver um
annan en eru ekki að hnýta í
samkeppnisaðilann. Það er
örugglega heilbrigð samkeppni á
milli fólks en viðhorfið er að fá
hingað sem flest fólk sem er það
sem skiptir mestu máli. Mér finnst
allir vera að róa í sömu átt,“ segir
Martin og slær á viðkvæman streng
sem Landeyjahöfn er.
Hver dagur aðgerðaleysis er
rándýr
„Langstærsta verkefnið er að gera
Landeyjahöfn að heilsárshöfn. Hver
dagur aðgerðaleysis skapar ekki
bara óþægindi fyrir íbúa Vest-
mannaeyja heldur er hann rándýr
Eyjamönnum. Hér á landi er verið
að lengja ferðamannatímabilið og
það hefur tekist vel en ekki í
Vestmannaeyjum. Við verðum að
finna leiðir til að lokka hingað
ferðamenn á veturna og halda þeim
hérna,“ segir Martin sem sér fleiri
möguleika.
„Það er mikilvægt að flugvélar
sem koma erlendis frá geti lent á
Vestmannaeyjaflugvelli. Það má
ekki vegna öryggisreglna en það
þarf að setjast yfir þetta og finna
leið til að opna á flug beint til
Vestmannaeyja. Þetta skiptir allt
saman máli. Það koma árlega
hundruð ef ekki á annað þúsund
einkaþotur til landsins og það þarf
enginn að segja mér að einhverjir
myndu ekki vilja koma hingað og
taka einn hring á golfvellinum eða
bara fá sér að borða á þessum
frábæru veitingastöðum sem hér
eru.
Í þessu samhengi skiptir máli að
ráðherrafundur EFTA var haldinn
hér í Eyjum og að hann heppnaðist
svona vel. Gæðastimpillinn er
kominn, ekki þarf frekari vitna við.
Verði samgöngur tryggðar komast
Eyjarnar inn í öll plön hjá ferða-
skrifstofum út um allan heim, allt
árið um kring.
Vestmannaeyjar eru einstök
náttúrusmíð og hér býr fólk sem
nýtur þess að taka á móti gestum.
Það lokkar og laðar og verður ekki
verra að geta flaggað fundinum sem
fékk tíu í einkunn hjá öllum sem
hann sóttu. Vestmanneysk fyrirtæki
eiga að skipuleggja og selja ferðir
um allt Ísland og vera í beinum og
milliliðalausum samskiptum við
erlenda söluaðila. Það er engin
ástæða fyrir því að Vestmanneyjar
verði ekki stærsti og blómlegasti
ferðaútgerðarbær landsins utan
höfuðborgarsvæðisins. Það vantar
kannski bara smá sjálfstraust í
okkur Eyjamennina þó sumir eigi
kannski bágt með að trúa því. Það
er nefnilega ekkert sjálfsagt við að
halda öll þessi íþróttamót og
þjóðhátíð áratug eftir áratug þar
sem nánast hver einasti kjaftur fer
glaður heim. Fyrir utan ægifegurð
Eyjanna fer saman kunnátta,
reynsla, þjónustulund og samheldni
samfélagsins sem allt leggst á eitt.
Við þurfum bara að átta okkur enn
betur á því hversu gríðarleg auðæfi
eru fólgin í fólkinu okkar og
reynslu þess og þá eru okkur allir
vegir færir,“
Mikilvægi EFTA fyrir Ísland og
Vestmannaeyjar
EFTA var stofnað 1960 af Bretum,
Dönum, Norðmönnum, Svíum og
fleiri ríkjum en Ísland gekk inn í
það tíu árum síðar. Í dag eru
Noregur, Liechtenstein og Sviss í
EFTA, auk Íslands. Martin segir að
EFTA aðildin hafi reynst Íslandi
happadrjúg. ,,Aðildin tryggði Íslandi
aðild að innri markaði ESB í
gegnum EES-samninginn, en ESB er
okkar langmikilvægasti markaður.
Með aðildinni að EES hækkaði
hlutfall tollfrelsis af sjávarafurðum
okkar úr 60% í 90% þannig að eftir
aðildina að EES urðu 90% af okkar
fiskútflutningi til ESB tollfrjáls og
síðan þá hefur okkur tekist að berja
tollana niður enn frekar.
Strax og við gengum í EFTA árið
1970 gengum við síðan til samn-
inga við EBE, þáverandi ESB, um
tollaniðurfellingar á 60% af okkar
fiskútflutningi á Evrópumarkað. Ég
held því stundum fram að það séu
fáir eða nokkrir bæir eða borgir í
öllum EFTA-ríkjunum sem hafi
hagnast eins mikið á EFTA
aðildinni og einmitt Vestmanna-
eyjar,“ segir Malli sem segir það
sérstaklega ánægjulegt að vinna að
verkefnum sem skila sér í bættum
hag fyrir landsmenn að ekki sé nú
talað um fyrir heimabæinn.
„Núna erum við að reyna að draga
Nígeríumenn að samningaborðinu
en þar eru miklir hagsmunir í húfi.
Þangað seljum við skreið og makríl
sem nú eru með um 20 prósent
tolli. Fyrir fyrirtæki í Vestmanna-
eyjum getur þetta skipt tugum
milljóna á hverju ári. Það sama
gildir um Rússland, Hvíta-Rússland
og Kasakstan en fríverslunarvið-
ræðurnar við þau ríki voru settar á
ís nú í vor vegna stöðunnar í
Úkraínu.“
Ómar GarðarSSon
omar@eyjafrettir.is
Á meðan á dvöl okkar stóð, fengum
við á tilfinninguna að allir íbúar
Vestmannaeyja væru að vinna fyrir
okkur, allt frá rútubílstjórum,
tæknimönnum, brytum og flug-
mönnum. Og veðrið? Sól og blíða
þegar við komum til Eyja og
rigning og rok þegar við fórum. En
ekkert stöðvar Vestmannaeyinga,
hvorki vindar né eldfjöll!
Við upplifðum öll gestrisni og
fjölbreytta hæfileika Vestmannaey-
inga. Hvert smáatriði virtist vera
gert af ást og fullkomnun, allt frá
fundarstað í skólanum, gistiaðstöðu
og skoðunarferðum. Við nutum
ljúffengs matar, hlustuðum á
Eyjalögin og frásagnir um harða
lífsbaráttuna í bland við skemmti-
sögur af Eyjaskeggjum.
Ég vil sérstaklega hrósa ykkur fyrir
að bjóða upp á mat á heimsmæli-
kvarða þar sem hráefnið kemur allt
úr matarkistu Eyjanna.
Rútuferðin, en þær eru venjulega
frekar leiðinlegar, var einhver sú
skemmtilegasta og áhugaverðasta
sem ég hef farið í. Þúsund þakkir
til „man ekki hvað hann/hún heitir
[innsk: Alfreðs Alfreðssonar]“ fyrir
eldmóð og fræðandi ferð sem gerði
hana svo sannanlega ógleymanlega.
Maðurinn er ekki bara sagnfræð-
ingur og mannfræðingur heldur líka
skemmtikraftur á heimsmæli-
kvarða.“
Ísland hélt fundinn á besta stað fyrir
árangursríkar viðræður. Toppurinn
var Elliðaey. Ótrúlegt umhverfið
undir skínandi miðnætursólinni
skapaði réttar aðstæður fyrir líflegar
og opnar umræður. Ég er þakklátur
fyrir þetta einstaka og ógleyman-
lega tækifæri, þ.e. að fá að koma til
Vestmannaeyja.
Ég var furðu lostinn yfir að svona
lítið eysamfélag gæti tekið á móti
120 þátttakendum á EFTA ráðherra-
fundinum.
Það var þessi sérstaka og einstaka
gestrisni og vinarþel heimamanna
sem einkenndu dagana í Vest-
mannaeyjum, sem allir sem ég hef
verið í sambandi við höfðu sérstakt
orð á.
Norðmenn, Svisslendingar og
Liechtensteinbúar ljúka upp einum
rómi um ágæti fundarins, umbúnað
og aðbúnað. Til hamingju.
Takk fyrir ánægjulega samveru og
eftirminnilegan EFTA ráðherrafund
í Eyjum. Verður vart toppað!
Umsagnir
nokkurra
gesta
Malli við hlið Gunnars Braga á einum fundinum.
Í blíðunni í miðbænum. Monica Mæland, viðskiptaráðherra Noregs, og
Harald Neple, sendiherra og fastafulltrúi Noregs í Genf.