Fréttir - Eyjafréttir - 10.08.2016, Blaðsíða 12
12 Eyjafréttir / Miðvikudagur 10. ágúst 2016
Vegna kröfu bæjarstjóra og
bæjarstjórnar um að Herjólfur
sigli sex ferðir til Landeyjahafnar
alla daga ársins leituðu Eyja-
fréttir álits allra þingmanna
Suðurkjördæmis sem eru alls
tíu. Þeir sem sáu sér fært að
svara voru Vilhjálmur Árnason,
Unnur Brá Konráðsdóttir,
Ragnheiður Elín Árnadóttir og
Ásmundur Friðriksson Sjálf-
stæðisflokki og Páll Valur
Björnsson, Bjartri Framtíð. Þau
sem ekki svöruðu voru Sigurður
Ingi Jóhannsson forsætisráð-
herra, Jóhann Páll Jóhannsson,
Haraldur Einarsson og Silja
Dögg Gunnarsdóttir öll frá
Framsóknarflokki og Oddný
Harðardóttir formaður Sam-
fylkingarinnar.
Þau sem svöruðu tóku undir
kröfu Eyjamanna um fleiri ferðir
en fjárveitingu þarf til. Á
heimasíðu Herjólfs segir að
sigldar verða aukaferðir á
föstudögum, sunnudögum og
þriðjudögum. Þ.e. sex ferðir á
föstudögum og sunnudögum
og fimm ferðir alla aðra daga
vikunnar. Af hverju þær eru
kallaðar aukaferðir þegar fullt
er í öllum ferðum kemur ekki
fram. Það sem stingur er að
Herjólfur liggur bundinn við
bryggju í Vestmannaeyjum
frá klukkan 15.30 til 18.30
þriðjudaga, miðvikudaga,
fimmtudaga og föstudaga.
sama hver þörfin er.
Elliði Vignisson,
bæjarstjóri hefur í ljósi
þeirrar staðreyndar að
aldrei hafa fleiri farþegar
ferðast með Herjólfi
milli lands og Eyja
óskað eftir því að
tafarlaust verði bætt við
ferðum í áætlun skipsins
þannig að ferðir þess
verði aldrei færri en sex
á dag fram í miðjan
september þegar ferðasumrinu
lýkur.
Elliði óskar liðsinnis þingmanna
kjördæmisins sem og bæjarfulltrúa í
málinu. Ennfremur segir hann:
,,Samhliða er óskað eftir því að
ferðir í vetraráætlun verði ekki færri
en fimm á dag. Það myndi merkja
að fram í miðjan september sigli
skipið viðbótarferð kl. 16:00 á
mánudögum, þriðjudögum,
miðvikudögum, fimmtudögum og
laugardögum.“
Elliði sagði að samkvæmt
upplýsingum sem Vestmannaeyja-
bær býr yfir hafi farþegum fjölgað
um 25% til 30% í júní og júlí
samanborið við árið 2015. „Öllum
má ljóst vera að lífsgæði íbúa eru
skert þegar þeir komast ekki til og
frá heimilum sínum vegna ásóknar
ferðamanna í þá grunnþjónustu sem
samgöngur eru. Sannleikurinn er sá
að á hverjum degi myndast biðlisti
á bíladekki og oft gerist slíkt einnig
með farþega. Það er
fráleitt að samgöngu-
yfirvöld skuli ekki
tafarlaust hafa brugðist
við og bætt við ferðum
inn í áætlun. Það er
fráleitt að skipið skuli
liggja bundið við
bryggju í Vestmanna-
eyjum með áhöfn á
fullum launum á
meðan fólk getur ekki
ferðast milli lands og Eyja. Það er
fráleitt að samgönguyfirvöld skuli
skammta íbúum Vestmannaeyja þau
lífsgæði úr hnefa sem fylgja því að
hafa frelsi til að ferðast til og frá
heimilum sínum.“
Elliði fylgir þessu eftir og segir
Vestmanneyjabæ skora á þingmenn
Suðurlands og samgönguyfirvöld
öll að bregðast nú hratt við.
Ferðaþjónusta er ein mest vaxandi
atvinnugrein hagkerfis okkar
Íslendinga og Vestmannaeyjar eru
vinsæll áfangastaður. Yfirvöld
verða að skilja að fjárfesting í
innviðum er forsenda vaxtar. Það
má ekki gerast að heimamenn missi
velviljann gagnvart ferðamönnum.
Gerist það verður á brattann að
sækja hvað varðar að efla þessa
annars góðu atvinnugrein.
Ég óska eftir tafarlausri endurgjöf
á þetta erindi með svörum við því
hvort og þá hvernig þessari beiðni
verður mætt,“ sagði Elliði.
Ásmundur Friðriksson,
alþingismaður brást
strax við bréfi Elliða
bæjarstjóra og sendi
innanríkisráherra
fyrirspurn um stöðuna í
rekstri Herjólfs. Í
síðustu viku fékk
Ásmundur svar þar sem
vakin er athygli á að
rekstur Vestmanna-
eyjaferjunnar Herjólfs
er á grundvelli útboðs. Reksturinn
var síðast boðinn út árið 2012, til
þriggja ára, og hefur samningstími
síðan verið framlengdur uns
ráðgerð ný ferja kemur til siglinga
sem mun væntanlega breyta
rekstrarforsendum all nokkuð.
Ásmundur spyr fyrst hver árleg
framlög ríkissjóðs til reksturs
Herjólfs voru árin 2013 til 2015.
Svar: Árið 2013 var styrkurinn
696,8 milljónir króna, 660,1 milljón
árið 2014 og 720,5 milljónir árið
2015.
2. Hver var árleg rekstrarafkoma
(hagnaður/tap) Herjólfs á sama
tímabili?
Svar: Rekstur Herjólfs er á
grundvelli útboðs. Samkvæmt
samningi er áhætta af rekstrinum
hjá bjóðanda, hvort sem er um að
ræða hagnað eða tap. Þá ber þess að
gæta að ekki er venja í útboðs-
verkefnum að verktaki sé beðinn
um að veita slíkar upplýsingar.
3. Hvernig hefur gjaldskrá
fargjalda og farmflutninga breyst
á árunum 2013 til 2015?
Svar: Verðskrá Herjólfs var síðast
breytt í ársbyrjun 2013 og hefur
verð haldist óbreytt árin 2013, 2014
og 2015 þrátt fyrir
almennt hækkandi
verðlag.
Þann 1. janúar 2013
hækkaði verðskrá
Herjólfs flatt um 8,7%.
Fargjald fyrir fullorðinn
farþega eða fólksbifreið
um Landeyjahöfn var
1150 kr. en fór í 1260
kr. og fargjald fyrir
fullorðinn farþega eða
fólksbifreið um Þorlákshöfn var
3060 kr. en fór í 3360 kr.
Þann 1. janúar 2016 hækkaði
verðskrá Herjólfs í siglingum til
Landeyjahafnar um 4,5% og
Þorlákshafnar um 1,8%, í stað
flatrar hækkunar upp á 3,6%, til að
koma til móts við farþega sem nýta
sér ferjuna allt árið. Ferðir til
Þorlákshafnar eru langflestar á
vetrum þegar meirihluti farþega eru
búsettir í Eyjum. Fargjald fyrir
fullorðinn farþega eða fólksbifreið
um Landeyjahöfn hækkaði því um
60 kr. og er nú 1320 kr. Fargjald
fyrir fullorðinn farþega eða
fólksbifreið um Þorlákshöfn var
3360 kr. en fór í 3420 kr. og
hækkaði því einnig um 60 kr.
Aðrar hækkanir hafa ekki orðið frá
árinu 2011. Fargjöld milli lands og
Eyja hafa því haldist nánast óbreytt
þrátt fyrir almennar verðhækkanir.
Hefði farmiðaverð fylgt vísitölu
neysluverðs væri það nú 1378 kr.
um Landeyjahöfn en 3667 kr. um
Þorlákshöfn.
4. Hefur lækkun olíuverðs skilað
sér í bættri afkomu í rekstri
Herjólfs?
Svar: Verðskrá Herjólfs skal
samkvæmt samningi endurskoða
einu sinni á ári með hliðsjón af því
sem kallað er „ferjuvísitala“. Í
ferjuvísitölunni vegur launavísitala
50%, olíuverð 30%, hafnargjöld í
Vestmannaeyjum 10% og bygg-
ingarvísitala 10%. Hið sama á við
um greiðslur til verktaka.
Launavísitala vegur mest í vísitöl-
unni og hefur hækkað frá árinu
2012 um 32,2%, hafnargjöld um
13,2% og byggingarvísitala um
13,7%. Olíuverð hefur aftur á móti
lækkað um 34,4% en sú lækkun
nær ekki nema að hluta til að vega
upp á móti þeim hækkunum sem
aðrir þættir í vísitölunni hafa valdið
þar sem þeir eru mun veigameiri
þættir í rekstrinum.
5. Hefur afkoma útgerðar
Herjólfs batnað á umræddu
tímabili? Ef svo er, er óskað
upplýsinga um hvernig ráðherra
hafi tryggt þeim sem nýta sér
þjónustu Herjólfs lægri fargjöld
og farmgjöld.
Svar: Í ljósi þess að um útboðsverk
er að ræða ber verktakinn allan
kostnað og þar með einnig alla
áhættu af rekstrinum en fær á móti
allar tekjur. Skilmálar útboðsins
tryggja að ef lækkun verður á þeim
liðum sem mynda saman hina
svokölluðu „ferjuvísitölu“, sem
skilgreind er að framan, hefur það
áhrif á gjaldskrá og styrk. Fjár-
hagsleg afkoma verkefnisins hefur
því ekki áhrif á gjaldskrá, hvorki til
lækkunar ef vel gengur né til
hækkunar ef illa gengur.
Hins vegar hafa fargjöld ekki
hækkað til samræmis við aðrar
hækkanir og hafa farþegar notið
þess í heldur lægri fargjöldum, sbr.
svar við 3. tölul. fyrirspurnarinnar.
Herjólfur :: Fimm af tíu þingmönnum svöruðu:
Taka undir kröfu Eyjamanna um
fleiri ferðir en fjárveitingu þarf til
Ómar GarðarSSon
omar@eyjafrettir.is
Elliði Vignisson, bæjarstjóri:
Fari aldrei
færri en sex
ferðir á dag
fram í miðjan
september
:: Óskar liðsinnis þingmanna
kjördæmisins sem og bæjarfull-
trúa í málinu
Ásmundur Friðriksson, alþingismaður fær svör frá
ráðherra:
Fjárhagsleg afkoma
hefur ekki áhrif á
gjaldskrá
:: Hvorki til lækkunar ef vel gengur né til hækkunar
ef illa gengur :: Styrkur árið 2013 var 696,8 milljónir,
660,1 milljón 2014 og 720,5 milljónir 2015
Herjólfur við bryggju í Landeyjahöfn.