Fréttir - Eyjafréttir - 10.08.2016, Blaðsíða 15
15Eyjafréttir / Miðvikudagur 10. ágúst 2016
Avni Pepa, fyrirliði karlaliðs ÍBV,
var að vonum bjartsýnn fyrir
komandi helgi þegar blaðamaður
tók hann tali fyrr í vikunni. „Ég
held þetta verði góður leikur þar
sem þetta eru tvö lið sem munu
reyna að skora mörk. Við sýndum
hvað í okkur býr í síðasta leik gegn
Víkingi Ólafsvík og við munum
mæta ákveðnir til leiks gegn
Valsmönnum,“ segir Avni um
væntingar sínar til leiksins um
helgina. „Sóknarlega vorum við að
skapa okkur mikið af færum gegn
Víkingum og ef við getum náð upp
sama spili gegn Valsmönnum þá
held ég að við munum vinna,“ bætir
Avni við.
Skipta stuðningsmenn ekki miklu
máli í leikjum sem þessum þar sem
allt er undir? „Tvímælalaust skipta
stuðningsmenn miklu máli. Ef lið er
t.d. marki undir og það heyrir að
stuðningsmenn styðji við bak þeirra
þá mun það alltaf skila sér inn á
völlinn.“
En hvernig er fyrirliðin líkamlega
eftir að hafa verið frá vegna meiðsla
í síðustu tveimur leikjum? „Ég vona
innilega að ég verði tilbúinn, ég
byrjaði að hlaupa í gær og finn ekki
fyrir neinu. Ég mun byrja að æfa
með bolta á morgun og er ég mjög
bjartsýnn á framhaldið.“
Af hverju hefur liðið ekki náð að
sýna sömu takta í deildinni og í
bikarnum? „Það er erfitt að segja,
kannski vegna þess að fyrir
tímabilið höfðum við lagt upp með
að fara langt í bikarnum en eins og
ég segi þá er erfitt að svara því. Við
höfum verið að spila vel í mörgum
leikjum en bara ekki fengið
hagstæð úrslit.“
Getur þá Gunnar Heiðar gert
gæfumuninn nú þegar hann er aftur
mættur á völlinn? „ Já, ég vona það
allavega. Hann er reynslumikill og
hefur spilað mikið erlendis og
þekkir svona leiki vel. Hann hefur
klárlega það sem okkur hefur
vantað í okkar leik. Við höfum
skapað mörg færi en ekki náð að
klára þau nógu vel og þar kemur
hann sterkur inn. Hann spilaði vel í
síðasta leik og það eftir langa
fjarveru þannig að hann lítur bara
vel út núna,“ sagði Avni Pepa.
Einar KriSTinn HELGaSon
einarkristinn@eyjafrettir.is
ÍþRÓttiR
u m S j Ó n :
Guðmundur TÓmaS
SiGFúSSon
gudmundur@eyjafrettir.is
Framundan
Miðvikudagur 10. ágúst
Kl. 15 ÍBV/KFR - Grindavík
3. flokkur karla
Fimmtudagur 11. ágúst
Kl. 18:00 HK - ÍBV/Selfoss
3. flokkur kvenna
Kl. 16:00 ÍBV - KR
5. flokkur karla ABCD-lið
Kl. 16:00 ÍBV - Leiknir R.
5. flokkur kvenna B-lið
Föstudagur 12. ágúst
Kl. 19:15 ÍBV - Breiðablik
Úrslit Borgunarbikars kvenna
Laugardagur 13. ágúst
Kl. 16:00 ÍBV - Valur
Úrslit Borgunarbikars karla
Kl. 16:30 ÍBV - RKV
4. flokkur kvenna
Mánudagur 15. ágúst
Kl. 16:30 Fjölnir 2 - ÍBV
4. flokkur karla A og B-lið
Kl. 16:30 Grótta/KR - ÍBV
4. flokkur kvenna A og B-lið
Þriðjudagur 16. ágúst
Kl. 19:00 Fjölnir/Fram/
Afturelding - ÍBV/Keflavík
2. flokkur kvenna
ÍBV vann loksins leik í deildinni,
þann fyrsta frá fjórða júní þegar
þeir sóttu Víkinga frá Ólafsvík heim
á sunnudaginn. Gunnar Heiðar
Þorvaldsson var í fyrsta skiptið í
byrjunarliði ÍBV í leiknum á
tímabilinu og var ekki lengi að nýta
sér það. Hann skoraði eftir tæpar
fjórar mínútur þegar hann slapp í
gegn eftir langan bolta Derby
Carillo.
Næstu mínútur og alveg fram að
hálfleik sótti lið ÍBV látlaust. Liðið
fékk í raun endalaust af færum.
Voru með boltann nánast allan
tímann og sköpuðu sér marktæki-
færi í hverri sókn. Gunnar Heiðar
hefði getað skorað tvö, þrjú, fjögur
eða fimm mörk í fyrri hálfleik, svo
góð og mörg voru færin.
Heimamenn mættu með allt annað
lið í seinni hálfleik, þá mögulega
sökum þess að tveimur leikmönnum
var skipt inn á. Baráttan var meiri
og ÍBV þurfti að hafa meira fyrir
því að skapa sér hálffæri en
dauðafærin í fyrri hálfleiknum.
Hrvoje Tokic fékk besta færi
seinni hálfleiks þegar hann slapp
inn fyrir vörn ÍBV, skot hans var þó
ömurlegt og fór framhjá og yfir
markið. Þegar flautað var til
leiksloka mátti heyra orðaskipti á
milli þjálfara liðanna en þegar liðin
áttust við í Vestmannaeyjum fengu
Ólsarar mjög ódýra vítaspyrnu og
rændu þar af leiðandi ÍBV tveimur
stigum.
Bjarni Jóhannsson þjálfari var mjög
sáttur með sína menn og þá
aðallega fyrri hálfleikinn. „Þetta var
flott byrjun og flottur fyrri hálf-
leikur. Það hjálpar alltaf að skora
snemma í leik, það var vel gert hjá
Gunnari og fylgdum við því mjög
vel eftir. Við fengum fullt af færum
í fyrri hálfleik og áttum að klára
leikinn þá, miðað við þann urmul af
færum sem við höfðum.
Seinni hálfleikurinn var varfærnis-
legur af okkar hálfu en við sigldum
þessu í höfn í lokin,“ sagði Bjarni.
Knattspyrna | Pepsídeild karla :: Víkingur 0:1 ÍBV:
Langþráður sigur í síðasta
leik fyrir bikarúrslitin
Í 32 liða úrslitum sigraði
ÍBV Huginn Seyðisfirði 2:0
hér heima. Vann svo
Stjörnuna úti 0:2 og
Breiðablik 2:3 á útivelli.
Lokaslagurinn var svo gegn
FH þar sem Eyjamenn unnu
1:0.
Bikarsagan:
Frá upphafi bikarkeppninnar
á Ísland árið 1960 hefur ÍBV
sigrað í fjögur skipti en alls
hefur liðið keppt tíu sinnum
til úrslita.
Liðið mætti KR b í úrslitum
árið 1968 og fór með sigur
af hólmi, 2:1. Aftur voru
Eyjamenn komnir í úrslit
1970 en lutu í lægra haldi
fyrir Fram, 2:1. Árið 1972
sigraði ÍBV FH 2:0. Árið
1980 tapaði ÍBV aftur fyrir
Fram með sama mun.
Dæmið snerist við árið eftir
þegar Eyjamenn unnu Fram
með þremur mörkum gegn
tveimur.
Tveimur árum seinna, 1983
léku Eyjamenn gegn ÍA sem
hafði betur með tveimur
mörkum gegn einu. Þá tók
við þrettán ára bið, til 1996
og aftur gegn Skagamönnum
og úrslitin þau sömu og
síðast.
Árið eftir léku Eyjamenn
gegn Keflvíkingum og fór sá
leikur alla leið í vítaspyrnu-
keppni þar sem Keflvíkingar
höfðu betur 5:4. Sinn síðasta
bikarmeistaratitil fram að
hinum tilvonandi vann ÍBV
árið 1998 eftir 2:0 sigur á
Leiftri.
Tveimur árum seinna
töpuðu þeir enn og aftur í
úrslitum gegn Skagamönn-
um, 2:1 líkt og fyrri tvö
skiptin, og er það síðasta
skiptið sem þeir komast alla
leið í úrslit þar til nú, árið
2016.
Í síðustu viku mætti ÍBV einnig Fjölni á Hásteinsvelli og endaði
leikurinn 0-2 gestunum í vil.
Leið strákanna í úrslit: Stuðningsmennirnir
skiptir miklu máli
FH 14 8 4 2 20 - 9 28
Stjarnan 14 8 3 3 27 - 17 27
Fjölnir 14 8 2 4 30 - 16 26
Breiðablik 14 7 2 5 17 - 12 23
Víkingur R. 14 6 3 5 20 - 16 21
Valur 14 5 4 5 23 - 18 19
KR 14 5 4 5 15 - 14 19
ÍA 14 6 1 7 17 - 25 19
VíkingurÓ. 14 5 3 6 17 - 22 18
ÍBV 14 5 2 7 13 - 16 17
Fylkir 14 2 4 8 14 - 24 10
Þróttur R. 14 2 2 10 11 - 35 8
Pepsídeild karla
Íslandsmót 35 ára og eldri fór fram
í Vestmannaeyjum við frábærar
aðstæður alla þrjá keppnisdagana.
Keppendur voru um 100 og það
voru Þórdís Geirsdóttir úr GK og
Nökkvi Gunnarsson úr NK fögnuðu
sigri.
Eyjamenn áttu verðuga fulltrúa í
mótinu þar sem Huginn Helgason
og Friðrik Sæbjörnsson voru
fremstir meðal jafningja. Huginn
gerði sér lítið fyrir og sigraði í
öðrum flokki og Friðrik í þriðja
flokki.
Golf |
þórdís og Nökkvi
sigurvegarar
:: Huginn og Friðrik sigruðu sinn flokk
Verðlaunahafar á Íslandsmóti 35 ára og eldri sem fram fór um helgina.