Skessuhorn - 30.07.1998, Blaðsíða 2

2
FIMMTUDAGUR 30. JÚLÍ1998
i>ácsaunu>~
VIKUBLAÐ Á VESTURLANDI
BORGARBRAUT 57, 310 BORGARNES - SÍMI 437 2262
FAX: 437 2263 - NETFANG: skessuh@aknet.is
Afgreiðsla á Akranesi að Stillholti 18 er opin eftir hádegi virka daga, sími 431 4222
Útgefandi: Skessuhorn ehf.
Ritstjóri og ábyrgðarmaður: Gísli Einarsson, sími 852 4098
Framkvæmdastjóri og blaðamaður: Arinbjörn Kúld, simi 899 6165
Auglýsingar: Magnús Valsson, Borgarnesi sími 437 2262
Arinbjörn Kúíd, Akranesi, sími 431 4222
Prófarkalestur: Ágústa Þorvaldsdóttir og fleiri.
Hönnun og umbrot: Frétta- og útgáfuþjónustan.
Prentun: fsafoldarprentsmiðja hf.
Aðalskrifstofa blaðsins er opin alla virka daga frá kl. 10:00 - 12:00 og 13:00-16:00
Skrifstofan að Stillholti 18 á Akranesi er opin kl. 13-17.
Skessuhorn-Pésinn kemur út alla fimmtudaga. Skilafrestur auglýsinga og efnis er kl. 15.00 á mánu-
dögum. Litaauglýsingar sem krefjast mikillar hönnunarvinnu þurfa þó að berast blaðinu í síðasta lagi
á hádegi á mánudögum. Auglýsendum er bent á að panta auglýsingapláss tímanlega.
Blaðið er gefið út í 5.800 eintökum og dreift ókeypis inn á öll heimili og fyrirtæki á Vesturlandi auk
Kjalarness, Kjósar og Reykhóla.
Hvab fáum
vib?
Ég get nú ekki annað sagt en að mér sé létt
svo ekki sé meira sagt. Mér er í raun og veru
fislétt. Mér líður að öllu leyti miklu betur, lík-
amlega og andlega. Kviðverkurinn er horf-
inn, sömuleiðis strengurinn í síðunni og ég er
mun léttari í lund eftir að það varð ljóst fyrir
stuttu að Vestmannaeyjaflugvöllur gæti borið Keikó þegar hann kem-
ur til landsins með einkaflugvél sinni. Það var og einnig til að róa
mitt geð að Göran Person forsætisráðherra Svíþjóðar skyldi sjálfur
taka rúnt út í Eyjar til að skoða væntanlegan íverustað Keikós og
blessa hann. Þar með var ég orðinn alveg öruggur um að allt væri í
réttum farvegi og gat farið að snúa mér að ómerkilegri málum á borð
við daglegt strit.
Þó svo að velferð Keikós sé vissulega fyrir öllu þá er ég eftir á að
hyggja ekki fyllilega hamingjusamur. Auðvitað virði ég þá ákvörðun
kvikmyndaleikarans geðþekka að velja sér bústað fyrir efri árin á
þessum sögufrægu þrælaeyjum en það er spuming hvort Vestlend-
ingar hafi staðið sig nógu vel í kynningarmálum. Fékk Keikó t.d. sent
nauðsynlegt kynningarefni á borð við myndbönd og bæklinga eða
gjafaáskrift af Skessuhomi? Ég veit ekki til þess og ég efa það að
honum hafi einu sinni verið boðið að vera við opnun Hvalfjarðar-
ganga, hvað þá á þorrablót.
Hveijum sem um er að kenna þá er engin sanngimi í því að ganga
fram hjá Vesturlandi í þessu sambandi. Allir aðrir landshlutar eiga sitt
vörumerki, en hvar er tákn Vesturlands? Vestmannaeyingar hafa
Ama Johnsen og það ætti að nægja þeim svo ekki sé meira sagt,
Austfirðingar hafa Lagarfljótsorminn, Húnvetningar Hallbjöm Hjart-
arson, Skagfirðingar hafa Álftagerðisbræður og hver einasti Þingey-
ingur er sér á parti. Það má að vísu ekki horfa fram hjá því að við
Borgfirðingar höfum Flosa Olafsson en hvað er hann í samanburði
við Keikó? Þótt hann sé gildur bóndi er mun meira rengi á Keikó.
Flosi er kannski betur máli farinn en Keikó og meiri hagyrðingur, en
Flosi kemst ekki með tæmar þar sem hinn hefur sporðinn sem kvik-
myndaleikari og kyntákn.
Annað er svo það að þegar upp verður staðið eigum við Vestlend-
ingar enga möguleika á að fá nokkum hval. Nú beinist athygli hvala-
vina um allan heim að Vestmannaeyjum og þjónustuíbúð Keikós sem
hggur þar skammt undan landi. Sem stendur er Keikó eini Islending-
urinn sem alheimurinn hefur minnsta áhuga á. Það er því ekki nóg
með að á okkur hvíli sú skylda að halda lífinu í þessum hlunki, held-
ur liggur það ljóst fyrir að við fáum síst af öllu að veiða frændur hans
og vini á næstu áratugum. Að vísu sagði Hallur Hallsson, íslenskur
túlkur Keikós, að hinum skvapholda kvikmyndaleikara væri slétt
sama um hvalveiðar Islendinga en ég á nú eftir að sjá að þessi hetja
hvíta tjaldsins sitji aðgerðarlaus í sinni sjókví á meðan blóðþyrstir
hvalfangarar elta alla hina litlu sætu hvalina marga hringi í kringum
landið. Þótt Skagamaðurinn, og þingmaður vor, Guðjón Guðmunds-
son hafi sótt fast í baráttunni fyrir því að hvalveiðar verði leyfðar að
nýju þá held ég að það verði á brattann að sækja ef þeir standa sam-
an í vöminni, Vestmannaeyingamir Ámi Johnsen og Keikó með túlk-
inn hraðmælta Hall Hallsson í markinu.
Eins og ég hef margoft tekið fram þá hef ég ekkert út á karlgreyið
hann Keikó að setja persónulega og ég vísa frá mér öllum ásökunum
um að það hafi verið ég sem ætlaði að setja arsenik í teið hans (þó
hugmyndin hafi vissulega verið allrar athygli verð). Keikó á að vita
það að hann er velkominn í kaffi til mín hvenær sem hann vill og þar
verður honum í engu hætt. Á hinn bóginn er eðlilegt í þessu sam-
hengi að rifja upp hið ævafoma máltæki: “Betri er einn hvalur í hval-
stöð en tveir í flotkvf’.
Að lokum; megi Keikó verða allra hvala langelstur, því guð hjálpi
okkur þegar íslendingar verða ásakaðir fyrir að hafa kálað stjömunni.
Gísli Einarsson fyrrverandi hvalskurðarmaður.
Loksins, loksins!
Um síðustu helgi var langþráðum
áfanga náð á Akranesi. Þá voru
steyptar helstu iðnaðargötur bæjar-
ins, þ.e. Kalmansvellir og Smiðju-
vellir. Til verksins var notuð afkasta-
mikil steypuútlagningarvél sem
keypt hefur verið. Alls er hægt að
leggja út 7 metra breidd og afkasta-
getan er allt að 50 metrar á klukku-
stund.
Þar með er langþráðum áfanga náð
á Akranesi. Rekstraraðilar fyrirtækja
hafa sótt það stíft að bæjaryfirvöld
létu vinna þetta verk þannig að bætt
aðgengi yrði að fyrirtækjunum sem
þama em.
Þegar Skessuhom var á ferðinni á
Skaganum sl. sunnudag var þessi
mynd tekin. Nýja gatan er glæsileg í
alla staði og slétt sem gólf á íþrótta-
húsi væri!
Nýsteypt gata á Kalmansvöllum á Akranesi.
Vibamiklar
lagfæringar
Framkvæmdir við lagfæringar á
gmnnskólanum á Kleppjámsreykjum
í Borgarfirði standa nú yfir. Veitt var
20 milljónum króna til verksins og
skal því lokið fyrir skólabyrjun þann
1. september n.k. Verktaki er Pálmi
Ingólfsson trésmiður á Hálsum í
Skorradal.
Bæði er um að ræða klæðningu og
einangrun veggja eldri hluta skóla-
húsnæðisins auk breytinga á innrétt-
ingum og skipulagi innandyra. Inn-
anhússarkitektar vom fengnir til að
endurhanna skólahúsnæðið og færa
það til krafna nútíma kennsluhátta og
breyttra aðstæðna. Stór hluti fram-
kvæmdanna innan dyra felst í breyt-
ingum á gamalli og aflagðri heima-
vist þar sem til húsa verður kennslu-
aðstaða fyrir yngri árganga gmnn-
skólans.
Verkið reyndist viðameira en í
fyrstu var talið þar sem lagfæra þurfti
botnplötu gömlu heimavistarinnar. í
verkinu felst m.a. að fjarlægja milli-
veggi, endumýja lagnir og skipta um
glugga svo fátt eitt sé nefnt. Einnig
hefur aðstaða fyrir starfsfólk verið
bætt í skólanum og meðal annars
innréttuð starfsaðstaða fyrir aðstoðar
skólastjóra þar sem áður var kennslu-
stofa.
Kleppjámsreykjaskóli er einsetinn
skóli með daglegum akstri nemenda í
þá hreppa sem að honum standa, þ.e.
sameinað sveitarfélag Borgarfjarðar,
Skorradalshrepp auk hluta Hvítár-
síðuhrepps. í skólanum em rúmlega
100 nemendur í 1. til 10. bekk.
Skólastjóri er Guðlaugur Óskarsson.
-MM
Kleppjárnsreykjaskóli fær innri og ytri andlitslyftingu þessa dagana.
Ný verslun
Framboð í matvömverslun hefur
nú aukist til muna í Grundarfirði. Um
síðustu helgi opnaði ný verslun í
gamla kaupfélagshúsinu á staðnum
og hefur hún fengið nafnið Tangi.
Eigendur em hjónin Hjálmar Gunn-
arsson og Helga Þóra Ámadóttir en
verslunarstjóri verður Árni Elvar
Eyjólfsson. í samtali við Skessuhom
sagði Ámi Elvar að byrjað hefði ver-
ið að lagfæra húsnæði og hreinsa til
fyrir tveimur mánuðum síðan. Versl-
unin var innréttuð upp á nýtt og nýr
inngangur settur sem bætir aðgengi
til muna.
Auk almennra mat- og nýlendu-
vara hefur Brauðhús
Helgu, sem hóf starf-
semi sína s.l. vetur, að-
stöðu í einu horni
verslunarinnar svo
alltaf verður hægt að
nálgast þar ný brauð
og bakkelsi.
Verslunin Tangi
verður opin frá kl. 9-
21 virka daga, 9-19 á
laugardögum og 11-19
á sunnudögum.
-MM
Árni Elvar Eyjólfsson verslunarstjóri ásamt ö&ru
starfsfólki Tangans í Grundarfiröi.
Marteinn
fram-
kvæmda-
stjóri
Samkvæmt heimildum
Skessuhoms hefur verið gengið
frá ráðningu framkvæmda-
stjóra hins nýstofnaða Sláturfé-
lags Vesturlands ehf, sem er í
eigu KB, KEA og Norðvestur-
bandalagsins. Framkvæmda-
stjóri félagsins verður Marteinn
Valdimarsson fráfarandi sveit-
arstjóri í Dalabyggð og mun
hann taka til starfa á næstu vik-
um.
Hérabs-
dómarar
flytja
Þrjár breytingar hafa verið
gerðar á embættum héraðsdóm-
ara á landinu. Hervör Þorvalds-
dóttir, dómstjóri á Vesturlandi
flyst í Héraðsdóm Reykjavíkur,
Finnur Torfi Hjörleifsson hér-
aðsdómari í Reykjanesi flyst í
Héraðsdóm Vesturlands og
Jónas Jóhannsson dómsstjóri í
Héraðsdómi Vestfjarða flyst í
héraðsdóm Reykjaness. Emb-
ætti héraðsdómara á Vestfjörð-
um verður auglýst á næstunni.
Héraðsdómarar eru skipaðir
ævilangt en heimild er fyrir því
í lögum að flytja þá milli svæða
óski þeir þess.
Löqreglan
meo utibú
í síðustu viku var komið fyr-
ir nokkurskonar útibúi frá lög-
reglustöðinni í Borgarnesi á
Grundartanga. Mun það vera
gert til að lögreglan geti haft
aðsetur í nánd við Hvalfjarðar-
göng en svæðið við norðurenda
ganganna er innan lögsagnar-
umdæmis Lögreglunnar í
Borgamesi.
Nýja lögreglustöðin á
Grundartanga.
Rang-
hermi
í leiðara síðasta tbl. Skessu-
horns fór undirritaður með
rangt mál hvað varðar skyldur
Vegagerðarinnar til að viðhalda
girðingum meðfram vegum.
Hið rétta er að landeigendum
ber að viðhalda girðingum en
Vegagerðin skal hinsvegar
greiða hluta kostnaðar sam-
kvæmt reglugerð. Þetta leið-
réttist hér með og biðst undir-
ritaður velvirðingar á þessu
ranghermi enda var tilgangur
umræddra skrifa síst að hafa
Vegagerð ríkisins fyrir rangri
sök heldur einungis að benda á
að rangt er að skella allri skuld-
inni á bændur varðandi lausa-
göngu búfjár.
Mefl kveðju
Gísli Einarsson, ritstjóri