Skessuhorn - 05.07.2006, Blaðsíða 13

...rVMIM.
MIÐVIKUDAGUR 5.JÚLÍ2006
13
Fullorðinsbleiur það furðuleg-
asta sem fólk skilur eftir
Frá vinstri: Sigurbjörg Viggósdóttir flokksstjóri, Edda Bergsveinsdóttir og Guðrún Selma
Steinarsdóttir, meðlimir Rtislahópsins hjá Vegagerðinni.
Á vegum Vegagerðarinnar er á
hverju ári haldið úti vinnuflokki tíu
vikur á sumri sem hefur það eitt
hlutverk að fara með þjóðvegum á
stórum hluta Vesturlands og tína
upp það rusl í vegarköntum sem
vegfarendur fleygja út um bílrúður á
ferð sinni. Umfang þessa sorps er
svo mikið að á hverjum degi tína
þessir þrír starfsmenn upp eina og
oftast tvær fúllar skúffur á pallbíl
sem draslinu er safnað í. í sumar eru
þessir starfsmenn þær Sigurbjörg
Viggósdóttir, flokksstjóri, Edda
Bergsveinsdóttir og Guðrún Selma
Steinarsdóttir. Að eigin sögn ganga
þær undir því virðulega starfsheiti
„Ruslahópurinn,“ hjá Vegagerðinni.
Hreinsisvæði þeirra er æði víðfeðmt
og nær ffá Haffjarðará í vestri, norð-
ur að Króki í Norðurárdal, alla
Borgarfjarðardalina og sunnan
Skarðsheiðar að Akranesi og Hval-
íjörð beggja vegna að gangnamunn-
anum að sunnanverðu.
Þær stöllur sögðu í samtali við
blaðamann að vegfarendur hljóti
upp til hópa að vera sóðar. „Það er
alveg með ólíkindum það magn
rusls sem við þurfum að tína upp og
Þetta bar hæst í pallbíkskújjtmni sl. mið-
vikudagþegar stöllumar unnu við hreins-
un við veginn í nágrenni Grjóteyrar.
jyrykkjarv'óruumbúðir voru mest áberandi
og lítið um kúkableiur þennan dag.
ótrúlegt hverju fólk hendir út úr bíl-
um sínum í stað þess að koma við á
gámastöðvum eða nota ruslatunnur
sem eru t.d. við allar bensínstöðvar.
Sumir hafa jafnvel fyrir því að fá sér
htla ruslapoka í bílinn, en henda
þeim svo út um gluggann þegar þeir
eru orðnir fúlflr. Svona fólk hugsar
ekki,“ sögðu þær. Aðspurðar um
hvað væri algengast að fólk henti
segja þær alls konar drykkjarvöru-
umbúðir, sígarettustubba og sælgæt-
isbréf algengast. Síðan væri mikið
um að þær hirtu upp staka skó og
fatnað af ýmsu tagi sem og kúka-
bleiur. „Við höfum jafúvel verið að
taka fullorðinsbleiur upp úr vegar-
köntum. Viðkomandi eru nú ekki
meiri sjúklingar eða öryrkjar en það
að þeir hafa nægan mátt í höndun-
um til að henda slíkum sóðaskap út í
náttúruna," sögðu þær stöllur og
ekki var laust við að þeim hryllti við
upprifjunina. Einnig segja þær ótrú-
lega algengt að þær finni tæki til
neyslu fíkniefna og segja hassreyk-
ingar hljóta að vera algengar því
hasspípur af ýmsu tagi sé mjög al-
gengt að þær hreinsi upp úr náttúr-
unni.
Aðspurðar um hvort einhverjir
tilteknir staðir væru verri í um-
gengni en aðrir voru þær ekld í vafa.
„Það er næsta nágrenni Akraness
sem er verst, það er enginn vafi,“
fullyrtu þær. Vafalaust er skýringin
sú að mikið er um að fólk aki rusli í
opnum kerrum ffá Akranesi í sorp-
móttökustöðina Gámu sem liggur
utan við bæinn og á þeirri leið fýkur
oft rusl af kerrunum sem þær síðan
verða að hreinsa upp.
Að endingu vildu þær Sigurbjörg,
Edda og Guðrún Selma hvetja veg-
farendur til að fá sér ruslapoka í bíla
sína og henda þeim síðan á næstu
áningarstöðum í þar til gerð ílát.
Umgengni sem þessi um náttúru
landsins væri óþolandi. „Það er ekki
til mikils mælst að fólk hendi rusli
annarsstaðar en út í vegarkanta og
gamla máltækið sem segir „um-
gengni lýsir innri manni“ á enn vel
við,“ sögðu þær að lokum. MM
----—'—~
Málverkasýning í Skessubrunni
17 júní -16 júlí
Bjarni Þór - "Hesfar í íslensku landslagi"
Sumaropnun:
Miðvikudaga, fimmtudaga og föstudaga opnar kl. 17:00
Þá daga er tilboð: 2 fyrir 1 á smjörsteiktri gæða Klausturs Bleikju.
Einnig er hægt að velja af matseðli.
Laugardaga og sunnudaga er opið frá kl. 14:00.
Frá kl. 14:00 er boðið upp á kaffi, kakó og meðlæti.
Einnig er hægt að velja af matseðli.
Upplýsingar og pantanir:
861 3976 og 433 8956 - skessubrunnur@simnet.is
Verið velkomin