Morgunblaðið - Sunnudagur - 07.07.2019, Blaðsíða 32

SUNNUDAGUR 7. JÚLÍ 2019
FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
STILLANLEG RÚM • HEILSURÚMOG -DÝNUR • GAFLAR • SÆNGUR • KODDAR • SVEFNSÓFAR • STÓLAR • SÆNGURFÖT, O.FL.
60%AFSLÁTTUR
ALLT AÐ
ÚTSALA
VEFVERSLUN
www.betrabak.is
OPIN ALLAN SÓLARHRINGINN
SUMAR
Árni Þór Lárusson leikur hlutverk í stuttmynd, sem
hægt er að sjá á vefnum YouTube og nefnist Just So.
Myndin er verkefni við elsta leiklistarskóla Bretlands,
London Academy of Music and Dramatic Art, þar sem
Árni Þór er við nám.
Árni Þór er á lokaári í skólanum og á því hefur hann
leikið í fjórum leikritum, þar á meðal Don Carlos eftir
Schiller og Kirsjuberjagarðinum eftir Tsjekov þar sem
hann fór með hlutverk Leoníds Gajevs.
Nemendur við skólann leika í stuttmyndinni Just So,
en leikstjórn, tökur og klipping eru í höndum fagfólks.
Myndin er ein af 11, sem skólinn framleiddi í ár, og er
verkefni í kvikmynda- og útvarpsleikhússáfanga.
Á þriðjudag verður svo lokaverk útskriftarhópsins
frumsýnt, leikritið The Lights, sem bandaríska leik-
skáldið og handritshöfundurinn Howard Korder skrifaði
fyrir aldarfjórðungi.
„Mér finnst leiklistin spennandi af því að hlutverkin
eru svo ólík og hvert viðfangsefni gefur tækifæri til að
skapa frá grunni,“ segir Árni Þór. „Maður fær að setja
sig í spor annarra, sem gerir manni kleift að hugsa og
skilja heiminn frá öðru sjónarhorni.“
Árna Þór finnst áhugaverðasta frásögnin verða til
þegar hann nær að færa athyglina frá sjálfum sér yfir á
mótleikarana og bregðast við því, sem er að gerast í
kringum hann.
Árni Þór Lárusson,
leiklistarnemi við skól-
ann LAMDA í London,
í hlutverki sínu í stutt-
myndinni Just So.
Að setja sig í spor annarra
Árni Þór Lárusson hefur leikið í fjórum leikritum og stuttmynd sem
sjá má á netinu á lokaári sínu í leiklist í London.
Fjöldatakmarkanir í læknisfræði í Háskóla Íslands
hafa löngum verið bitbein. Hávær umræða varð
þegar þær voru fyrst teknar upp árið 1969 og 4.
júlí það ár birtust í Morgunblaðinu viðbrögð
nokkurra nýstúdenta, sem höfðu ætlað í lækn-
isfræði.
Árni T. Ragnarsson hafði orð fyrir nýstúd-
entum og hélt á fund háskólarektors til að fá
ákvörðuninni breytt. Kvaðst hann hafa talað fyrir
daufum eyrum og bætti við: „Lágmarkskrafan er
því að deildin finni einhvern sanngjarnari mæli-
kvarða, ef hann er þá nokkur til.“
Sigurður Árnason, nýstúdent frá MR, sagði
„andskoti hart“ að láta „einhverja menn úti í bæ
ákveða það með einu pennastriki hvað maður
má ekki leggja fyrir sig“. Þeir ættu að gera sér
grein fyrir að þeir væru að „fjalla um mann-
eskjur en ekki skrifstofuvélar“.
Ekki hefur nálaraugað inn í læknisfræðina
stækkað síðan þetta var skrifað fyrir 50 árum.
GAMLA FRÉTTIN
Manneskjur
en ekki vélar
Nýstúdentar voru ekki kátir þegar fjöldatakmörk-
unum var skellt á í læknisfræði án fyrirvara vorið 1969.
ÞRÍFARAR VIKUNNAR
Kris Kristofferson
tónlistarfrömuður
Gunnar Þorsteinsson
trúarfrömuður
Gunnar Sturluson
hestafrömuður