Fréttablaðið - 30.10.2019, Blaðsíða 12

Afrekið er ekki síst
mikið þar sem við
erum með ódýrasta lið
deildarinnar hvað launa-
kostnað leikmanna varðar.
Þá erum við þar að auki með
næstyngsta lið deildarinnar.
Við erum spennt
fyrir þessu verkefni
– hvort sem við fáum leik
eða ekki. Við munum taka
þátt á einn eða annan hátt
enda margt sem hangir á
spýtunni í kringum svona
mót. Við og Færeyjar sjáum
fyrir okkur að halda dóm-
araráðstefnu, drátt í riðla
eða eitthvað álíka.
Milos Milojevic á hliðarlínunni í leik með Mjällby á leiktiðinni sem lýkur um næstu helgi en hann hefur komið liðinu upp um tvær deildir. MYND/MJÄLLBY
3 0 . O K T Ó B E R 2 0 1 9 M I Ð V I K U D A G U R12 S P O R T ∙ F R É T T A B L A Ð I Ð
SPORT
FÓTBOLTI Klara Bjartmarz, fram­
kvæmdastjóri KSÍ, segir að draum­
urinn sé að fá leik eða jafnvel leiki
á HM kvenna árið 2027 til lands­
ins. Ísland mun að einhverju leyti
verða þátttakandi í HM það árið en
Klara situr í nefnd sem vinnur að
því að koma HM 2027 til Norður­
landanna. Holland, Bandaríkin
og Síle eru einnig sögð áhugasöm
um að halda mótið sem verður það
tíunda í röðinni.
„Í Svíþjóð eru margar borgir
áhugasamar og eru að keppast
um að bjóða betur en nágranna­
borgirnar. Það er mikill áhugi víðs­
vegar um Norðurlöndin en það var
mikill einhugur hjá knattspyrnu­
samböndum landanna um að fara í
þetta verkefni og þau leggja á þetta
mikla áherslu,“ segir Klara.
Í gær var haldinn fundur sænska
k nat t spy r nu s a mba nd si ns og
nefndar Norðurlandaráðs vegna
umsóknarinnar um að halda HM í
knattspyrnu kvenna 2027.
Til að fá leik eða leiki hingað
til lands þarf nýr Laugardals­
völlur að vera kominn í gagnið.
Klara segir að það gæti verið að
hann dygði ekki einu sinni. „Við
vitum lítið og vitum ekki hvað við
getum lagt til marga velli. Það er
ekki víst að allir sem vilja fái leiki.
Það skýrist ekki strax. Við erum að
sjá hvernig málin þróast með HM
2023. Þar eru sjö þjóðir að sækja um
að halda það mót og samkeppnin
mikil.“
Klara segir að Norðurlandaráð
hafi tekið umsókninni opnum
örmum enda norrænum gildum
gert hátt undir höfði sem og sögu
kvennaboltans sem er mikil hjá
Norðurlandaþjóðum. „Við erum
spennt fyrir þessu verkefni –
hvort sem við fáum leik eða ekki.
Við munum taka þátt á einn eða
annan hátt enda margt sem hangir
á spýtunni í kringum svona mót.
Við og Færeyjar sjáum fyrir okkur
að halda dómararáðstefnu, drátt í
riðla eða eitthvað álíka. Draumur­
inn er að fá leik eða leiki en á meðan
við höfum ekki staðfestingu um
hvað við getum boðið upp á í vallar­
málum þá er erfitt að sækja það
fast,“ bendir hún á. – bb
Draumurinn að fá leik á HM kvenna til Íslands
Bandaríkin urðu heimsmeistarar í Frakklandi í sumar. NORDICPHOTOS/GETTY
FÓTBOLTI Mjällby sem leikur undir
stjórn Milos Milojevic tryggði sér
á mánudagskvöldið sæti í sænsku
efstu deildinni í knattspyrnu karla.
Milos var gerður að aðalþjálfara
Mjällby um miðjan júnímánuð
árið 2018 og stýrði liðinu upp í B­
deildina í fyrstu tilraun. Liðinu var
spáð fallbaráttu í B­deildinni en
blés á þær spár og hefur tryggt sér
sæti í efstu deild þegar ein umferð
er eftir af B­deildinni.
„Það er mjög ljúf tilfinning að
vera búnir að tryggja okkur sætið
fyrir lokaumferðina. Þegar ég
kom hingað var ég einnig ráðinn
sem yfirþjálfari akademíunnar og
markmiðið var að búa til umhverfi
þar sem að góðir yngri leikmenn af
svæðinu myndu vilja koma í aka­
demíuna. Við vildum búa til bestu
akademíu á því svæði í Svíþjóð þar
sem Mjällby er. Félagið skuldaði
tæplega 40 milljónir íslenskra
króna þannig að það var á hreinu að
við yrðum að byggja upp frá grunni
og við gætum ekki fjárfest í dýrum
leikmönnum,“ segir Milos um upp­
haf veru sinnar í Mjällby.
„Hvað mig sjálfan varðar þá var
ég með tilboð sem voru fjárhags­
lega betri en mig langaði að komast
út úr þægindarammanum og takast
á við nýja áskorun og ég sé ekki
eftir því núna. Við erum komnir
með U­17, U­19 og A­liðin okkar í
efstu deild og það er frábært afrek
að mínu mati. Mjällby er félag sem
var í efstu deild fyrir sex árum og
það var á stefnuskránni hjá stjórn­
inni að komast þangað aftur 2023
þannig að við erum fjórum árum
á undan áætlun,“ segir þjálfarinn
hreykinn.
„Afrekið er ekki síst mikið þar
sem við erum með ódýrasta lið
deildarinnar hvað launakostnað
varðar. Meðallaun hjá okkur eru
rúmlega 200.000 íslenskar krónur
fyrir skatt þannig að við erum ekki
með dýrt lið. Þá erum við þar að
auki með næstyngsta lið deildar­
innar og það lið sem er það yngsta
er í harðri fallbaráttu. Við erum
með 13 leikmenn sem eru annað­
hvort uppaldir hjá Mjällby eða hafa
komið til okkar frá öðrum félögum
í kringum okkur eins og Halmstad,
Helsingborg og Malmö. Þessir leik­
menn eru um tvítugt og hafa þrosk­
ast hratt og vel,“ segir hann um það
hvernig liðið er upp byggt.
„Félagið er komið í réttan farveg
hvað fjárhagslegu hliðina varðar
og nú getum við vonandi farið að
fjárfesta í leikmönnum og fjölga
í þjálfarateyminu. Við erum að
vinna mjög faglega, sérstaklega
þegar tekið er mið af því hversu
þjálfarateymið er lítið. Við höfum
náð að búa þannig um hnútana að
við erum að mæla æfingaálagið
og taka leikmenn í próf reglulega.
Þannig höfum við komið í veg
fyrir að leikmenn séu að detta út í
meiðslum sem rekja mætti til álags,
það er tognanir aftan í læri og aðrar
vöðvatognanir. Það hefur krafist
mikillar vinnu af mér og þeim sem
eru að starfa með mér,“ segir Milos
um starfsumhverfið hjá félaginu.
„Eins og staðan er núna er ég með
spænskan aðstoðarþjálfara, mark­
mannsþjálfara á öllum æfingum og
sjúkraþjálfara sem er í 60% starfi
hjá okkur en ég hef náð að plata í að
vera á öllum æfingum og leikjum.
Við erum svo með tvo liðsstjóra og
annar þeirra er þúsundþjalasmiður
og sér meðal annars um að nudda
leikmennina. Ég myndi vilja bæta
við styrktarþjálfara, auka starfs­
hlutfallið hjá sjúkraþjálfaranum
og ráða inn nuddara í fullt starf
fyrir næsta tímabil. Þá þurfum við
að bæta minnst fjórum og helst sex
gæðaleikmönnum við núverandi
leikmannahóp. Það er einum leik­
manni í hverja línu á vellinum,
markmanni, miðverði, miðju­
manni og sóknarmanni,“ segir þessi
metnaðarfulli þjálfari.
„Það sem ég ætla hins vegar að
gera fyrst er að framlengja samn­
inga við þá leikmenn sem eru nú
þegar í leikmannhópnum og ég vil
halda. Það eru fjórir leikmenn sem
ég myndi vilja hafa áfram í her­
búðum okkar sem eru með lausa
samninga. Fyrsta mál á dagskrá
eftir næstu helgi er að semja við þá
leikmenn. Svo fer ég í það að kanna
hvernig landið liggur og hvaða leik­
menn ég get fengið af leikmanna­
markaðnum. Ég er kominn með
gagnagrunn yfir leikmenn sem ég
þekki vel og þeir eru hér og þar um
heiminn. Ég mun fyrst kanna það
hvaða leikmenn eru í boði á sænska
markaðnum og svo mun ég líta til
Íslands og annarra staða hvað leik­
menn varðar,“ segir Milojevic um
framhaldið. hjorvaro@frettabladid.is
Erum fjórum árum á undan áætlun
Milos Milojevic var í byrjun ársins 2018 ráðinn aðstoðarþjálfari karlaliðs Mjällby í knattspyrnu sem lék þá í sænsku C-deildinni.
Nú rúmu einu og hálfu ári síðar er Milos orðinn aðalþjálfari liðsins og hefur stýrt liðinu upp í efstu deild þvert á væntingar og spár.
3
0
-1
0
-2
0
1
9

0
5
:2
5
F
B
0
4
8
s
_
P
0
4
8
K
.p
1
.p
d
f
F
B
0
4
8
s
_
P
0
3
7
K
.p
1
.p
d
f
F
B
0
4
8
s
_
P
0
0
1
K
.p
1
.p
d
f
F
B
0
4
8
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
4
1
D
-6
E
2
0
2
4
1
D
-6
C
E
4
2
4
1
D
-6
B
A
8
2
4
1
D
-6
A
6
C
2
7
5
X
4
0
0
.0
0
1
1
A

F
B
0
4
8
s
_
2
9
_
1
0
_
2
0
1
C
M
Y
K