Hlynur - 15.02.1966, Blaðsíða 10
FRÁ
GELGJUTANGA
Sumarið 1954 flutti mestur hluti
þeirrar starfsemi Olíufélagsins h.f.,
sem verið hafði á Reykjavíkurflug-
velli, að Gelgjutanga. Eftir varð
tunnuáfylling og afgreiðsla á benzíni
á tankbíla, enda eru enn í notkun
benzíngeymar í Öskjuhlíð. Aðstaðan
á Reykjavíkurflugvelli var fyrir
löngu orðin ófullnægjandi, enda
byggingarnjar orðnar gamlar, og
byggðar í upphafi af brezka hern-
um á stríðsárunum, til bráðabirgða.
Á Gelgjutanga var flutt að nokkru
leyti í nýtt húsnæði, en að nokkru
uppgert og breytt.
Upphaflega átti þarna að vera
skipssmíðastöð, en lítið varð úr
starfrækslu hennar. Leifar hennar
eru sumar þeirra bygginga, sem nú
eru notaðar, svo sem skemmurnar
tvær sem halla til sjávar, og setja
mikinn og sérkennilegan svip á stað-
inn. Síðar var þarna starfrækt fisk-
verkunarstöð, og keypti Olíufélag-
ið staðinn, þegar hætt var rekstri
hennar.
Gelgjutangi er rétt við þann stað,
sem verða á framtíðarhöfn Reykja-
víkur, hin svonefnda Sundahöfn.
Enn er það svæði að mestu óbyggt,
sem fara á undir vöruskemmur og
annað tilheyrandi höfninni. Ýmis-
konar verkstæði eru í nágrenninu.
Mörgum finnst illa farið með
skemmtilegar íbúðalóðir, en einhvers
staðar verða vondir að vera, einnig
vélaverkstæði, með öllum þeim ó-
þrifnaði, sem þeim venjulega fylg-
ir.
Gelgjutangi er í dag ein af mið-
stöðvum Olíufélagsins. Þaðan er bíla
flotanum stjórnað. Bílarnir eru í
gangi allan daginn, sumir með gas-
olíu, aðrir með benzín, svartolíu
eða smurningsolíu. Flestir eru með
gasolíu, enda þarf að fylla á marga
geyma. Flestir geymarnir eru fyllt-
ir hálfsmánaðarlega á vetrum, en
mánaðarlega á sumrum. Farið er
eftir spjaldskrá, þar sem sést, hve-
nær koma skal í hvert hús. Þessu
fylgir sá kostur, að lítil hætta er
á að olíu þrjóti hjá notendum. Einn-
ig er mikið hagræði að þessu fyrir
Olíufélagið, því lítil hætta er á að
ekkert sé að gera einn daginn, en
allt of mikið þann næsta. Þá eykur
þetta afköstin geysimikið, hægt er
að taka fyrir heila götu í cinu, og
þarf þá ekki að hafa áhyggjur af
henni strax aftur, í stað þess að láta
bílana vera á þeytingi frá einum
bæjarhluta til annars. Við dreif-
ingu á gasolíu eru notaðir sex bíl-
ar, og afgreiða þeir um 200 staði á
dag. Olíumagnið er frá tveim bíl-
förmum, til fimm eða sex eftir að-
stæðum. Hver bíll rúmar um 6.500
ltr.
Um benzínið sjá tveir bílar. Ann-
ar Reykjavík og nágrenni, en hinn
um Suðurnes og Suðurlandsundir-
lendið. Ekki er það þó flutt lengra
en á Selfoss, þar er birgðastöð, sem
Framh. á bls. 15.
Efst til vinstri: Hulda Svansdóttir, símastúlka og Skúli Ólafsson, bílstjóri.
Efst til hægri: HörSur Jcnssson og Halldór Björnsson, starfsmenn á dælu-
verkstæði. f miðið til vinstri: Reynar Hannesson, stöðvarstjóri. í miSiS til
hægri: Starfsmenn á bílaverkstæði, talið frá vinstri: Björn Arnfinnsson,
Halidór Halldórsson, Högni Einarsson, Einar Gucmundsson og Guðjón Jóna-
son. Neðst til vinstri: Siguriaug Eggertsdóttir, matráðskona. Neðst til hægri:
Starfsfólk á dreifingarskrifstofu, talið frá vinstri: Teitur Jónsson, Jón Jóns-
son, Reynar Hannesson, Hulda Svansdóttir, Hjörleifur Guðmundsson og
Reynir Gunnarsson.
10 HLYNUR